प्रेमाची चाणक्यनीती (अर्थात मुली पटवायचे डावपेच)

ऐक राजा चाणक्यनीती
प्रेमात येते कशी उपयोगी
प्रेम जरी ह्रुदयाचा खेळ
खेळता डोक्याने यश निर्भेळ
चाणक्य सांगतो काही युक्त्या
येती फळा जर भावना सच्च्या
सर्वात आधी हे जाण तू
प्रेमास तुझिया प्रमाण तू
दुसरा करीतो म्हणोनी केले
प्रेमवीर असे पराभूत झाले

जी तुला बहू आवडे
प्रेमाचे तिला असे वावडे
काय करशील अश्या प्रसंगी?
ऐक सांगतो युक्ति जंगी
विषय हलके टाळ तू
बुद्धिचातुर्य दाव तू
स्वप्निल गोष्टीस नकोच थारा
जुळतात कुठे त्या शोध तारा
असेल काय जे प्रिय तिला
त्यात असावी गति तुला
काम जरासे वेळ घेते
जुळता तारा गति येते

स्वप्नील पाखरू जर असेल ते
कविता करायचे शिकून घे
कार्य समजू नको सोपे
स्वप्ने आवरणे काम मोठे
येता पाऊस, धुके, वारा
पुरुष मित्रास नकोच थारा
संशय घ्यायचे काम नाही
परी विषाची नको परीक्षा

असता स्वभाव बहु बडबडा
काय करावे सवाल खडा
बोलायास तिला बहु आवडे
जरी पसंत ना तुला ते
काम ऐसे करीत जावे
बडबडीत नाव आपुलेच यावे
जमवून जर हे आणलेस तू
युद्ध अर्धे जिंकलेस तू
पुरुषस्वभाव हा जाण तू राजा
होतात खच्ची नाव दुजे येता
उगी समजती मग ही दुस-याची
ईथे आपणा वाव नाही
क्वचित काही प्रेमळ ऐकता
नाही हुरळून जायचे
स्वभाव आहे बडबडा
हे ना कधी विसरायचे
कसे ओळखावे ईथे
मने लागली जुळायला
जेव्हा शब्दांपेक्षा जास्त ईथे
नजर लागते बोलायला

ऐक आता सांगतो
काय करावेस तू
सुंदर अश्या कोणाच्या
पडलास जर प्रेमात तू
सौंदर्याला जरी असतो
सौंदर्याचा अभिमान फार
ऐकवू नकोस परि तिलाच
तिच्या दिसण्याचे गुणगान फार
कारण आहे सरळसोपे
ऐकवीतात तिला हेच सारे
तू आहेस वेगळा
असे वाटावे तिला
शस्त्र ईथे हे परजायचे
विषय अनोळखी काढायचे
सौंदर्याला सौदर्याच्या
जग बाहेरचे फिरवायचे
ती रति म्हणोनी तू
मदन व्हावास ऐसे नाही
नीटनेटके रहात जावे
गंड नको कसलाच काही
ईथे स्पर्धा असते फार
हेर ठेवावेत दोन-चार
कुठे जाते, काय करते
माहिती असावी तपशीलवार
आता संगतो हुकुमी एक्का
प्राण लाव कानाला
सौंदर्यापेक्षा जास्त लक्ष
द्यायचे तिच्या घराला
तिला जवळच्या जनांकडून
तुझी स्तुती कानी पडावी
मग काय बिशाद आहे
ती दुस-या कुणाची व्हावी
उद्दिष्ट्य आता तुझे
हेच असायला पाहिजे
तिच्याच घरात तिने तुझे
नाव ऐकायला पाहिजे
हा प्रकार हाताळण्या
कसब असावे लागते
चुकता नेम ईथे एकदा
काठिण्यपातळी वाढते
ईथे जमायचे तर
झटकन जमून जाते
अति समय लागता
नाद सोडून द्यायचे
ऐक चाणक्य तुला सांगतो
मंत्र बहु उपयोगी
जो डाव जिंकता न येइ
तिथे मोहीम थांबवावी

आता येइ प्रश्न कळीचा
कुणी पुढाकार घ्यायचा
तू प्रश्न टाकायचा का
तिचा प्रश्न झेलायचा
जटील आहे ऊत्तर तरी
सांगतो ढोबळ तत्त्वे
प्रसंगानुरूप वागावे
पुरुषाने हे खरे
नाना प्रकार मुलींचे
आपला प्रकार ओळखावा
न येता ओळखता
चाणक्यास पुसावा
कुणी झटकन निर्णय घेतसे ....(प्रकार -१)
कुणी वेळ लावीतसे..........(प्र-२)
कुणी जरासे घाबरट तर्.......(प्र-३)
कुणी बिनधास्त बोलतसे...... (प्र-४)
कुणाच्या घरी पिता करारी......(प्र-५)
कुणी मातेचे राज्य बघे........(प्र-६)
कुणाला मर्दानीपणा आवडे......(प्र-७)
कुणी सौम्यपणात रमे.........(प्र-८)
कुणाला आवडे घोडे, हत्ती.....(प्र-९)
तर कुणाला फुलपाखरे........(प्र-१०)
एक, तीन, पाच
सात आणि नऊ
तू प्रश्न पुसायचा
नको वेळ लाऊ
दोन, चार , सहा
आठ आणि दहा
समोरून प्रश्न येइल
असे काय ते पहा
विषम प्रकारात वरच्या
लगाम नाही सोडायचा
सम प्रकारात मात्र
जपायचे तू कोमल मना

राजा पुरे झाली एवढी
प्रेमातली चाणक्यनीती
शिकता येत नाही कधी
घरातच सारी युद्ध्नीती