आई फक्त माणूसच बोलू शकतो का?
नाही बाळा, सारी सृष्टी बोलते आपल्याशी ऐक जरा. फक्त भाषा भिन्न असते.
____
चंद्राची भाषा चांदणे, सूर्याची भाषा रवीकिरणे
वार्‍याची भाषा झुळकेची, समुद्राची अलवार गाजेची ||१||
पिंपळवृक्षाची सळसळ, नदीनाल्यांची खळखळ
सार्‍यांचे मन उमगेल तुला, स्तब्ध शांत करशील मना||२||
कमळ बोलतसे उमलण्यामधुनी, मधमाशी ती कष्टांमधुनी
पहाड बोले अचलपणांतुनी, नभ ते त्याच्या पोकळीतुनी||३||
मौन होउनी संवाद साध बघ, आकळेल निसर्ग तुला
सार्‍यांचे मन उमगेल तुला, स्तब्ध शांत करशील मना||४||
प्रतिक्रिया
25 Sep 2010 - 4:16 am | अथांग
सुरेख कल्पना! आपल्य रोजच्या धबडग्यात हे निसर्गाचे शब्दं/भाषा निसटतच जातात नाही का, आपल्या जाणीवेतुन?
25 Sep 2010 - 6:55 am | स्पंदना
सुं सुं बोले वारा , भरे आसमंत सारा,
आहे ॐ काराचा नारा, सार्‍या विश्वामध्ये ...!!
सुन्दर शुची, कुणाला मुलीला सांगते आहेस?
25 Sep 2010 - 7:28 am | शुचि
>> सुं सुं बोले वारा , भरे आसमंत सारा,
आहे ॐ काराचा नारा, सार्‍या विश्वामध्ये ...!! >>
सुंदर!!!!
हो ग मुलीला सांगतेय :)
27 Sep 2010 - 9:12 pm | विसोबा खेचर
छानच..
27 Sep 2010 - 10:04 pm | मितान
व्वा ! छानंय कविता :)
आपल्या मुलांना निसर्ग वाचायला शिकवलाच पाहिजे नै !