दरवर्षी नव्या पुस्तकांना घातलेल्या कव्हरसारखं
या पावसातही तुझ्या आठवणींना
लपेटून घेतलं मी कवितेत.
हळूच दुडले काही दिवस
एकमेकांसोबतचे
शाकारली स्वप्नांची कौलं
नि पडलो जरासा वाचत मजेत
नव्या छपराखाली त्याची वाट बघत
चवदार शब्दांचे घुटके घेत
पण वाचता वाचता डोळा लागताच
हा कोसळून गेला धबाधबा
माझी फिरकी घेत.
जाग येऊन बेघर झालो पुन्हा
नि फुटक्या कौलांचा तो ढीग
घेतला पुन्हा कवेत.
आता
आधी कौलं घालू की वाचन संपवू
इतकाच प्रश्न आहे.
पुन्हा बेघर व्हायची भीती वाटते ना!
प्रतिक्रिया
13 Mar 2010 - 2:51 pm | विसोबा खेचर
साक्षात कुसुमाग्रजही कौतुक करतील अशी कविता..! खूप आवडली..
जियो...!
तात्या.
13 Mar 2010 - 4:31 pm | श्रावण मोडक
आवडली कविता. उत्तम!
13 Mar 2010 - 5:16 pm | जयवी
जबरदस्त कविता......!!
उच्च !!
13 Mar 2010 - 5:30 pm | बिपिन कार्यकर्ते
बेलाशेठ...... जबरदस्त!!!!
बिपिन कार्यकर्ते
13 Mar 2010 - 5:32 pm | प्रा.डॉ.दिलीप बिरुटे
बेलासेठ, आवडली कविता..!
-दिलीप बिरुटे
13 Mar 2010 - 7:21 pm | चतुरंग
बेला, फार दिवसांनी मूड लागलेला दिसतोय!!
चतुरंग
13 Mar 2010 - 9:01 pm | प्रभो
असेच म्हणतो.
--प्रभो
-----------------------------------------------------------------------
काय सांगावे स्वतः विषयी,आहात तुम्ही सूज्ञ !! एका सारखे एकच आम्ही,बाकी सगळे शून्य !!
प्रभोवाणी
14 Mar 2010 - 4:12 pm | प्रशांत उदय मनोहर
येऊ द्या आणखी :)
आपला,
(वाचक) प्रशांत
---------
फळाची अपेक्षा ठेवू नये...ते विकत घ्यावे किंवा घरात उगवावे.
:?
माझा ब्लॉग - लेखणीतली शाई
13 Mar 2010 - 7:38 pm | अनामिक
जबरदस्त कविता!
-अनामिक
13 Mar 2010 - 7:41 pm | मदनबाण
वा. मस्त... :)
मदनबाण.....
मोती बनून शिंपल्यात राहण्यापेक्षा दवबिंदू होऊन चातकाची तहान भागविणे जास्त श्रेष्ठ.
www.mazeyoutube.blogspot.com
13 Mar 2010 - 10:33 pm | प्राजु
बेला..
सुरेख कविता!
जाग येऊन बेघर झालो पुन्हा
नि फुटक्या कौलांचा तो ढीग
घेतला पुन्हा कवेत.
क्लास!!
- (सर्वव्यापी)प्राजक्ता
http://www.praaju.com/
13 Mar 2010 - 10:50 pm | चित्रा
सुरेख कविता.
13 Mar 2010 - 11:45 pm | रेवती
कविता आवडली रे बेला!
दरवर्षी नव्या पुस्तकांना घातलेल्या कव्हरसारखं
या पावसातही तुझ्या आठवणींना
लपेटून घेतलं मी कवितेत.
हे छानच!
रेवती
13 Mar 2010 - 11:53 pm | आशिष सुर्वे
आपली कविता अगदी बेसनाच्या लाडवासारखीच.. ग्वाड आणि पुन्हा पुन्हा आस्वाद घ्यावीशी वाटणारी!!
======================
कोकणी फणस
Sachhu.. God of 22 Yards, King of Indian Hearts..
14 Mar 2010 - 12:15 am | sur_nair
गुलजारच्या कवितेची आठवण होते.
14 Mar 2010 - 1:12 am | धनंजय
जबरदस्त!
14 Mar 2010 - 4:07 am | मुक्तसुनीत
:-)
14 Mar 2010 - 2:33 pm | राघव
काही कविता अशा असतात की ज्यांना प्रतिसाद दिल्यावाचून राहवत नाही!
आणिक काय लिहू? ब्येष्टेष्ट!
राघव
14 Mar 2010 - 4:01 pm | राजेश घासकडवी
आवडली
14 Mar 2010 - 5:18 pm | jaypal
आवडले ;-)
***************************************************
दुरितांचे तिमीर जोवो/विश्व स्वधर्मसुर्ये पाहो/जो जें वाछील तो तें लाहो/प्राणिजात/
15 Mar 2010 - 8:00 am | निरन्जन वहालेकर
अतिशय छान ! खुप आवडली ! !
16 Mar 2010 - 9:16 pm | सुवर्णमयी
मुक्तछंद अतिशय प्रभावी
(माझ्या कविता मात्र गद्याकडे झुकू लागल्या आहेत..)