एका रात्रीत वजन दोन ते अडीच किलोने घटवा (०३)

मागील दुवा http://www.misalpav.com/node/7835
रात्री जेवणात सामीश असल्यास तळलेली अंडी , खीमा , तंदूरी चिकन , हे पदार्थ असावेत. सोबत तोंडी लावायला बोटीकबाब खीमा कबाब असे कबाब असावेत.
भात वर्गीय पदार्थात बिर्याणी/ पुलाव असे रुचकर पदार्थ असावेत. सोबत मिर्चीचे सालन असावे.
निरामीश असल्यास
लग्नात हमखास करतात ती बटाट्याची लगदा भाजी. पावट्याची उसळ.
भरल्या वांग्याची भाजी , बिरड्यावालाची रस्शाची उसळ. पुरी सारखे हलके पदार्थ
गोडाच्या पदार्थामध्ये आमरस सोबत तळलेले पापड कुरडया व तत्सम हलके पदार्थ.
भात वर्गीय पदार्थात काश्मिरी पुलाव.
जेवण झाल्यावर मुखशुद्धी म्हणून ३.१४२ कप बटरस्कॉच आइसक्रीम खावे
..............................................................................
ही झाली आपल्या "एका रात्रीत वजन दोन ते अडीच किलोने घटवा" या निश्चयाची पूर्व तयारी.
पुढच्या भागात प्रत्यक्ष कोर्स बद्दल .......
(क्रमशः)

आता तुमचे वजन करा.
झोपताना झोपायच्या अगोदर साधारणतः ३ ते ४ चमचे कायमचूर्ण अर्ध्या ग्लासात टाकून प्या.
सकाळचे सर्व कार्यक्रम उरकल्यानन्तर तुमचे वजन करा. वजन हमखास रात्री केलेल्या वजना पेक्षा दोन ते अडीच किलोनी कमी झालेले असेल.
दिवसभरानन्तर पुन्हा वजन करुन पहा ते आणखी अर्ध्या किलोने कमी झालेले असेल
डिस्क्लेमर
***** टीपः वरील लेखात सांगितलेले उपाय ज्याने त्याने आपपल्या जबाबदारी वर करावयाचा आहे. लेखकाची कोणतिही जबाबदारी रहाणार नाही .
***** वरील लेख गम्मत म्हणून लिहिला आहे.तो वैद्यकीय सल्ला समजू नये