भरती-अहोटीच येणं

स्वाती फडणीस's picture
स्वाती फडणीस in जे न देखे रवी...
28 Sep 2008 - 1:10 pm

भरती-अहोटीच येणं
=====================

रोजचंच आहे.. भरती-अहोटीच येणं...
लाटांच्या झुल्यात.. मनाच झुलणं..!

रोजचंच आहे.. भरती-अहोटीच येणं...
रेतीच्या किल्ल्याचं.. सागरी बुडणं..!

रोजचंच आहे.. भरती-अहोटीच येणं...
विखुरती चांदी.. हलकेच झेलणं..!

रोजचंच आहे.. भरती-अहोटीच येणं...
उमटल्या खुणांच.. तळाशी रहाणं..!

रोजचंच आहे.. भरती-अहोटीच येणं...
खार्‍या लोटात.. खळाळून हसणं..!

रोजचंच आहे.. भरती-अहोटीच येणं...
लाटांच्या ओठी.. जीवन गाण..!

=====================
स्वाती फडणीस.................... २००६

कविताप्रकटनप्रतिभा