जावा तिकडे
उं.. जावा तिकडे
मी नाही येत, तुम्ही ना गडे
सोडा मला आता, जवळ कशाला ओढता
तुम्ही गडे ||धृ||
शौकिन तुम्ही हे आसलं,
नाही म्हणत नाही कधी
हौस जीवाची करता,
सोडत नाही एकही संधी
अंहं... हात नका धरू,
होवू नका सुरू,
जावा तिकडे ||
सोडा मला आता, जवळ कशाला ओढता
तुम्ही गडे ||१||
परवा तुम्ही आणली साडी,
त्यासाठी करावी लागली लाडीगोडी
आजच नेसूनी दाखवते तुम्हां,
कोर्‍या साडीची मोडूनी घडी
दिसते कशी सांगा तुम्ही
येते मी तुमच्या पुढे ||
आतातरी सोडा मला,
जवळ कशाला ओढता
तुम्ही गडे ||२||
- पाषाणभेद (दगडफोड्या)
१६/०५/२०१०
प्रतिक्रिया
18 May 2010 - 12:13 am | मदनबाण
दफोराव अंमळ पेटलेले दिसतायतं... ;)
कविता आवडली...
मदनबाण.....
“control oil and you control nations; control food and you control the people”.
Henry Kissinger
18 May 2010 - 12:48 am | टारझन
कांद्याची चटणी होती काय आज आहारात ? अंमळ त्यातही वरुन कांदा घातलेला दिसतोय ;)
- (डॉटनेट इकडे) कांदाराम लसणे
18 May 2010 - 1:00 am | पाषाणभेद
'कांदे नवमी' होती की आज. तुम्ही नाही का साजरी केली?
:-)
डायबेटीस विरुद्ध लढा
माझी जालवही
18 May 2010 - 12:50 am | विकास
अशा काव्याने, "पत्थर के सनम" असलेल्याचा देखील "पाषाणभेद" होऊ शकेल ;)
--------------------------------
मी या आणि इतर संकेतस्थळावर केवळ "विकास" याच नावाने वावरतो. त्याच्या मागेपुढे उभ्या (||) आडव्या (=), तिरप्या (\\ //) आदी कुठल्याच प्रकाराच्या रेषा नसतात. त्या अर्थाने माझी कुठेही शाखा नाही. :-)
18 May 2010 - 12:59 am | शुचि
लई भारी :)
एक भयानक कोटी करण्याचा मोह होतोय .... जाऊ दे .
सवतचि भासे मला| दूती नसे ही माला||
नच एकांती सोडी नाथा| भेटू न दे हृदयाला||
18 May 2010 - 1:25 am | पाषाणभेद
शु..शु.. जावा तिकडे
नका कोटी सांगू
इथे तुम्ही गडे
दुसर्‍यांच्याही कल्पनाशक्तीला वाव
त्यामुळे मिळेल गडे
----------------------------------
अय्या गडे, ईश्श गडे
डायबेटीस विरुद्ध लढा
माझी जालवही
18 May 2010 - 1:41 am | अरुण मनोहर
झकास लावणी. पण म्युजीक कुठे आहे राव? म्युट् का बरं केलेय ?