(........आकाशाशी जडले नाते !!)
प्रभुश्रीराम, गदिमा, सुधीर फडके यांची माफी मागुन हे विडंबन--
-----------------------------------------------------------------------------
आकाशाशी जडले नाते, जेट एअरवेजचे !
टेकओव्हर झाले डेक्कनचे टेकओव्हर झाले डेक्कनचे !!
गोयंकाने सहज उचलिले वीर इंडियन्सचे !
पुर्ण जाहले मॅनेजमेंटच्या हेतु अंतरीचे !
कमी जाहले प्रवास भाडे, जो तो झेपावे !!टेकओव्हर झाले डेक्कनचे टेकओव्हर झाले डेक्कनचे !!
मुग्ध प्रवासी सहज न्याहळी जेट पंखधारी !
नयनांमाजी एकवटुनिया धावपट्टी सारी !
उडू लागले विमान हळू हळू, जो तो आनंदे !!टेकओव्हर झाले डेक्कनचे टेकओव्हर झाले डेक्कनचे !!
हात जोडुनी म्हणे सुंदरी प्रवास-जनतेशी !
"आज सेवा अर्पियली मी अपुल्या चरणाशी" !
आनंदाने मिटले डोळे तृप्त जनतेने !!टेकओव्हर झाले डेक्कनचे टेकओव्हर झाले डेक्कनचे !!
झुकले थोडे विमान, प्रवासी घाली सुरपट्टा !
वैमानीकही सुचना देती साथी-दारांना !
त्यांच्या कानी गजर पोचले, विमान लँडीगचे !!टेकओव्हर झाले डेक्कनचे टेकओव्हर झाले डेक्कनचे !!
असंख्य झाल्या विमानसेवा, असंख्य उड्डाने !
एटीसी( ATC ) ते सिग्नल देती कंट्रोल जीवनाचे !
आकाशाशी जडले नाते ऐसे दुनीयेचे !!! टेकओव्हर झाले डेक्कनचे टेकओव्हर झाले डेक्कनचे !!
प्रतिक्रिया
23 May 2008 - 6:59 pm | प्राजु
छान आहे. आवडले.
हात जोडुनी म्हणे सुंदरी प्रवास-जनतेशी !
"आज सेवा अर्पियली मी अपुल्या चरणाशी" !
आनंदाने मिटले डोळे तृप्त जनतेने
या कडव्यात,
आनंदाने मिटले डोळे तृप्त जनतेने
ऐवजी
आनंदाने जाहले डोळे तृप्त जनतेचे
असेही चालू शकेल का?
- (सर्वव्यापी)प्राजु
http://praaju.blogspot.com/
23 May 2008 - 11:25 pm | llपुण्याचे पेशवेll
वैमानीकही सुचना देती साथी-दारांना
च्या ऐवजी
वैमानीकही सुचना देती साथी-सुंदरींना
कसे वाटते आहे. :)
बाकी ही विडंबनात्मक कविता वाचून मस्त वाटले.
पुण्याचे पेशवे
24 May 2008 - 2:03 am | विसोबा खेचर
मस्त विडंबन! चालीतही अगदी छान बसते आहे... :)
केळकरसाहेब, अजूनही येऊ द्या...
तात्या.
24 May 2008 - 8:59 am | अमोल केळकर
आपण सर्वांनी दिलेल्या प्रतिक्रिया / सुचना स्वागतार्थ !!!
पुन्हा एकदा धन्यवाद !!
26 May 2008 - 10:32 am | अजिंक्य
उत्तम विडंबन!
मूळ गाण्याबरहुकुम आहे!
असेच चालूद्या.