दुबई सफरनामा भाग - 7 शेख झाएद - ग्रेट ग्रँड मॉस्क

दुबई सफरनामा भाग - 7

शेख झाएद - ग्रेट ग्रँड मॉस्क

Figure 1 Late President of the United Arab Emirates (UAE), HH Sheikh Zayed bin Sultan Al Nahyan’s Mosque
अबुधाबीच्या आमच्या ट्रिपचे महत्वाचे हे आकर्षण होते. ही जगातील सर्वोत्तम प्रचंड म्हणून गाजलेली मशीद. या मशीदीत महिलांना व अन्य धर्मियांना प्रवेश हे ही या मशीदीचे आणखी वैशिष्ठ्य म्हणता येईल. त्यासाठी आमच्यातील स्त्रियांनी काळे बुरखे चढवले व त्या सिद्ध झाल्या.

Figure 2 परदे में रहने दो...
पुरूषांना प्रसाधनाकडे जरूर जा म्हणून सांगण्यात आले म्हणून आम्ही तळघरातील प्रचंड प्रसाधनगृहाला भेट दिली त्यावेळी हात कोपराकडून पंजाकडे बसून धुवायला सोईचे व्हावे म्हणून केलेली जलनिस्सारणाची सोय भावली. शिवाय अनेक अंशातील आरशांनी सजलेला एक भाग आपल्या शरीरयष्टीला विविधांगानी न्याहाळायला सोईचा वाटला. अल्लाहची 99 नावे कोरलेली पाहिली. 9 टनी झुंबराने लक्ष वेधले. भिंतीवरील नक्षीकामाचा अद्वितीय नमुना न्याहाळला. संपूर्ण जागेला आच्छादणारे कालीन (कार्पेट) पायाला मऊ मऊ लागते होते. ताजमहालाची आठवण करून देणारे मॉन्यूमेंट पाहून आनंद झाला. मानवी हातांतून किती व काय काय कलाकारी निर्माण होऊ शकते याचे उदाहरण म्हणून याकडे पहाताना, त्या सौदर्याचा आस्वाद निरपेक्ष बुद्धीने घेताना, काही अतिताई मुर्ख माझ्या धर्मांच्या प्रतिकांशिवाय जगात काही ठेवायचे नाही अशा कोत्या अविचाराने प्रेरित होऊन हातोडीने ते नष्ट करू पाहतात या विरोधाभासाची प्रकर्षाने आठवण झाली.
एक गोष्ट जरा आखरली. प्रवेशद्वाराशी घामाने व वापरून खराब दिसणारी चित्रविचित्र पादत्राणे ठेवायचे स्टँड, जणू मोहक बाळाला नजर न लागावी म्हणून काजळाची तीट लावून काहीसे वैगुण्य दर्शवत होते की काय़?

Figure 3 प्रवेशद्वारातील पादत्राणांचे कप्पेदार स्टँड

Figure 4 पायधुणी

Figure 5 आरसेमहालाचे प्रसाधन

Figure 6 99 नावे अल्लाची

Figure 7 स्तंभावरील कोरीव काम

Figure 8 उंच मिनार

Figure 9 गोलघुमट

Figure 10 हजार खांबी चौसोपा

Figure 11 भिंतीवरील नक्काशी

Figure 12 रत्न मढित 9 टनी शँडेलियर
असे करता करता आमचा परतीचा दिवस उजाडला. दुपारी 12 पर्यंत खोल्या मोकळ्याकरून दिल्याने काही काळ खरेदीत व काही वेळ लॉबीत रेंगाळत काढून मग आम्ही विमानतळावर पोहोचलो.

Figure 3 अलकासह चाललो परतून

व्हिसा व पासपोर्टवर ठप्पेठुप्पे मारायचे काम उरकून विमानाची वाट पाहेतोवर अनुभवलेली एक एक दृष्ये मनात तरळली. सुखद सफरीचा परतीचा प्रवास आटोपल्यावर मुंबईतील भुरभुरणारे हवामान व चिकचिकणारा घाम भारताची आठवण देऊन गेला. विस्कळीत वाहनांच्या गर्दीमधून वाट काढत टॅक्सी पुण्याला परतली तोवर झुंजुमंजु 5.30 झाले होते. मग लागलेल्या झोपेत मी अरबींवेषात पुन्हा दुबईला विहार करून आलो, तेंव्हा पुढील सफरनामा लिहायला सुरसुरी आली.
मित्रांनो, आपल्याला कसा वाटला सफरनामा सवडीने पण जरूर कळवावा.

शशिकांत ओक.
मो.- 9881901049. shashioak@gmail.com