नवीन मराठी संस्थळ- http://thinkmaharashtra.in/

प्रिय मिपाकर,
येत्या पाच मार्च रोजी http://thinkmaharashtra.in/ या संस्थळाचे उदघाटन आहे.
मी आणि तात्या याप्रसंगी होणार्‍या चर्चेत सहभागी होणार आहोत.
मला मिळालेले हे आमंत्रण मी तुमच्या समोर ठेवत आहे.
सध्या हे संस्थळ प्रायोगीक तत्वावर सुरु झाले आहे.
समस्त मिपाकर आणि मराठी अनुदिनीकारांना एक नम्र विनंती.
आपल्या आणि आपल्याला माहीती असलेल्या मराठी ब्लॉगर्सची माहीती कृपया द्यावी.(म्हणजे मला गृहपाठ करून जाता येईल.)
आमंत्रणाची प्रत देत आहे.
धन्यवाद.
************************************************************************

मा. रामदास ,स.न.
थिंक महाराष्ट्र डॉट कॉम ह्या मराठी संकेतस्थळाच्या उदघाटनाचा (लॉचिंग) कार्यक्रम
५ मार्च २०१०, शुक्रवार, रोजी सायंकाळी ६.०० वाजता
दादर माटुंगा सांस्कृतिक केंद्र, यशवंत नाट्यगृहाचे शेजारी, माटुंगा, मुंबई येथे आयोजित केला आहे.
ह्या कार्यक्रमाचा एक महत्वाचा भाग म्हणजे मराठी ब्लॉग्ज व संकेतस्थळांशी संबंधित मान्यवरांचे एक चर्चासत्र.
विषय आहे - ब्लॉग्ज, वेब माध्यम आणि मराठी

चर्चेत सहभागी होताहेत - संजीव लाटकर, तात्या अभ्यंकर, रामदास आणि अतुल तुळशीबागवाले
चर्चासत्राचे संचालन करतील - माधव शिरवळकर
ह्या चर्चासत्रात सहभागी होण्यास संमती दिल्याबद्दल थिंक महाराष्ट्र च्या वतीने आपले आभारी आहोत.
धन्यवाद.
आपले,
माधव शिरवळकर आदिनाथ हरवंदे
(९९८७६४२७९१) (९७५७१०४५६०)