मराठीच्या अंगणात
अठ्ठेचाळीस स्तंभांचा
स्वर-व्यंजनी महाल
माझ्या माय कवितेचा
नभापार पोचतसे
त्याची बेलाग ही उंची
रेलचेल महालात
जे न देखे रवि त्याची
महालात जाण्यासाठी
जिना जपल्या शब्दांचा
आणि उतरण्या साठी
सोपान हा गहनाचा
चुनेगच्ची सौधावर
नवरस पुष्करणी
पितो मन:पूत तेथे
अद्भुताचे निळे पाणी
परवलीची एकच
खूण इथे चालतसे
एका हृदयीचे दुज्या
सोपवावे लागे पिसे
प्रतिक्रिया
31 Dec 2021 - 11:58 am | प्राची अश्विनी
वाह! कवितेचे शीर्षक वाचूनच ओळखले, तुमची असणार म्हणून.:)
31 Dec 2021 - 2:36 pm | अनन्त्_यात्री
धन्यवाद :)
31 Dec 2021 - 8:27 pm | श्रीगणेशा
+१ शीर्षक वाचून अंदाज आला होता :-)
31 Dec 2021 - 12:12 pm | प्रसाद गोडबोले
काय राव !
ह्या कवितेचे < ओल्डमॉन्कचे लाल पाणी > हे नॅचरल विडंबन आहे ह्या कवितेचे अन तुम्ही म्हणता की दारु हा विषय वापरु नका विटंबनास !
श्या , काय राव , आता काय करायचं !
31 Dec 2021 - 12:13 pm | प्रसाद गोडबोले
काय राव !
ह्या कवितेचे (ओल्डमॉन्कचे लाल पाणी) हे नॅचरल विडंबन आहे ह्या कवितेचे अन तुम्ही म्हणता की दारु हा विषय वापरु नका विटंबनास !
श्या , काय राव , आता काय करायचं !
31 Dec 2021 - 8:28 pm | श्रीगणेशा
खूप छान!