माझ्या मनातले!

काहीही झाल तरी मुंबई थांबत नाही हा संदेश देण्याचा अट्टाहास आणि व्यर्थ कौतुक आता पुरे. .....हे स्पिरिट नसुन आपल्या संवेदना दिवसेंदिवस किती बधिर होत चालल्यात याच लक्षण आहे .........शेवटि देशासाठी आपण आहोत आणि आपल्यासाठी देश आहे हे विसरता कामा नये

लाख बोललीस.

अतिशय पोटतोडकीने लेख लिहिला आहेस. पण या क्षणी काँग्रेस किंवा कोणत्याही राजकीय पक्षाला दोष देण्यात काय अर्थ आहे. कोणताही राजकीय पक्ष कितीही पैसे खाऊ असला .. मतांसाठी राजकारण खेळत असला तरी आपल्या देशामध्ये असा हल्ला घडवून आणण्याइतक्या खालच्या थराला गेलेला नाही. मी कोणाचीही बाजू घेत नाहीये. दहशत वाद ही संपूर्ण जगाला लागलेली वाळवी आहे. तिथे नॅशनॅलिटी न बघता अतिरेकी दिसला की ठेचणं हाच उपाय हवा. मग तो ब्रिटीश असो.. पकिस्तानी असो की अगदी भारतीय!
आणि सगळ्यांत महत्वाचं म्हणजे जे काही सुरक्षिततेचे उपाय आहेत ते चोखपणे बजावणे.
जो अतिरेकी जीवंत सापडला त्याला लगेच ठार न करता हाल हाल करून मारणे. म्हणजे सहजासहजी मरणही त्याला मिळालं नाही पाहिजे. इतके वाईट हाल करायचे की, त्याने जगू देण्यासाठी नव्हे तर मरणासाठी भिक मागितली पाहिजे. असं झालं तरच.. कोणीही तरूण अतिरेकी होण्या आधी हजार वेळा विचार करेल.

- (सर्वव्यापी)प्राजु
http://praaju.blogspot.com/

ताज मधिल शेवटच्या अतिरेक्याला भर रस्त्यात भारतिय सैनिकांनी गोळ्या घातलेल्या बघायची .

सहमत !! गोळ्यांपेक्षा इस्लामी शिक्षा हवी. दगडाने मारून मारून संथ मृत्यू. आणि ही क्लिप परत परत दाखवून आपल्या प्रिय वृत्तवाहिन्यांनी हे काम अजुन चांगलं केलं असतं

आताच त्या शकिल अहमद्ला एका वाहिनीवर प्रतिक्रिय देताना बघितल .....काय तर म्हणे आम्ही पाकिस्तानकडे त्यांच्या प्रदेशातील अतिरेक्यांच्या छावण्यां उध्वस्त करण्यासाठी परवानगी मागु?

=)) =)) =)) आयला काय पण हेलमेट ए ... छ्या

मुंबईवर इतका अघोरी प्रसंग ओढवल्यावर मनसे आणि शिवसेना कुठे होती ?असे प्रश्न विचारणार्‍यांनी ह्या पण गोष्टिंची खातरजमा करुन घेण्याचा प्रयत्न जरुर करावा की शहरात भिषण परिस्थिती ओढवली असताना रक्तदान करुन आणि रुग्णवाहिका पुरवण्यात याच दोन संघटना आघाडिवर होत्या.

फारच मनापासून आलाय लेख ... उत्तम ,,,, काँग्रेस या वेळी मतं मागताना जोडे खाणार हे नक्कीये आता. हे षंढ लोकांच सरकार आहे. ते आबा पाटिल रडकुंडी आलेले न्युज वर बोलताना,,, आता आपल्या नेत्यांनी हातापाय गाळल्यावर बाकींनी काय करायचं ? यांच्यात गुडदाच नाही. .. या बाबतीत शिवसेनेला मानायला पाहिजे;

- टारझन

लेखणीतून एके47 च अवतरलीये म्हणायची अप्रतिम
मधेच हॅंड ग्रेनेड पण मस्त टाकलेत

अनामिकाताई,

तुम्ही म्हणतात ४८ तासांचं दुष्टचक्र संपलंय. दुष्टचक्र या शब्दाच्या निवडीबद्दल माझी काही प्रतिक्रिया नाही (?), पण ते भयनाट्य खरंच संपलंय का? आपल्या देशाच्या आजी, माजी दोन पंतप्रधानांचा मृत्यु अशाच कारवायांमुळे झाला आहे, आणि तरीही आजही ही अशी युद्धासारखी परिस्थिती उगवली आहे. आजचा एक अंक संपला (?) आणि पुढचा कधी सुरु होणार याची वाट बघत आहोत झालं!

मुंबईत जे झालं, होतंय ते भयंकर आहे; पोलीस आणि कमांडोज आपल्या जिवाची बाजी लावून मुंबईच काय संपूर्ण देश वाचवत आहेत. अशा वेळी, मला असं वाटतं आपण सर्वांनीच कोणाची चूक आहे, कोण कसलं कसं राजकारण करत आहे याऐवजी आपण या परिस्थितीत काय मदत करु शकतो याचा विचार करणं महत्त्वाचं आहे. मदत कोणत्याही प्रकारची असेल, सध्यापुरतं आवश्यकता असलेलं रक्तदान असेल, कुणाला मानसिक सहाय्य हवं असेल ... दुसरा विचार हाही करायला हवा की आपण यापुढे काय करु शकतो. या राजकीय नेत्यांना आपणच निवडून दिलेलं आहे, तेव्हा आपणही काही अंशी या राजकीय घडामोडींना जबाबदार आहोत. आपण त्यासाठी काही करु शकतो का! आपल्याच काही देशबांधवांकडून या लोकांना मदत मिळाली आहे (कारणं काहीही असतील) पण पुढे असं होणार नाही याची आपण काळजी घेऊ शकतो का? शोभा डे (यांना राजकारणाची किती समज आहे?) काय म्हणतात आणि कोण कसलं राजकारण करतोय याहीपेक्षा आपण काय करु शकतो याची चर्चा महत्त्वाची नाही का?

आपण जहालमतवादी आहात का नाहीत, याबद्दल मी काही बोलणार नाही. पण एक लक्षात घ्या, हे अतिरेकी मरण्याच्या तयारीनिशीच आलेले असतात. एका पकडलेल्याला रस्त्यात गोळ्या घातल्या तर इतर चार असं करणार नाहीत, दहशतवाद्यांना दहशत बसेल, हे समजणं म्हणजे वस्तुस्थिती नाकारणं आहे. शिवाय असे दोन मागे फिरले तरी इतर दोन अतिरेकी येऊ शकतात आणि दोन माणसं दोनशे लोकांचाही जीव घेऊ शकतात. या विषवल्लीचं एक पान, एक अतिरेकी, मारून काय मिळणार आहे? इलाज मुळापासूनच नको का करायला? शिवाय ह्या पकडलेल्या अतिरेक्याकडून जी माहिती मिळण्याची शक्यता आहे ती का संपवून टाकायची? या अतिरेक्याच्या तोंडून असं काही बाहेर येणार आहे का जे ऐकण्याची आपली तयारी नाही?

काँग्रसने संसदेवरचा हल्ला, कंदाहार प्रकरण (कारगिल राहिलंच या यादीमधून) या गोष्टींवरुन भाजपला बोलू नये कारण त्यांना नैतिक अधिकार नाही असं तुम्ही म्हणता! पण नामुष्की ही नामुष्कीच असते ना? कंदाहार प्रकरण कंदाहारपर्यंत गेलंच का, ते विमान भारताच्या विमानतळावरुन का जाऊ दिलं? या मुंबईतल्या दहशतकांडामुळे आधीच्या गोष्टींचं महत्त्व कमी होतं का, आपण आधीच्या गोष्टी नवीन घटना झाल्या म्हणून विसरुनच जायचं का? मी कोणत्याही प्रकारे काँग्रसचं समर्थन करत नाही आहे, किंवा या दोन दिवसांच्या दहशतकांडाची तीव्रता कमी भासवण्याचा प्रयत्न करत आहे, पण अपयश हे अपयशच असतं ना! त्याहीपेक्षा महत्त्वाचं, व्हायचं ते झालं आहे, नावडत्या गोष्टी टाळता कशा येतील याचा विचार महत्त्वाचा आहे ना?

थोडं अवांतर, संपादक मंडळी, आक्षेपार्ह असेल तर खुशाल उडवून लावा:
आता भविष्यात प्रत्येक वेळेस काँग्रेसला देखिल या हल्यासाठी जबाबदार धरुन कायम आरोप केले जातील तेंव्हा कुठे तोंड काळ करणार आहेत सगळे काँग्रेसी?
थोडासा ब्लॅक ह्यूमर, जिथे आज भाजप, त्यांचे "पोलादी" माजी गृहमंत्री संसदेवरचा हल्ला प्रकरण, कारगिल, कंदाहार नाव काढल्यावर तोंड काळं करतात तिथेच.

अप्रकाशितः मिपावरील ही बंदी उठवली आहे काय?

माझी तर फार इच्छा होती ताज मधिल शेवटच्या अतिरेक्याला भर रस्त्यात भारतिय सैनिकांनी गोळ्या घातलेल्या बघायची .कुणाला हे फार जहाल वाटेल.पण जो पर्यंत अश्या प्रकारच मरण आपल्यालाही येऊ शकत हा संदेश या निर्दयी अतिरेक्यांपर्यंत पोहोचत नाही तो पर्यंत त्यांना दहशत बसणार नाही.

काय जहाल आहे ग यात अनामिका! तू आता प्रत्येक सच्या भारतीयाची भावना व्यक्त केली आहेस. याने दहशतवाद नष्ट न होवो न होवो, पण मुंबईकरांचा आत्मा थोडासा तरी थंड होईल.

अनामिकाताई,

तुम्ही हा लेख खूपच पेटून वगैरे (म्हणजे मनापासून) लिहिला आहे. घटना चीड येणारी तर आहेच आहे. पण कुठलाही विचार / कृति जर का मनात खळबळ असताना केली तर ती कधीच सर्वंकष ठरत नाही. आजकाल मला एक नविन शब्द सुचतो आहे अश्या लोकांसाठी... विचारशत्रू.

तुम्ही म्हणता:

जो अतिरेकी जीवंत सापडला त्याला लगेच ठार न करता हाल हाल करून मारणे. म्हणजे सहजासहजी मरणही त्याला मिळालं नाही पाहिजे. इतके वाईट हाल करायचे की, त्याने जगू देण्यासाठी नव्हे तर मरणासाठी भिक मागितली पाहिजे. असं झालं तरच.. कोणीही तरूण अतिरेकी होण्या आधी हजार वेळा विचार करेल.

जरा शांतपणे विचार करा. खरंच असं होईल? तुम्हाला खरंच वाटतं का की असं होईल? अहो मग सौदी अरेबिया मधे बलात्कार, अंमली पदार्थ वगैरे तर नावालाही उरणार नाहीत ना हो. तिथे तर सरळ मुंडकंच उडवतात की हो. पण सत्य काय आहे? सगळे धंदे तिथे चालतात. थांबलंय का? नाही... बरं त्या दहशतवाद्यांना तिथल्या तिथे ठार मारले (त्यांना जिवंत पकडू शकत असताना सुद्धा) तर तपास काय करणार? काही सायकॉलॉजिस्ट्स असं म्हणतात की अश्या आत्मघाती प्रकारच्या हल्लेखोरांना पूर्णपणे ब्रेन-वॉशिंग केलेलं असतं. कोणत्यातरी धार्मिक, वैचारिक जहाल संकल्पना पूर्णपणे त्यांच्या मनात बिंबवलेल्या असतात. मग एकदा का वास्तवाशी संबंध तुटला की मग कसलीही भिती नसते. मग त्यांना देहदंडाची तरी कशी भिती वाटेल. प्रत्येक गोष्ट उगाच गांधीवादावर आणून काय होणार?

तुम्ही भाजप आणि काँग्रेस अशी तुलना करत आहात. मी तर म्हणतो दोन्हीही पक्ष सारखेच वाईट आहेत. मोदींना काय गरज होती आज मुंबईत यायची? थांबले असते अजून ५ दिवस. तसाही त्यांचा प्रत्यक्ष असा काही संबंध नव्हता की त्यांनी इतक्या तातडीने यावे आणि हे पुण्यकर्म करावे. ते शुद्ध राजकारणच खेळले. (तुम्ही म्हणता असेल तुमच्या दानत तर द्या तुमच्या पदरचे पैसे... मोदींनी पदरच्या पैशातून देणगी देऊ असं जाहिर केलं का हो?) आणि त्यांना या बाबतीत विलासरावांनी दूषण दिले तर काय चुकले? आणि काँग्रेस तरी काय सरळ आहे का? तेही त्याच चिखलात तितक्याच खोलवर बुडले आहेत. मला केवळ आपण एखाद्या पक्षाचा / विचारसरणीचा पुरस्कार करतो म्हणून जीवनातल्या सगळ्याच गोष्टींकडे त्याच रंगाच्या चष्म्यातून बघायचे हे चूक वाटते. आणि आता तर मला खरी गंमत हीच बघायची आहे की हिंदूहितशत्रू करकरेंबद्दल तमाम भाजप नेत्यांचे काय म्हणणे आहे. आज तुम्हीच म्हणालात की करकरे कर्तव्यदक्ष वगैरे वगैरे वगैरे होते. मला एकच सांगा... "कर्णा, तेव्हा कुठे गेला होता तुझा धर्म?"

पण स्वतःची खळगी जितक जमेल तितक भरायची सवय जडलेल्यांना कसल्या आल्यात संवेदना?

या साठी फक्त काँग्रेसच प्रसिद्ध आहे का हो? बंगारू लक्ष्मण माहित आहेत का?

मुंबईवर इतका अघोरी प्रसंग ओढवल्यावर मनसे आणि शिवसेना कुठे होती ?असे प्रश्न विचारणार्‍यांनी ह्या पण गोष्टिंची खातरजमा करुन घेण्याचा प्रयत्न जरुर करावा की शहरात भिषण परिस्थिती ओढवली असताना रक्तदान करुन आणि रुग्णवाहिका पुरवण्यात याच दोन संघटना आघाडिवर होत्या. .................

जरी अजून अश्या प्रकारचे काही कानावर आले नाहिये तरी आजवरचा शिवसेना / मनसेचा इतिहास बघता, मी बर्‍यापैकी सहमत आहे. पक्षिय पातळीवर काहीही घाण असली तरी या पक्षांत खरोखर संकटसमयी धावून येणारे शेकडो कार्यकर्ते आहेत. नक्कीच मदत केली असेल त्यांनी. अर्थात त्याला फारशी प्रसिद्धी नाही मिळणार!!!

***

मी खरंच अशी आशा करतो की,

आपण सगळेच कुठलीही घटना घडली की पेटून वगैरे उठतो. पेटायलाच पाहिजे. आणि कृतिही करायला पाहिजे. पण ती अतिशय थंडपणे. आणि शक्य तितकी सर्वंकष असावी. नाहीतर वीस वर्षांपूर्वीच्या रेल्वे भरती नियमाबद्दल काही माहितच नाही आपल्याला आणि माथेफिरू सारखे कल्याण स्टेशनवर १०० मुलांना मारहाण करून नाहक पापाचे धनी व्हायचे उद्योग होतात. (इंग्रजी मधे एक छान म्हण आहे, पेनी वाईज पाउंड फुलिश.... नको तिथे लक्ष देऊन, द्यायचं तिथे दुर्लक्ष करून उगाच आपलं स्वतःचंच नुकसान करून घायचं.)

मी काय लिहिले आहे यावर (मला लेबलं न लावता) नीट विचार होईल अशी रास्त अपेक्षा ठेवणं चुकीचं नसावं, नाही का? :)

बिपिन कार्यकर्ते

तुमच्याशी पूर्ण सहमत आहे . पुष्कळ चर्चा झाली आहे आतापर्यंत पण त्या चर्चे चा निष्कर्श काय? आणि आता पुढे काय.. ह्या प्रश्नांनी अस्वस्थ आहे.

पुण्याचे पेशवे

काश्मीर मध्ये लागलेला वणवा आता हळुहळु संपुर्ण भारतभर पसरत चालला आहे. हळुहळु आपली वाटचाल अराजकतेकडे चालु आहे. रक्षकचा आता भक्षक बनले आहेत. सत्तेची हाव आणी खुर्चिची लालसा ह्या पुढे सामान्य माणसाची किंमत आता फक्त मतदानाच्या दिवशी उपयोगास येणारे मशीन अशी उरली आहे. "मला काय त्याचे ?" हि व्रुत्ती दिवसेन दिवस वाढत चालली आहे. एक तर लहान सहान कारणावरुन सरळ आगी लावा, बसेस फोडा, दुकाने फोडा असे छान छान उपाय योजणारी मानसीकता आहे, नाहीतर मग अगदी मतदानाचा दिवस हा आपल्याला मौज मजा करायला म्हणुन दिला आहे असे समजुन सहल, चित्रपट, पार्टि ह्या मध्ये संपवणारी एक मानसीकता आहे. अशा दोन टोकांच्या मध्ये विभागलेल्या गेलेल्या या समाजत समजुतदारपणा, आपल्या हक्कांची जाणीव, आणी योग्य मार्गाने न्याय मिळवण्याची ताकद येणे गरजेचे आहे ! नेत्यांचा समाजावर नाही तर समाजाचा नेत्यांवर धाक बसायला हवा आहे. येव्हडे सगळे लिहितोय खरे पण राहुन राहु डोळ्यासमोर 'क्रांतिवीर' मधला नाना उभा राहतो आणी म्हणतो "जगाया तो जिंदा लोगोको जाता है, मुर्दो को नहि, ४७ से कौनसा तख्त पलटा ? कौनसी क्रांती हुई ? जो लोग गीता, रामायण, कुराण पढके नहि जागे वो तुम्हारा अखबार पढके क्या खाक जागेंगे ?"

|!¤*'~` प्रसाद `~'*¤!|
"समर्थाचिया सेवका वक्र पाहे । असा सर्व भूमंडळी कोण आहे ।।"
आमचे राज्य

अनामिकाशी सहमत.
फक्त एकच भिती वाटते मुस्लिम दहशतवादी जसे हिंसाचाराचा थैमान घालतात तसा प्रयत्न हिंदु धर्मियातील युवकानी स्विकारला तर? हे असे व्हायला नको आहे. म्हणुन मालेगाव व इतर ठिकाणी केलेल्या बॉम्बस्फोटांचा मी निषेध करतो. दहशतवादाचे प्रतूत्तर दहशतवाद हे कधीही होत नाही. हिंदु धर्मात खुन का बदला खुन असे काही सांगितले असावे असे मला वाटत नाही.म्हणुन तर हिंदु हा जगात आपला प्रभाव टिकवुन आहे.ज्या धर्मात नवनिर्मितीवर ज्यादा भर दिला गेला आहे तेच धर्म काळाच्या ओघात टिकले आहेत.आजपर्यंत जगात कितीतरी विकसित संस्कृती त्याच्या आततायी पणामुळे लयास गेल्या आहेत तसे मुस्लिम धर्माची गत भविष्यात होण्याची भिती आहे.
गांधीजीची विचारसरणी अजुनही भारतात कित्येकाच्या पचनी पडलेली नाही आहे. परंतु गांधी विचारसरणी पुर्णतः हिंदुधर्मातील व बौध्द धर्मातील अहिंसा व दया ह्यावर आधारित आहे.कितीजरी गांधीना नावे ठेवली तरी त्या हडकुळ्या माणसात खुप ताकत होती हे तुम्हाला मान्य करावेच लागेल.गांधीजीच्या चरित्रात त्यानी स्पष्ट केले आहे की त्याची अहिंसा हे तत्व त्यानी स्वातंत्र्य चळवळी करता वापरले आहे पण जेव्हा भारताला स्वातंत्र्य मिळेल तेव्हा अतंर्गत शत्रुवर लगाम घालण्यास बळाचा वापर करण्यास काहीच हरकत नाही. हे आपले दुर्दैव आहे की स्वातंत्र्यानंतर त्याची लगेचच हत्या केली गेली.
तसेच कठोर शिक्षा असल्यामुळे आखाती देशात व सौदीअरेबिया मध्ये गुन्ह्याचे प्रमाण खुपच कमी आहे. रानटी लोकाना चांगले कपडे घातले व पैसा दिला तर ते चांगले नागरिक होतील हा एक गैरसमज आहे.हे आपण सौदीअरेबियाकडे बघुन सांगु शकतो.तेथील नागरिकाना खुप कडक कायदे आहेत पण तिथले राजे मात्र कायद्यापासुन दुर आहेत . तेथे म्हणे सौदीराजपुत्र ज्या हॉटेलात उतरतो त्या हॉटेलमधले बाकी सगळे लोक आपल्या घरातील स्त्रियांना रुम मध्ये बंद करुन ठेवतात.कारण त्याला जी बाई पसंद पडेल तीला त्याचे अंगरक्षक उचलुन घेऊन जातात.आणि हाच देश जगातील सगळ्या दहशतवाद्याना मुक्त हस्ते पैसे वाटत असतो.
बाकी आम्ही पण मनसे बरोबर मन से आहोत.
वेताळ

>>माझी तर फार इच्छा होती ताज मधिल शेवटच्या अतिरेक्याला भर रस्त्यात भारतिय सैनिकांनी गोळ्या घातलेल्या बघायची .कुणाला हे फार जहाल वाटेल.पण जो पर्यंत अश्या प्रकारच मरण आपल्यालाही येऊ शकत हा संदेश या निर्दयी अतिरेक्यांपर्यंत पोहोचत नाही तो पर्यंत त्यांना दहशत बसणार नाही.

माझी सुद्धा हीच इच्छा होती..सर्व अतिरेक्यांना आणि जगाला समजायला हवी भारताची ताकद!
मान्य आहे यानी सर्व प्रश्न सुटणार नाही पण मनाला शांती तरी मिळेल..

स्वप्निल

अतिशय योग्य लेख.
संपूर्ण भारतियांची (भारतात नुसते राहतात ते नव्हे) भावना व्यक्त केल्यात तुम्ही.

ईस्लाम्यांना ईस्लामी शिक्षाच योग्य.

बाय द वे.... हा अबू आझमी कुठे गेला आता ? त्याचे भाऊबंद काय करताहेत ते बघ म्हणावं.

....बबलु

ज्या देशात मंत्र्याच्या मुलीला सोडविण्यासाठे हिंदुस्थानी शिपायांनी रक्त सांडुन पकडलेले अतिरेकी सोडले जातात, पंतप्रधानांच्या मारेकर्‍यांना फाशी द्यायला एक तप उलटुन जात, प्रत्यक्ष संसदेवर हल्ला करणार्‍या दहशतवाद्याला अभय मिळतं, दहशतवादविरोधी कठोर कायदे मागे घेतले जातात, जिथे गुन्हेगारांवर ह्त्यार परजणार्‍या पोलिस अधिकार्‍यांना आरोपींच्या पिंजर्‍यात उभं केल जात तो देश म्हणजे दहशतवाद्यांचे नंदनवन का ठरु नये?

एकट्या गोवंडीत काही महिन्यात १०००० बांगलदेशींना इथली शिधापत्रे सहज वाटली जातात, कसली आली आहे सुरक्षा? जेव्हा शत्रु सीमेपलिकडुन चालुन येतो तेव्हा सैन्य चोख उत्तर देते. जेव्हा हल्ले घरातुन होतात तेव्हा कोण कुणाला वाचवणार?

कारकुनाहुन कमी पगार मिळणार्‍या, बहुतांश वेळ नेत्यांच्या सरबराईत घालवावा लागणार्‍या आणि अत्याधुनिक शस्त्र व तंत्रद्यानाने सुसज्ज दहशतवाद्यांशी लढण्यासाठी दुसर्‍या महायुद्धातली ३०३ बंदूक वापरावी लागत असलेल्या पोलिसांकडुन काय आणि किती अपेक्षा ठेवायच्या?

दुर्दैवाने आज प्रत्येका नेत्याला व्यापार करायचा आहे. खुर्ची आहे तोवर किती छापता येतील हा एकच प्रश्न महत्वाचा.

सारासार विवेक नष्ट झाला की दिशा ही विनाशाचीच असते. तो फक्त आपणच आपला घडवणार की कुणी दुसरा येऊन घडवणार हाच काय तो फरक.
पक्ष, पक्षादेश, पक्षाची मतं या सगळ्यांना महत्त्व आहेच, पण ते देशाच्या सुरक्षेशी अन् प्रगतीशी तडजोड करून नसावे.
दहशतवाद, मग तो कोणत्याही धर्माच्या लोकांनी केलेला असू देत, वाईट हे सगळेच मान्य करतील.
आपले नेते याला दहशतवादाविरुद्धचे युद्ध असे म्हणतात. पण या तथाकथीत युद्धात नुकसान हे सर्वस्वी आपलेच होत आहे. युद्धात महत्त्वाचे असणारे प्रतिआक्रमण येथे कुठे आहे? केवळ बचाव करून युद्ध जिंकता येत नाहीत. माझ्या मते दहशतवादाविरुद्ध लढायचे कसे हेच अजून सरकारला स्पष्ट नाहीये.
दहशतवादी आपल्या भूमीवर येऊन हमला करतात त्यामुळे आपलेच जास्त नुकसान होते ते उघड आहे. अन् त्यांच्यावर आक्रमण करता येत नाही कारण त्यासाठी आपल्याला शेजारच्या देशाशी युद्ध छेडावे लागेल, जो दहशतवाद्यांचा उघड प्रयत्न आहे.
पण, इतर ज्या दहशतवादी/नक्षलवादी संघटना भारतात आहेत त्यांचे तरी सरकार काय बिघडवू शकले आहे? फक्त संघटनांवर बंदी घालून यांस आळा बसेल काय?
माझ्या मते सरकारला (ते कोणत्याही पक्षाचे असो) राजकीय इच्छाशक्ती असणे महत्त्वाचे आहे. जो वीरप्पन १५-२० वर्षांपासून हुलकावण्या देत होता, त्याला उखडायचा एकदा निर्धार केला तेव्हा ते शक्य झालेच ना?

मुमुक्षु