भाटवडेकरांनी केलेले काकाजी कुठे भेटतील?

यकू

जेव्हा भेटतील तेव्हा नक्की म्हणाल

'तुझे आहे तूजपाशी'

तुज आहे तुजपाशी आणि कट्यार नेटवर शोधले. पण मिळाले नाही... पटवर्धनांचे काकाजी पाहिलेले आहेत.. कट्यारची सी डी आहे. त्यात चंद्रकांत लिमये आहेत. ही नाटकं बघायला मिळाली/ मिळतात हेच नशीब! शिवाय जुने नाटक पाहिलेले नाही.. त्यामुळे तुलनेचा प्रश्न आला नाही.

या निमित्ताने मिपाकरांना आवडलेल्या अशाच कितीतरी लार्जर दॅन दी लाईफ, पण नंतरच्या नटांमुळे बारगळलेल्या भूमिकांची आठवण झाल्यास हा काथ्‍याकूट सत्कारणी लागेल.

,मी नाटकवेडा नाही पण वृत्तपत्रात वाचलेल्या परिक्षणांवरुन एक कळुन चुकले कि भक्ती बर्वेंनी वठवलेली "फुलराणी" त्या ताकदीने इतर कुणालाच साकारता आली नाही.(मी वाचलेल्या परिक्षणात सुकन्या कुलकर्णीने ती भूमिका केली होती.)
"नटसम्राट" बाबत हेच म्हणता येईल."लागुं"च्या तोडीचा "नटसम्राट" इतर कुणालाच करता आला नाही.
"अश्रुंची झाली फुले" मधला काशीनाथ घाणेकरांनी केलेला "लाल्या" व्यक्तिरेखेला रमेश भाटवडेकरांनी नंतर न्याय दिला.
ह्यानिमित्ताने बॉलिवुडमध्ये होत असलेल्या रिमेक्सचीही आठवण झाली.

मी सयाजी शिंदे आणि आणि सुकन्या कुलकर्णीचं सखाराम बाईंडर पाहिलंय. अक्षरशः वेड लागलं होतं नाटक बघून. नाना पाटेकरांचं सखाराम बाईंडर कुणी पाहिलं आहे का? या दोघांशिवाय दुसर्‍या कुणी ही भुमिका वठवली असेल तर स्वतःच्या पायावर धोंडा मारून घेतलाय असं म्हणायला हवं! :)

नाना पाटेकरांनी कधी केले होते बाईंडर ?? त्याची गाजलेली नाटके म्हणजे महासागर आणि पुरुष.

माझा पण विश्वास बसला नाही. पण ओळखीतल्या एका नाटकवेड्यानं सांगितलय की नानांनी पण हे केलय म्हणून.

शब्द गिळा राजे. शब्द गिळा.... वरीजीनल सखाराम निळू भाऊ आहेत.

अर्र, चूक झाली. एक डाव माफी द्या! :) या अवलियाला विसरलोच होतो!
वर्जीनल नाटक मिळवून पघायलाच पाहिजे आता.

यकु साहेब, खरच मस्त धागा टाकला आहेत तुम्हि.

माझ्या वडिलानी दाजी भाटवडेकरांचा काकाजी पाहीला आहे. ते आजही सांगतात कि त्यांची अदाकारी अफाट होती म्हणुन.

मलाहि ते नाटक बघायच आहे.

असच अजुन काही नाटक, रायगडाला जेव्हा जाग येते व घाशिराम कोतवाल

पूर्वी पायरसी नसल्याने फार नुकसान झालंय आपलं! :(
या सगळ्यांचे कुणीतरी भल्या माणसानी शूटिंग करुन ठेवायला हवे होते.....

बाकी ह्यानिमित्ताने 'ती फुलराणी' ह्या नाटकामधली अविनाश नारकरची प्राध्यापकाची भुमिकाही फक्कड आहे असे आवर्जुन नमुद करावे वाटते.

ओरिजनल भूमिका केली होती सतीश दुभाषींनी.
भक्ती बर्वे, सतीश दुभाषी आणि अरविंद देशपांडे अशी टीम होती.
सतीश दुभाषी म्हणजे रंगमंचावरील राजा. प्रोफेसरच्या मस्तीखोर भूमिकेला न्याय दिला तो त्यांनीच.

भाटावडेकरांचे पाहिलेले नाहित. रवी पटवर्धनांबद्दल १००% सहमत आहे.
विक्रम गोखले हे नाव एरव्ही गंभीर्,आढ्यताखोर अशा भूमिकांसाठी प्रसिद्ध असलं तरी अक्षरशः काकाजीच वाटतील अशी त्यांची भूमिका(अगदि त्याच वेशभूषेसह) एका मराठी चित्रपटात पाहिलेली आहे. नाव आता आठवत नाही. तेही नक्कीच खूपच उत्तम प्रकारे भूमिका वठवतील ह्याची खात्री आहे. अर्थात हे सध्या बहुतेकांना मान्य होणे कठिण आहे.

पु. ल. देशपान्डे आनि आशालता व सुधिर मोघे , रमाकान्त देशपान्डे...खरेच हा सन्चच तुफान होता....

नविन कलाकारान्नी केलेला प्रयोग पण बघितला पण जुनाच सरस वाटला...

(यु ट्युब वर हे जुने नाटक उपलब्ध आहे)..

सुधीर मोघे नव्हेत... श्रीकांत मोघे.

काकाजी कुठे सापडतील म्हणजे दाजी भाटवडेकर होय!

कारण हिंदी चित्रपटात अस्सल काकाजी = कर्नल नगेंद्रनाथ जुलीयस विल्फ्रेड सिंग - छोटीसी बात

व

मिपावर एकच अस्सल काकाजी - बिल्ला क्रमांक ४०१

मस्त मझा होता यार.
आम्ही पण जंग जंग पछाडले आहे यासाठी. तुम्हाला गावले तर आम्हालाही सांगा.

लाल्या म्हणजे डॉ. काशिनाथ घाणेकर आणि शंभू महादेव म्हणजे चित्तरंजन

लखोबा लोखंडे म्हणजे प्रभाकर पणशीकर

प्रो. बारटक्के म्हणजे मधुकर तोरडमल

'पुरुष' अनेक संचात पाहिले पण भक्ति बर्वे आणि नाना पाटेकर वेगळेच

तीच गोष्ट 'नटसम्राट' ची. डॉ. लागु ते डॉ लागु.

इथे ओशाळला मधला औरंगजेब म्हणजे पणशीकर आणि संभाजीराजे म्हणजे डॉ. काशिनाथ घाणेकर.

अरुण सरनाईक गेले आणि 'गाठ आहे माझ्याशी' संपले. मामासाहेब आणि अरुण सरनाईक यांच्या भूमिका तोडीस तोड होत्या.

बाळ धुरी आणि पणशीकर यांचे 'थँक्यु मि, ग्लॅड' असेच लक्षात राहिलेले नाटक

अखेरचा सवाल म्हणजे भक्ती बर्वे

आणि वस्त्रहरण म्हणजे मच्छिंद्र कांबळी

रवि पटवर्धनांचा काकाजी अभिनयाच्या बाबतीत मात्र पार फाटका वाटला.
काकाजीच्या पात्राचे गम्मत आहे ते भाषेच्या लहेजात. रवी पटवर्धनाना इंदोरी भाषा वापरताच आलेली नाहिय्ये त्यामुळे त्या भुकिकेचा बट्ट्याबोळ वाजवलेला आहे.
फुलराणी चा रोल अमृताने फारच सुम्दर साकारला आहे. सुदैवाने या रोलची तुलना भक्तीबर्वेंच्या फुलराणीशी होणार होती त्यापेक्षा वेगळी छटा दाखवत अमृताने फुलराणी साकारलीये.
त्या फुलराणी मधला प्रध्यापक मात्र फारच उर्मट आणि आढ्यात्यखोर वाटला.

पुरुषमधे भक्ती बर्वे होत्या ?

माझ्या मते पहिल्या संचात नाना पाटेकर, रिमा लागू, चंद्रकांत गोखले आणि उषा नाडकर्णी हे होते..

पं. वसंतराव देशपांडे आणि दाजी भाटवडेकरांच्या भूमिका असलेले 'कट्यार काळजात घुसली' हेही असेच एक नाटक. ते ही कुठे उपलब्ध असेल तर कृपया सांगावे.
दाजीनी 'कट्यार' मधे भुमिका केली होती ? आपल्याला तरी ही बातमी नवी आहे. केली असेल तर ती कुणाची.? कारण त्यात ज्या महत्चाच्या भूमिका आहेत त्या गायकी आहेत. बाकी भूमिका तरूण पात्रांच्या आहेत. त्या दाजी करणॅ शक्य नाही.

" कट्यार" मधे वसंतरावांबरोबर पंडित भार्गवराम आचरेकर हे होते...
दाजी भाटवडेकर नक्की नव्हते.

एकूणच कुणी कुठल्या नाटकात काम केले होते यावरून प्रचंड गोंधळ आहे असे लक्षात आले आहे.
मराठी नाटकांचा इतिहास नीट लिहून काढून तो जालावर टाकणे आत्यंतिक गरजेचे आहे इतके खात्रीने सांगू शकतो.

>> नटसम्राट सर्वप्रथम दत्ता भटांनी सादर केले होते. ते देखील समर्थ अभिनयाचे उदाहरण होते

नटसम्राट प्रथम लागूंनीच सादर केले
त्यांना हार्ट अ‍ॅटॅक आल्यावर दत्ता भट आले

तुझे आहे तुजपाशि, मधिल दाजी भाटवडेकर तर अतीशय मस्तच होते,त्या नतर मला वाटते ती भुमिका प्रा.मधुकर तोडरमल
हेच करु शकतील.

तो मी नव्हेच

म्हणजे प्रभाकर पणशीकरच

नगरला हे ना्टक मधुकर तोरडमल यांनी केले होते..
त्यांचा काकाजी पण खुप गाजला होता

ऑल द बेस्ट ??

बाकी आम्हाला मुक्ता ने केलेली दोन चार नाटके आठवलीच ;)

बाकी नाटकांची नाव निघावीत आणि संजय मोनेंच , प्रशांत दामले च नाव येवु नये असे सहसा होत नाही, कोणे एके काळी, नाटक म्हणजे संजय मोने अस समज असायचा माझा .

दाजींचा विषय आहे म्हणून लिहावसं वाटलं... त्यांना (माझ्या) लहाणपासून पाहिलय.. गिरगावतल्या भाटवडेकरवाडीत राहात, ब्राह्मण सभेत तुफान नाटकं केली त्यांनी त्यावेळी.. संस्कृतचा गाढा अभ्यास, त्यांच्या जिभेवर सरस्वती होती म्हटल्यास वावगे ठरू नये. त्यांनी संस्कृत नाटके सुद्धा बसवली आणि स्वतः तर पेलवलीच पण तरूण पिढीकडुन करुन घेतली. आता संस्कृत नाटके होणे नाही (प्रेक्षक्वर्गही नाही आणि कलाकारही). स्वामी समर्थांचे ते निस्सिम भक्त होते, त्यांच्यावरील चित्रपटात स्वामीची भुमिका जगलेत दाजी. गिरगावातल्या मठात नित्यनेमाने दर्शनाला येताना दाजी दिसत. दाजी गेल्याचं ऐकलं तेव्हा त्यांच्याविषयी कुणीतरी लिहावं असं वाटलं (अत्रेंनी सूरर्यास्त लिहिलं तसं) पण त्यांच्या संपूर्ण कारकिर्दीचा म्हणावा तसा आढावा कुणी घेतलाच नाही.. असो, दाजींचा काकाजी मिळाला (अग्दी ऑडिओ असला तरी) नक्की आवडेल भेटायला..

महाराष्ट्र मंडळ मधे प्रयोग झाला होता गारंबीचा बापुचा..काशीनाथ घाणेकर व उषा किरण होत्या राधेच्या भुमीकेत...

हवा अंधारा कवडसा म्हणुन नातक गाजले होते..सतिष दुभाषी..मोघे व आशा पोतदार..
नाटक अंगावर येते.
छिन्न असेच नाटक होते..स्मिता पाटील..सदाशिव अमरापुरकर..आशालता ..भन्नाट नाटक...
वोह भि क्या दिन थे...

'तुझे आहे तुजपाशी' मधला दाजींच्या अभिनयाचा हा तुकडा सापडला:

सुरूवातीपासून २:१५ मिनिटांपर्यंत -

याच नाट्यप्रसंगातले रवि पटवर्धनांचे काकाजी २:१६:०० पासून पुढे इथे पहायला मिळतील.