तुमच्यासुद्धा मनामध्ये एक रेखा असते ना?
उच्चार नसाल करत भले, पण एक रेखा असते ना?
भले तुमची बायको सुशील सुंदर सुगरण,
द्रुष्ट लागावी असं सुखी संसारीक जीवन.
पण कधीतरी कुठ्ठतरी आठवण ही येतेच ना?
सिलसिला बघताना मन गिरकी घेतेच ना?
तुमच्यासुद्धा मनामध्ये एक रेखा असते ना?
नसाल तुम्ही अमिताभ पण म्हणून काय झालं?
साले उप्परवालेने भी असलं हार्ट दिलं.
संस्कार बिस्कार,पाप-पुण्य,समाज काय म्हणेल?
इमोशनल लोच्यामध्ये भिजत घोंगडे पडते ना?
तुमच्यासुद्धा मनामध्ये एक रेखा असते ना?
वाचताना कविता तुमच्या ओठी हसू फुललं.
कुणी नाही ना आजूबाजूला हळूच बघून घेतलं.
कुणी म्हणजे नक्की कोण तुम्हालाही कळलं.
पण आणखी एक महत्त्वाचं सांगायचं राहिलं.
आपली 'जाया' कुणाची तरी रेखा असू शकते ना?
तुमच्यासुद्धा मनामध्ये एक रेखा असते ना?
प्रतिक्रिया
11 Oct 2017 - 8:15 pm | पद्मावति
:)
आपली 'जया' कुणाची तरी रेखा असू शकते ना?12 Oct 2017 - 10:10 am | पुंबा
झकास्स!!
12 Oct 2017 - 10:13 am | अभिजीत अवलिया
आवडली कविता ...
12 Oct 2017 - 10:16 am | तिमा
आमच्या मनांत रेखाच काय, मधुबाला, वहिदा, नूतन, मौशुमी अशा कित्येक असतात, आणि आम्ही उघडपणे, आमच्या जयाला हे कधीच सांगितलं आहे! आणि तिचाही, 'गर्जेल तो पडेल काय ?', या म्हणीवर नितांत विश्वास आहे.
12 Oct 2017 - 4:18 pm | ज्ञानोबाचे पैजार
वरच्या यादीत फक्त माधुरी दिक्षीत अ‍ॅडवा,
पैजारबुवा,
13 Oct 2017 - 6:59 am | प्राची अश्विनी
:):)
13 Oct 2017 - 10:36 am | तिमा
वरच्या यादीत फक्त माधुरी दिक्षीत अ‍ॅडवा,
नाही हो, ती आमच्या स्पेसिफिकेशनमधे बसत नाही. आम्हाला ती कायमच 'हिरड्याकुमारी' वाटत राहिली.
12 Oct 2017 - 10:31 am | जागु
कालच्या अमिताबच्या वाढदिवसाच्या निमित्ताने लिहीलेली दिसते.
12 Oct 2017 - 12:06 pm | चुकलामाकला
सासं ना एक विनंती आहे .
शेवटच्या ओळीत 'जया' च्या ऐवजी 'जाया' करता येईल का?
12 Oct 2017 - 12:14 pm | पुंबा
नक्की?
:प
12 Oct 2017 - 4:27 pm | विशुमित
<<<वाचताना कविता तुमच्या ओठी हसू फुललं.>>>
==>> खरोखर हसू फुलले..!!
13 Oct 2017 - 11:01 am | पाटीलभाऊ
मस्त कविता...!
13 Oct 2017 - 11:57 am | दुर्गविहारी
हा हा हा ! अफलातुन कविता. नर हा निसर्गानेच पॉलिगॅमस केला आहे ( आल्या आता अनाहिता ) त्यामुळे रेखा काय बरीच मोठी लिस्ट असु शकते. ;-)
बाकी आमच्या मनात ते स्थान पंजाब दा पुत्तरी 'प्रियांकाने' पटकावले आहे. ;-)
13 Oct 2017 - 12:58 pm | वरुण मोहिते
कोणाची तरी रेखा असू शकते !!!!!! लैच भारी वाक्य . आमच्याकडून एक पार्टी लागू तुम्हाला ...
13 Oct 2017 - 1:12 pm | सस्नेह
यासाठी टाळ्या !!
2 Dec 2017 - 12:36 pm | नाखु
कसं सुटलं होतं वाचनातून
शेवटचं वाक्य बुंगाट
4 Dec 2017 - 7:21 am | प्राची अश्विनी
आपलातुपला अमिताभ अन् आपलीतुपली रेखा.