सत्तेच्या त्या खुर्चीसाठी
सगळेच कसे खेळ खेळतात
शेंडीवाले ब्राम्हणही आता
सुंथेवाल्याच्या पायी लोळतात
............................................................
तु निघुन गेल्यावर
नेहमिच असं घडणार
डोळे कोरडे ठेवतांना
मन मात्र रडणार
..............................................................
आठवतय मला अजून
झुल्यावर आपण झुललेलं
तुझ्या अधरावर होतं
प्रेमगीत खुललेलं
...............................................................
गावकुसाच्या वडाची
पाने असतात झडलेली
जशी गावातील माणसचं
म्हसणवाट्यात गाडलेली
...............................................................
ध्येय आणि प्रयात्नासोबत
दिशा जेंव्हा ठरवतो
एक शुद्र कासव मग
सशालाही हरवतो
..............................................................
कोणीतरी ओळखावं म्हणून
आपण सगळ करत असतो
किर्तीच्या मोहापायी
रात्रन् दिवस झुरत असतो
............................................................
पोर्णीमेच्या रात्री तुला
गच्चीवरून पाहिली
माझ्या मनाची फुले तुला
त्या क्षणी वाहिली.
.............................................................
रोजगार हमीच्या कामात
शासनाने कहर केला
तरुणपणी काम केलं
म्हातारपणी पगार झाला
...............................................................
माझं तुझ्यावर प्रेम जडलं
यात काय गैर आहे?
तरी तुला तसं वाटलचं तर
ते गैर नाही तुझे प्रेमाशी वैर आहे.
................................................................
आपण लावलेले आंबे
यंदा खूप मोहरले पण
तु दुखावलेले मन
आणखी नाही सावरले
...............................................................
आपल्या पहिल्या भेटिचा प्रसंग
अजुन मनात लपलाय
तु चुकून दिलेला गुलाब
मी आत्तापर्यंत जपलाय
..............................................................
प्रतिक्रिया
16 Nov 2011 - 10:10 am | गार्गी_नचिकेत
"आपल्या पहिल्या भेटिचा प्रसंग
अजुन मनात लपलाय
तु चुकून दिलेला गुलाब
मी आत्तापर्यंत जपलाय"
खूप छान.......
16 Nov 2011 - 10:12 am | मदनबाण
मस्त... :)
16 Nov 2011 - 4:55 pm | प्रभाकर पेठकर
असा मी, तसा मी च्या ह्या चारोळ्याही अतिशय सुंदर. अभिनंदन.
16 Nov 2011 - 9:39 pm | गणेशा
सुंदर ..
परंतु भाग १ जास्त छान होता...
असेच लिहित रहा... वाचत आहे.....
16 Nov 2011 - 11:09 pm | अविनाश खेडकर
गुलाबांच्या ताटव्यातून चालताना निवडुंगाकडे लक्ष दिल्याबद्ल धन्यवाद
तुमचा लोभ आहे तोपर्यंत लिहीत राहील.
17 Nov 2011 - 1:37 pm | दि ग्रेट मराठा
अप्रतिम... खूप छान
धन्यवाद...
18 Nov 2011 - 12:13 pm | अविनाश खेडकर
दि ग्रत मराठा प्रतिक्रियेबद्ल आभारी आहे