कोंबडा आरवतो
कुकूऽऽच कूऽक
ऊठ बाळा आता
झोप झाली खूऽप |१|
कावळा करतो
काव काव काव
हास बाळा आता
आईला बोलाव |२|
चिमणीची चाले
चिव चिव चिव
सरकत बाळा आता
बाबांना शिव |३|
मोत्या भुंकतो
भो भो भो
बाळ आलं रांगत
बाजूला हो |४|
पोपट बोलतो
मिट्टूऽऽमिया
दुडुदुडु बाळ चाले
बघायला या |५|
मनीमाऊ म्हणते
म्याऊ म्याऊ
बाळाच्या गंमती
बघायला जाऊ |६|
प्रतिक्रिया
3 Jul 2011 - 11:00 am | चिरोटा
विदेश, मस्तच.
3 Jul 2011 - 11:59 am | पाषाणभेद
आपण मिपाचे बालकवी आहात!
(लो. टिळकांनी नारायण श्रीपाद राजहंस यांना "बालगंधर्व" म्हटले या चालीवर वाचावे.)
3 Jul 2011 - 2:09 pm | मितभाषी
छान :)
4 Jul 2011 - 4:35 pm | योगी९००
मस्त मस्त...
आमच्या छोट्या बाळाला पण ही कविता आवडली...
:)