अंधाराचा अन पहाटेचा
तो बंध हळवा सोडला
पैलतीरावर त्या घाटावर
कुणी अंबाडा सोडला?
प्रतिमा मोहक ती अर्पण
पाण्याचे त्या होई दर्पण
स्पर्शाविना शिरशिरीचा
कुणी तरंग लहरता सोडला?
दवांसोबत हलके निजेतून
बाग पाहते डोकावून
दहादिशांना बहकवणारा
कुणी गंध नाशिला सोडला?
ना अजून भैरवी निजली
ना अजून भूपाळी उठली
क्षितीजावर सकवार सुरांचा
कुणी राग मारवा सोडला?
अंधाराचा अन पहाटेचा
तो बंध हळवा सोडला
पैलतीरावर त्या घाटावर
कुणी अंबाडा सोडला?
- संदीप चांदणे
प्रतिक्रिया
21 Sep 2015 - 9:51 pm | एक एकटा एकटाच
वाह!!!!!
21 Sep 2015 - 10:24 pm | चांदणे संदीप
धन्यवाद ३ए!
एका शब्दांत अतिशय बोलकी प्रतिक्रिया!
21 Sep 2015 - 10:29 pm | किसन शिंदे
अगदी पहिल्याच कडव्याला तोंडातून उत्स्फूर्त दाद बाहेर पडली.!
संदीपराव प्रत्येक लेखागणीक आमच्या तुमच्यावर असलेल्या अपेक्षा वाढवताय.
21 Sep 2015 - 10:32 pm | अभ्या..
अहाहा. सुरेख.
जिओ संदीपराव.
21 Sep 2015 - 11:16 pm | चांदणे संदीप
धन्यवाद किसनदेवा आणि अभ्यादादा! __/\__
@किसन शिंदे : असेच अपेक्षांचे ओझे वाढवित राहा. त्यातच खरी मजा आहे!
22 Sep 2015 - 1:09 am | प्यारे१
सुरेख....!
22 Sep 2015 - 1:22 am | शुचि
राग व गंध सांडला लिहीले तर मला जास्त आवडेल. अर्थात हे फक्त सजेशन.
कविता आवडली.
22 Sep 2015 - 1:25 am | स्रुजा
क्या बात हे !!
22 Sep 2015 - 1:29 am | चाणक्य
हळुवार सुंदर रचना. आवडली.
22 Sep 2015 - 1:57 am | चांदणे संदीप
धन्यवाद प्यारेदादा, शुचितै, स्रुजातै आणि चाणक्य!
कवितेबद्दल अजूनही कुणाच्या काही सूचना असतील तर त्या ऐकायला आवडतील!
:)
23 Sep 2015 - 12:00 pm | रातराणी
आवडली!
23 Sep 2015 - 1:29 pm | प्राची अश्विनी
आवडली!
23 Sep 2015 - 4:51 pm | चांदणे संदीप
रातराणी आणि प्राची अश्विनी तुमच्या प्रतिसादाबद्दल आभारी आहे!
23 Sep 2015 - 8:46 pm | शिव कन्या
लयदार लय!
23 Sep 2015 - 10:17 pm | चांदणे संदीप
कैच नै कळ्ळं!! :-/
कळेल अस लिहा की वो तै!
23 Sep 2015 - 10:19 pm | चांदणे संदीप
कैच नै कळ्ळं!! :-/
कळेल अस लिहा की वो तै!
24 Sep 2015 - 4:39 pm | चांदणे संदीप
कळ्ळ! :)
23 Sep 2015 - 10:29 pm | पैसा
खूप छान लिहिताय! वेगवेगळे प्रयोग करून बघा. कधी मुक्तछंदात तर कधी वृत्तबद्ध.
23 Sep 2015 - 10:52 pm | इशा१२३
वा सुरेखच!
23 Sep 2015 - 10:59 pm | जव्हेरगंज
आवडली
24 Sep 2015 - 12:02 am | चांदणे संदीप
पैसाताई, ईशा१२३, जव्हेरगंज, प्रतिसादाबद्दल धन्यवाद!
24 Sep 2015 - 1:38 am | निनाव
Kaay Mhanaave..shabda naahiyet...itka sundar lihile aahe..waah.
24 Sep 2015 - 3:59 pm | विशाल कुलकर्णी
आवडली...
24 Sep 2015 - 4:01 pm | अनुप ढेरे
आवडली!
24 Sep 2015 - 4:46 pm | चांदणे संदीप
अजूनही प्रतिसाद येत आहेत हे पाहून बरे वाटले!
निनाव, विशाल कुलकर्णी, अनुप ढेरे प्रतिसादाबद्दल आभारी आहे.
कवितेची मैफल जर घडली कुणासोबत तर मजा येईल!
मला आवडेल जॉईन व्हायला, किंवा पाठिंबा मिळाल्यास आयोजित करायलाही! :)
Sandy
24 Sep 2015 - 8:59 pm | विवेकपटाईत
कविता आवडली
3 Oct 2015 - 9:41 pm | विश्वजित रामदास जाधव
समोर मनात बिम्बलेल्या आजवरच्या काही सुंदर पहाट येऊन गेल्या! तुमची कविता त्यांच्यासारखीच सुन्दरय!
3 Oct 2015 - 9:59 pm | चांदणे संदीप
प्रतिसादासाठी धन्यवाद विश्वजीत.
ही माझीच कविता माझ्याच मनात एक वेगळी जागा करून राहिली आहे!
तुझ्यासारखच प्रत्येकाला काहीना काही दिसावं वा अनुभवता यावं हाच माझा नेहमी प्रयत्न असतो. :)
Sandy
3 Oct 2015 - 11:02 pm | प्रभू-प्रसाद
कडवे क्र.३,४ सुरेख
छा गये दिलपे.
3 Oct 2015 - 11:46 pm | अत्रुप्त आत्मा
बेहद्द आवडली!
4 Oct 2015 - 7:18 am | चांदणे संदीप
गुर्जीं, प्रसाद धन्यवाद!
4 Oct 2015 - 8:18 am | दीपा माने
कवितेतले शब्द नेमके भावविश्व उभे करतात.
4 Oct 2015 - 5:28 pm | यशोधरा
सुरेख रचना.
एक सुचवावेसे वाटते की त्या, ती, तो वगैरे fillers सतत वापरले नाही तर अधिक योग्य होईल.
4 Oct 2015 - 5:35 pm | चांदणे संदीप
धन्यवाद यशोतै!
वृत्तात बसवताना ते वापरावे लागले! पण सूचना एकदम मान्य.
यापुढे कविता लिहिताना नक्की प्रयत्न करीन फिलर्स टाळण्याचा! :)
7 Oct 2015 - 5:23 pm | तुडतुडी
हडळ असेल कुणीतरी
7 Oct 2015 - 5:26 pm | चांदणे संदीप
तुम्ही तर नव्हता?
7 Oct 2015 - 5:34 pm | सूड
जमलंय!! अजून येऊ द्या.
7 Oct 2015 - 6:03 pm | चांदणे संदीप
वरच्या प्रतिसादाने कवितेवर 'सूड' उगवलाय आणी तुमचा असा छान प्रतिसाद!
केवढा विरोधाभास!
धन्यवाद!
आणखी येणारच आहे!
Sandy
7 Oct 2015 - 7:20 pm | जव्हेरगंज
अहो, मला वाटतय तो प्रतिसाद मजेमजेत दिलाय! त्यावर तुमचा रिप्लाय जास्तच टोकाचा वाटला. हे आपलं माझं एक निरिक्षण!!
7 Oct 2015 - 7:25 pm | चांदणे संदीप
सोडा घ्या… आपल... (नुसतंच) सोडा!
7 Oct 2015 - 7:27 pm | अनन्न्या
आवडली.
8 Oct 2015 - 1:12 am | ज्योति अळवणी
अप्रतिम..... आवडली
8 Oct 2015 - 6:46 am | मदनबाण
रचना आवडली...
मदनबाण.....
आजची स्वाक्षरी :- Ittage Recchipodham... ;) :- Temper
8 Oct 2015 - 7:39 am | प्रीत-मोहर
Avadli kavita. Pu.le. shu.
8 Oct 2015 - 12:58 pm | तुडतुडी
माझे केस अंबाडा घालण्याइतके लांब नैत