मराठी आमची रोजी रोटी

मराठी आमची रोजी-रोटी ,

बेचाळिस पिढ्यांसाठी कारखाने वरपले ,
सीटं बदलली, नोटवाल्या बाबाचा जयजयकार केलात,
झोपडपट्टीत स्लिपांबरोबर १००० च्या नोटा-वाटप,
तरीही मराठी आमची रोजी-रोटी

विकास म्हणजे पन्नास लाखाची टोयाटो,
विकास म्हणजे , लवासा, मुळशी आणि मावळ,
विकास म्हणजे सिंचन विभागाचे कुरण ,
विकास म्हणजे ब्रिगेड स्थापना,
तरीही मराठी आमची रोजी-रोटी

पुतळे हलवा रात्रीचे
उद्घाटन करा पहाटेचे ,
क्रेडीट घ्यायचे कुणी, अटी-तटी ची युती,
दाढ्या कुरवाळा,जाती-पातीत पेटवा संघर्ष
तरीही मराठी आमची रोजी-रोटी

फायलींचा गठ्ठा , पि.ए. कडे सोन्याच पेन,
एका शहरात गळे घालायचे, दुसर्‍यात गळे काढायचे,
देव पाण्यात बुडवुन बसतात, कधीतरी 'पंत' प्रधान होतील म्हणुन,
दात पडले, डोके सडले , काकांना म्हातार-चळ , पुतण्याकड माज,
तरीही मराठी आमची रोजी-रोटी

दर पावसाळ्यात गटारे तुडंब,
दर उन्हाळ्यात लोड-शेडींग,
नागपुरातल ऑफिस आयटी सेक्टर च जणु ,
विदर्भातला शेतकरी सावकारी पाशात,
तरीही मराठी आमची रोजी-रोटी

धान्य सडवा , दारु बनवा ,
गावोगावी बियर शॉपी, जमीनीच भुत मानगुटी,
आरटीआय वाले जिवानिशी जातात,
तुरडाळ , कांद्यात सामान्य गुंततात,
अडते मात्र दुपारी, छानश्या बार मध्ये बसुन नोटा मोजतात
तरीही मराठी आमची रोजी-रोटी
तरीही मराठी आमची रोजी-रोटी
तरीही मराठी आमची रोजी-रोटी