पुरुष विभाग धागा क्र.३---- संसार देवाची कहाणी-----

मस्त व्रत आहे. मी थोडी भर घालतो.

१. तुमच्या एका चांगल्या मित्राबरोबर संगनमत करा. तुमच्या बायकोचा एखादा विशिष्ट पदार्थ चांगला (किंवा त्यातल्या त्यात बरा) बनत असेल ते आठवून बघा - समजा पुलाव. मग त्या मित्राला पढवून ठेवा. तो तिला सांगेल 'वैनी, तुमचा पुलाव फारच मस्त बनतो. आमच्या हिला काही तसा जमत नाही. मला जरा तुमची रेसिपी द्याल का? आणि प्लीज आमच्या हिला सांगू नका... ' आपण कोणालातरी त्या माणसाच्या बायकोपेक्षा बऱ्या वाटतो हे खूप सुखावणारं असतं. तुमच्या मित्राच्या घरी हेच नाटक तुम्ही वठवलं की झाली फिट्टंफाट. तुम्ही चौघे जण सुखी.

२. ऑफिसमधून रोज नुसतं उशीरा घरी जा एवढंच नाही, तर घरी परतताना महाभयंकर दमलेलो आहोत असे भाव ठेवा. आल्या आल्या डोळे मिटून पडून रहा. ती विचारपूस करेल तेव्हा 'काही नाही गं, काही विशेष नाही' असं ओढून ताणून म्हणा. मग तिच्याशी गप्पा मारता मारता हळूहळू ताजेतवाने व्हा. आणि नंतर सहजच म्हणा, 'तुझ्याशी बोलायला लागल्यावर सगळा थकवा निघून गेला बघ!' मग तिला तुमच्याबद्दल 'किती बिचाऱ्याला काम करावं लागतं.' अशी सहानुभूतीही वाढायला लागेल. ती हळूहळू तुम्हाला चहा वगैरे हातात आणून देईल, कधी डोकं चेपून देईल. असं काही केल्यावर हमखास उल्हसित व्हा. आणि तिचं कौतुक करा. अशा चांगल्या सवयी रीइन्फोर्स कराव्यात.

ट्रेड सिक्रेट्स सांगितल्याबद्दल धन्यवाद! तुमची बायको मिपावर येईल याची व्यवस्था लवकरात लवकर करते!

ज्यो ताई, मनातले बोललीस, इथे बायकाहि हा लेख वाचत आहेत.हे विसरले वाटते हि लोक.

रोज एखादी बरी गजरेवाली बघून
बरी गजरेवाली ??? आणि तरी फक्त गजराच घ्यायचा म्हणत्ताय ? ;)

या धाग्याएव्हढा उपयुक्त धागा झाला, होणे नाही.

आपली रेषा मोठी करता येत नसेल तर बाजूला लहान रेषा आखा या न्यायाने
आपल्या माहितीतील डांबरट बायकोला त्रास देणाऱ्या पुरुषांची मधून मधून बायकोला कथा सांगत जावे म्हणजे दगडापेक्षा वीट मऊ या न्यायाने आपले जीवन सुखकर होते.

>>मेहुणीकडे बघू नये,मेहूणीबरोबर गप्पा तर अजिबात मारू नयेत.नाहीतर संशय-पिशाच्य मागे लागते,आणि ह्या संशय-पिशाच्यावर उपाय नाही
मी काय म्हणतो, जिला बहीण नाही अशीच कोणीतरी शोधली तर प्रश्नच मिटेल नाय का?? एकुलती एक मिळाली तर त्याहून बरं. ;)

'' कारण मी "संसार देवाची" रोज पुजा करतो.माझे लग्न झाल्यावर, माझ्या वडीलांनीच मला हे व्रत करायला सांगीतले.''
'' मग मी त्याला संसार देवीची आराधना करायला सांगितली.त्याने ते व्रत केले आणि त्याचा संसार सुखाचा झाला.''
तुमचा मुक्त विहार दिसतोय बर ! वडिल तुम्हाला देवाची पूजा करण्यास सांगतात आणि तुम्ही देवीची आराधना करण्याचे व्रत मित्रांना सांगताय
मुक्त नसलेले देव आणि देवित फरक करतात हो