मंद सुगंधी रात करीतसे घात- समस्यापुर्ती (३)

पंगतीला खास होता मसालेभात
पहिल्या रातीला आला गडी रंगात
मंद सुगंधी रात करीतसे घात
वर्षातच बाळकृष्ण नांदे घरात

हळूच तिमिरात धरूनीया हात
सांग मज बात, तुझिया गं मनात
ऋतू बहरात, तुझिया अंतरात
मंद सुगंधी रात करीतसे घात...

जरी मिळाला खमंग मसालेभात
तरी त्यावरी नसे कांद्याची पात
मग बघू सिनेमा जाऊबाई जोरात
मंद सुगंधी रात करीतसे घात

(सूज्ञ वाचकांना हा सुगंध कसला हे कळले असेलच.)

धुंद तुझीया कवेत श्वास श्वासात
धरलेला तुझा मी मखमली हात
मंद सुगंधी रात करीतसे घात
झोपेतुन उठता पेकाटात लाथ

निरोपवेळी निघता सोडुनि हात
भारनियमनी विझे दिव्याची वात
त्वये म्हणावे येना परतुनि आत
मंद सुगंधी रात करीतसे घात

..............

मुळात "करीतसे" मधला री ह्रस्व असावा अशी आमची इच्छा आहे..(काव्यात हं..)

तीन ओळी द्या तेरा अक्षर भरुनि
अरुणाची ये एक समस्या अजुनि
ओळ शेवटी, बसवुनी यमकात
"मंद सुगंधी रात करीतसे घात"

आम्हाला 'क्ष' वाक्प्रचाराचा वाक्यात उपयोग करून दाखवा असा प्रश्न आला की आम्ही बिनधास्त
'आज आम्हाला मास्तरांनी 'क्ष' चा वाक्यात उपयोग करून दाखवायला सांगितला'
असं वाक्य लिहीत असू :)

प्रणयाच्या गणिताचे उल्टे उत्तर
मदीर गोडी चाखत दोघे सत्वर
मंद सुगंधी रात करीतसे, घात
दुसरा आठचा पाच मिळ्वुनी त्यात

(एक स्वल्पविराम त्या ओळीत घालण्याचं धार्ष्ट्य केलेलं आहे. घाईघाईत लिहिल्याने थोडी मात्रांची ओढाताण झालेली आहे.)

हडळींचा नाच. खविसांची साथ
कवट्यांचा डोगर.हाडांची रास
मुंज्याची मुंज.मुडद्यांची वरात
मंद सुगंधी रात करीतसे घात

प.रा ची पार्टी..बाटल्यांची रास
चिंतामणी भरवतात त्याला घास.
व्हिस्की.मंचुरियन ..जमली बात
मंद सुगंधी रात करीतसे घात

चांदीचे ताट
सोन्याचा पाट
वालाची उसळ
मसाल्याचा भात
मंद सुगंधी रात
करीतसे घात
सर्व बेताची लागली वाट

शांतपणे घेई, मला ही घरात, नशीब माझे फळफळले आज!
काय बदल झाला, तुझ्या गं स्वरात, कुठून आला गंधर्व गळ्यात?
प्रेमभरे गेलो मुका घेण्यास, वाजला कानाखाली हात...
मंद सुगंधी रात करितसे घात, चुकून गेलो दुसर्‍याच घरात :O

जरी मी कुठे दूरवरी स्थीत
सा॑गावे कसे आठवणी दाटतात
पारीजात जरी तो नित्य सुग॑धीत
म॑द सुग॑धी रात करीतसे घात !!

मधुकर गुंजारवे रमे पद्मात
ना भान राहिले आला चांद नभात।
मिटले दळ एकेक बंदी हा आत
मंद सुगंधी रात करीतसे घात॥