गुगलवीन नाही दुजा आधार

धाग वाचुन नुकतेच कांचनतै कराई ह्यांनी गुगलचा अतिशय हुशारीने उपयोग करुन एका साहित्य चोराला शिकवलेला धडा आठवला.

http://www.mogaraafulalaa.com/2010/08/content-thief-bokya-satbande.html

लहानपणी 'सुर्य नाहीसा झाला तर' अश्या विषयावर निबंध लिहायला असायचा. आता 'गुगल बंद पडले तर' असा विषय दिला जाईल :-)

>अजून गुगल (तत्सम सेवा) चा आपण कशाकशासाठी वापर करता

बहुतेक आपल्या घरातील गोष्टी व गल्लीत मिळणारा किफायतशीर सौदा सोडला तर सर्व बाबींकरता गुगलला धक्क्याला लावता येते.

नुकतीच यंत्रावर अवलंबण्याची चर्चा झाल्याने मी "गुगलवीन नाही दूजा आजार" असे वाचले

मोजक्या शब्दात खूप छान मुद्दा मांडला आहे.
माझ्या तरी मते आभासी जगानी, वास्तव जग बरचसं झाकोळून गेलेलं आहे हे खरं आहे. पूर्वी नवीन रस्ते चोखाळले गेले असते, नवीन रस्त्यावरची नवीन ठिकाणं, नवीन व्यक्ती यांना भेट देण्याचा योग आला असता जो की सरधोपट गुगलने सपक करून टाकला आहे.
तीच गोष्ट जी टॉक ची. एका क्लिक सरशी स्मायली पाठविणे सहज सोपे झाले आहे. तेच मित्राच्या पाठीवर प्रेमाचा धपाटा देणं कितीतरी पटीनी सुखावह आहे.
१० पुस्तकं हाताळून कष्टानी माहीती वेचण्याऐवजी सहज माहीती उपलब्ध होते आहे. पण पुस्तकांची मजा और ती औरच.
गुगल अचानक नाहीसे झाले तर वाईट वाटेल पण काही चांगल्या गोष्टी देखील होतील असं मला वाटतं.

गूगलचा वापर करतोच.(मिपाचा शोध गुगलतानाच मला लागला होता.)
परंतू मूळ पुस्तके वाचून संदर्भ गोळा करण्यावर मी बराच भर देतो.
इतर संस्थळांचा वापर पण करतो.
जी -टॉकचा वापर अजून केला नाही.
मध्ये एकदा मिपा बंद पडते का काय अशी भिती वाटत होती तेव्हा फेसबुकात नाव टाकून सवंगड्यांची जमवाजमव केली होती.बाकी सोशल नेटवर्कींगचा अनुभव नाही.त्यामुळे अजूनही काही अडले आहे असा अनुभव नाही.

"माहित नाही तर गुगल कर" हा सल्ला अगदी सहजच दिला जातो.
माझ्या स्वतःच्या बाबतीत म्हटलं तर समोर असलेल्या लोकांशी पटत नसताना बळंच त्यांच्याशी बोलण्यापेक्षा ज्यांच्याशी पटतं त्यांच्याशी जीटॉकवर गप्पा मारणं जास्त आवडतं! भेटता आलं तर सोन्याहून पिवळंच, पण नाही मिळालं तरी मनाला लावून घेत नाही. मिपावरच भेटलेल्या अनेकांशी जीटॉकवर गप्पा मारल्यानंतर जेव्हा प्रत्यक्षात पहिल्यांदा भेटले तेव्हा पहिल्यांदाच भेटतो आहोत असं काही झालं नाही.

गूगलला आपण आपलंसं केलं आहे त्याचे उत्तम उदाहरण गूगलणे अशी क्रियापदात भरती. :) अन्यथा, भाषेत शब्द स्वीकारला तरी क्रियापदांच्या रूपात सहसा स्वीकारला जात नाही.

गूगल मॅप्स आणि जीपीएसवर मी खूप अवलंबून आहे कारण आमच्याकडे स्वतः गाडी हाकण्याऐवजी दुसरी व्यवस्था नाही तेव्हा रस्ते शोधत शोधत जावे लागते. गाडीत जीपीएस आणि नेटावर पत्ता मिळाला की लगेच गूगलमॅप.

माझ्याकडे जीटॉक मात्र नाही पण जीमेलने डावीकडील विंडोत चॅट सुविधा देऊन अनंत उपकार केले आहेत. ही सुविधा ब्लॉक नसते त्यामुळे लोकांशी संपर्क साधता येतो.

तिसरी सुविधा, गूगल बुक्स. तीही मला उपयुक्त वाटते.

सगळ्याच गोष्टी आपल्याला आणि आपल्या ओळखीतल्या लोकांना माहित नसतात त्यामुळे कोणाला विचारात फिरायच्या ऐवजी घरी आधी गुगल करून मगच पुढे जाणे सोयीचे पडते...याशिवाय वेगवेगळ्या विषयातील माहिती एकाच ठिकाणी साठवून हवी तेव्हा शोधून बघता येते...एकप्रकारची इंटरनेट librabry च म्हणा ना...

समजा हे गुगल बंद पडले तर फारच अवघड होऊन बसेल....रस्ते शोधणे, पत्ता शोधणे, आजूबाजूची स्थळे शोधणे इ. कसे करणार?
(इथे गुगल म्हणजे समस्त सर्च इंजिन हे गृहीत धरले आहे.)

शोधयंत्र बंद पडलं की आमच्या सारख्या आयटी वाल्यांच्या कामाजा बोजवारा उडणार.... :)

डॅन ब्राउनच्या नॉवेल्समधे अशाच प्रकारचा एक संवाद आहे तो आठवला - research on the topic . research does not mean google.

साधे उदाहरण देतो. परवा मी अण्णा बेडेकरचा नंबर शोधण्यासाठी २२२२२२२२ ऐवजी गूगल सर्च मारला जे काम फोनवर ३ मिनिटात आणि येल्लो पेजेसमध्ये ५ मिनिटात होते ते गूगलवर ३० सेकंदात झाले. म्हणजे गूगल असेल तर जस्ट डायल सेवा पण नको आणि येल्लोपेजेस पण नकोत. कुठे जायचे असेल तर बिनधास्त गूगल मॅप्स बघतो. पुस्तकांपेक्षा जास्त भरवशाचे आणि मुख्य म्हणजे फुकटात आणि जास्त झटपट काम होते. एखादी गोष्ट शोधायची असेल तर मुळात कुठे शोधायची हेच माहित नसेल तरीही गूगल आहेच.

एकुणात उद्या गूगल आणि तत्सम सेवा बंद झाल्या तर आमचे अवघड आहे.

मला देखील बरेचदा गुगल चा आधार वाटतो.

मात्र काल एक मजेशीर किस्सा ऐकायला मिळाला.

एका मुलीला तिच्या बाळंत पणा करता म्हणून भारतातून आलेल्या स्वतःच्या आई च्या सल्ल्या पेक्षा गुगल चा आधार जास्त मोलाचा वाटतो.

आईने काही सांगितले कि ती मुलगी म्हणणार ...............मी आधी गुगल वर शोधते माहिती.

हे जरा अती च होते आहे नाही ?

महाकाय चीन गुगलला भिक घालत नाही.
तिथे baidu (का काय तरी) वापरतात,
ओर्कुट ऐवजी kixin वापरतात,
गुगळे MAP ऐवजी dittu वापरतात (ह्या बद्दल नक्की खात्री नाही, पण गुगल map वापरत नाही हे नक्की)
Youtube ऐवजी youku वापरतात.
gmail ऐवजी 163 वापरतात.
picasa & facebook तर तिथे चालत नाही
एकाचेही गुगल वाचून खेटर अडत नाही.
वरील सर्व चीनचे स्वताचे आहे.
गुगल बाबाला पाठ टेकायला सुद्धा खूप झगडावे लागते तिथे, कसाबसा तग धरून उभा आहे तिथे गुगल बाबा.
तो देश खरच महासात्ताकडे चालला(नव्हे घौडदौड करत) आहे त्याचे हे एक खूप-खूप छोटे उदाहरण आहे.
http://timesofindia.indiatimes.com/tech/news/internet/Google-remains-at-...

आणि आपण
त्याच्या शिवाय आपले कसे अडते हे अभिमानाने सांगतो आणि गुगल समोर नतमस्तक होतो.

धन्य आपण , तरीसुद्धा (बळच) मेरा भारत महान.

सगळ्यांना आपल्या जाळ्यात ओढणार्‍या [ गुगर्ल ] बद्द्ल बोलायलाच नको.. सगळ्या क्षेत्रात ही असतेच!