नव्या वर्षाची गुढी उभारू चला
फाल्गून सरला चैत्री पाडवा आला
नव्या वर्षाची गुढी उभारू चला ||धृ||
नऊवार साडी चौरंगी खण
काठी धुवून टाका बांधून
लिंबाचा पाला हारकड्याने
सजवू धजवू तिला
नव्या वर्षाची गुढी उभारू चला ||१||
शुभमुहूर्त असे चैत्र शुद्ध प्रतिपदेचा
शुभ काळ असे नव्या कार्यरंभाचा
पाने आंब्याची फुले झेंडूची घेवून
तोरण लावू दाराला
नव्या वर्षाची गुढी उभारू चला ||२||
धरती नटली चैत्रपालवी
घरात सजली गृहलक्ष्मी
विसरा १ जानेवारीच्या वेड्या जल्लोशाला
सण मराठी वर्षारंभाचा आला
नव्या वर्षाची गुढी उभारू चला ||३||
- पाषाणभेद (दगडफोड्या)
२२/०७/२०१०
प्रतिक्रिया
22 Jul 2010 - 7:31 pm | शुचि
प्रसन्न करणारी कविता
सवतचि भासे मला| दूती नसे ही माला||
नच एकांती सोडी नाथा| भेटू न दे हृदयाला||
22 Jul 2010 - 7:53 pm | शानबा५१२
जॉक!! :D :D
_________________________________________________''मौन मधे जर शक्ती असती तर सर्वात शक्तीशाली मीच असतो!!
![]()
see what Google thinks about me!
इथे