कोटीच्या कोटी उड्डाणे !!!!

"थोड्क्यात सांगायच तर हिंदी सिनेमा दाक्षिणात्य सिनेमांसारखा अतर्क्य होत चालला आहे. एक रजनीकांत कमी पडतोय की काय म्हणुन सगळेच रजनीकांत बनु पाहतायेत. निखळ मनोरंजक सिनेमे बनवायला हरकत नाही. पण त्या नावाखाली प्रत्येक वेळेस जर तीन तासांचा तमाशा बघायला मीळणार असेल त्यातली मजा निघुन जाते. प्रत्येक कथेचा एक प्रवास असतो. पण म्हणुन प्रवासासाठी कथा लिहिली जात नाही. कारण प्रवास मनोरंजक असला तरी कथेला अर्थ असल्याशिवाय ती पूर्णत्वाला पोहोचत नाही !!"

१००% मान्य....

बरोब्बर लिहिले आहेस रे चिनार्या.हल्लीच्या हिंदी चित्रपटांचा दर्जा अतिसुमार असतो असे हेही म्हणतात.प्रॉब्लेम म्हनजे मिडियापण असल्या चित्रपटांचे निर्लज्जपणे 'एक निखळ करमणूक' म्हणून समर्थन करीत असते.भरीस भर म्हणून जावेद अख्तर्,महेश भटसारखे स्वयंघोषित विद्वान 'सेक्युलर' हिंदी चित्रपटांची री ओढत असतात.
गेल्या १० वर्षात मराठी चित्रपटांचा दर्जा बराच सुधारला आहे हे मान्य करावे लागेल.एक मराठी म्हणून हिंदी सवंग चित्रपटांना महत्व देण्यापेक्षा मराठी चित्रपटच बघत जा असे म्हणेन.

सध्याच्या हिंदी , मराठी सिनेमांची अधोगती ,अश्लील द्रुश्ये , घाणेरडी आयटम गीते, कोणत्याही फालतू थराला जाण्याची तयारी व ति़कीटांचे अवास्तव दर बघता सुशिक्षीत लोकांनी सिनेमांपासून सावध व दूर राहावे . हे सर्व मुद्दे सर्वांनी आपल्या कुटूंबियांनाही विश्वासात घेउन सांगावेत . त्यामुळे सामाजीक जागरुकता निर्माण होईल . व भविष्यात वाइट सिनेमांना , त्यांच्या निर्मीतींना आळा बसेल . व फक्त सकस सिनेमांचे प्रमाण वा ढेल .

छान

लिहिलंय ते अगदी बरोबर लिहिलंय; पण मी म्हणतो सिनेमाला एवढं महत्त्व तरी का द्या? चांगला असो किंवा वाईट, सिनेमा ही अतिशय क्षुल्लक आणि तात्पुरती गोष्ट आहे त्याला इतके अवास्तव महत्त्व येणे याचा अर्थ जगात सगळे आलबेल असून लोकांना सिनेमा व क्रिकेट पाहण्याशिवाय दुसरा काही उद्योग राहिला नाही असा तरी अर्थ होतो किंवा ज्यांचं बरं चाललंय त्यांना इतर कोणत्याही आव्हानात्मक गोष्टींकडे दुर्लक्ष करून या सिनेमा/क्रिकेटरुपी वाळूत डोके खुपसून बसायचे आहे असा होतो.
क्रिकेटर्स बद्दल उमाळे काढून लिहीलेले, सिनेमाच्या दर्जाबद्दल पोटतिडीकीने लिहिलेले किंवा दोन्हींचा वापर करुन कणेकरी थाटाने विनोद करत लिहीलेले या सगळ्या लेखांचा आता वीट आला आहे खरं तर.

हंसल मेहताचा ' सिटी लाईटस् ', आनंद गांधींचा ' द शिप आॅफ थीसियस ', ' लंचबाॅक्स ' - हे चित्रपट चांगले होते. हैदर चांगला होता.पाहिले किती लोकांनी हा खरा प्रश्न आहे. चित्रपटाच्या प्रेक्षकाचं सरासरी वय हे १४-१५ वर्षांचं असल्यामुळे चित्रपट हे असेच बनवायचे असतात असं दिग्दर्शक आणि निर्मात्यांना वाटतं. पूर्वी अशाच स्वरूपाच्या चित्रपटांनी अस्वस्थ होऊन श्याम बेनेगल, गोविंद निहलानी वगैरेंनी समांतर चित्रपट नामक प्रकार आणला. आताही तसं होऊ शकतं. उलट आता हाॅलिवूड सोडाच, जगभरचे उत्तमोत्तम चित्रपट आपल्याला पाहता येतात आणि आपल्या इथे जर कोणी हटके प्रयत्न करत असेल तर त्यासाठीही मार्ग उपलब्ध आहेत. शेवटी चांगली कला कधीही दुर्लक्षित राहात नाही. वेळ लागू शकतो. 'प्यासा ' चमचा उदाहरण देतो - दिलीपकुमारला तो करायचा नव्हता. तो शूटिंगसाठी आला नाही म्हणून गुरुदत्तने मेकअप केला आणि काम केलं. प्यासा हिट झाला. गुरुदत्तने कागज के फूल काढला , तो पूर्णपणे झोपला. त्यालाही लोकांना प्यासा सारखे चित्रपट बघायला आवडतील असं वाटलं होतं. आपल्या देशातले प्रेक्षक हे प्रचंड अनाकलनीय आहेत. अर्धसत्य आणि मवाली हे एकाच वेळेला लागले आणि चालले. जाने भी दो यारो सारखा अप्रतिम उपहासपट तेव्हा चालला नाही, पण आता कल्ट क्लासिक समजला जातो. म्हणजे पुन्हा तेच - चांगलं कधी वाया जात नाही आणि प्रेक्षकांना काय आवडेल हे कोणीही छातीठोकपणे सांगू शकत नाही!

@हिंदी सिनेमा दाक्षिणात्य सिनेमांसारखा अतर्क्य होत चालला आहे.>> +++++११११११

थोडेफार चांगले सिनेमे बनत असले तरी अल्पवस्त्रधारी स्त्रिया, उत्तान नृत्ये, समीपदृश्ये, क्रूरता, हिंसा ह्यांचे सिनेमात आढळणारे प्रमाण वाढते आहे. पूर्वी सहकुटुंब, मुलांसमवेत, आई, बहिण वा अन्य नातेवाईकांसमवेत बसून बघता येतील असे सिनेमे मुख्य प्रवाहात असायचे. तसे नसणारे सिनेमे अपवादात्मक असत. पण आता असे सिनेमे जास्त बनू लागले आहेत. उलट मोजकेच सिनेमे असे बनतात जे नि:संकोचपणे सहकुटुंब बघता येतील.
जे विकते ते जास्त भडक करून दाखवण्याची स्पर्धा लागलेली दिसते आहे. अफाट पैसा मिळत असल्यामुळे सिनेमे बनवणारे उत्तरोत्तर जास्त पैसे त्यात गुंतवायला तयार होऊ लागले आहेत.
लोकांनीच असले सिनेमे नाकारणे सुरू केले पाहिजे तरच ह्यात सुधारणा होईल. पण मला हे अवघड वाटते आहे. हे अंमली पदार्थाची सवय लागलेल्या व्यक्तीकडून अमली पदार्थ नाकारण्याची अपेक्षा करण्यासारखे आहे.

जेंव्हा टोकाला जातो, किंवा कुठली गोष्ट तीच तीच व्हायला लागते तेंव्हा ती संपते. सर्वसाधारण हिंदी चित्रपटाचा दर्जा खूप चांगला होता असे नाही. साठच्या दशकानंतर बहुतेक गाजलेले चित्रपट हे गल्लाभरु पठडीतलेच होते. जे आज आपण चांगले किंवा कल्ट वगेरे म्हणून बघतो ते त्यावेळेला तितके चालले नव्हते. नवीन निश्चल हा सुद्धा गाजलेल्या चित्रपटाचा हिरो होता.
आजही अनुराग कश्यप किंवा रजत कपूर यांचे चित्रपट वेगळ्या धाटणीचे असतात. आखो देखी छान होता. मराठीत इलिजाबेथ एकादशी सुंदर चित्रपट होता.

ते बाकीचे असो. सर्व जगात केलेल्या एका आंतर्राष्ट्रीय अभ्यासानुसार भारतात सिनेमांमधे स्त्रीचे सर्वात जास्त वस्तूकरण झाले आहे असा निष्कर्ष आला होता. यात कधी काही बदल होऊ शकेल असं कोणाला वाटतं का? या निष्कर्षाची लिंक आता सापडत नाहीये. पण अन्य दोन दुवे तशाच प्रकारचे आहेत. ते पुढीलप्रमाणे.

http://www.thehindu.com/todays-paper/tp-opinion/will-reel-life-be-the-ro...

http://theglobaljournal.net/group/gender-issues/article/1046/

आवडल मत...छान लिह्लय

या सगळ्यात आणखी एक किळसवाणा प्रकार म्हणजे सिनेमातल्या 'आयटम साँग' वर शाळेतल्या किंवा गल्लीतल्या चार पाच वर्षांपासूनच्या मुलींचा "नाच" बसवला जातो आणि पालक कौतुकाने सगळ्यांना दाखवत असतात.

मी काय म्हणतो, की जर कोटीच्या कोटी उत्पन्न मिळवण्यासाठी एंटरटेनमेंट, एंटरटेनमेंट, एंटरटेनमेंट एवढा सोपा फॉर्म्युला आहे, तर तुम्ही का नाही काढत एखादा सिनेमा? माहित्ये, माहित्ये... तुम्ही म्हणणार की त्यासाठी कित्येक कोटीचं बजेट लागतं.... (इथे आता एंटरटेनमेंट, एंटरटेनमेंट, बजेट असा फॉर्म्युला बदलतो....) समजा नाही तुमच्याकडे बजेट इतकं. मग तुम्ही एक दोनपाच लाख खर्चून दहा मिनिटांचा यु्ट्यूब व्हीडियो असा का नाही काढत की जो लाखो, कोट्यवधी लोक डोक्यावर घेतील? आता इथे तुम्ही म्हणाल, की हो, पण त्यासाठी टॅलेंट लागते, आणि नशीबही लागतं. म्हणजे आता फॉर्म्युला बदलून, एंटरटेनमेंट, बजेट, टॅलेंट आणि लक असा झाला की.... मी म्हणेन की बजेट लहान ठेवून बाकीच्या गोष्टी तर ठेवा, आणि मग हळूहळू सगळं मोठं करत जा. म्हणजे फॉर्म्युला बदलून एंटरटेनमेंट, बजेट, टॅलेंट, लक आणि पर्सिव्हरन्स असा होतो. त्यासाठी कष्टही लागतात, वाटही पहावी लागते, आणि यश पदरात पडणारही नाही याची तयारी लागते. त्यापेक्षा यशस्वी चित्रपट खरे तर कसे भंकस असतात याबद्दल लेख लिहिणं खूपच सोप्पं आहे.

इंग्लिश बघा. मराठी बघा, काही काही चांगले असतात.

असो. आपल्याकडे लोक ** आहेत. चुक चुक केलं की मागे जाणा-या कुत्र्यासारखी. जरा डोकं असलेल्या कंपनीला या देशात कशाचाही 'ट्रेंड' प्रस्थापित करता येऊ शकतो, असं माझं स्पष्ट मत आहे.