निसटले वर्ष मला
पाठमोरेसे दिसले
त्याची बघून हताशा
माझे काळीज द्रवले
म्लान वदनाने त्याने
हलकेच विचारले
जगशील का रे पुन्हा
दिस चार माझ्यातले
विचारात मी पडलो
चार कोणते निवडू
आनंदात गेले ते, की
चुकांनी जे केले कडू
निवडले मग चार
चुका मोठ्या केल्या ज्यात
सुधारेन म्हणताना
गेलो आणखी गर्तेत
नवे वर्ष नव्या चुका
करण्याची आहे संधी
असे असता कशाला
भूतकाळा द्यावी संधी?
प्रतिक्रिया
2 Jan 2021 - 5:27 pm | खेडूत
आवडली. छान कल्पना आहे.
2 Jan 2021 - 6:26 pm | Bhakti
वाह...पहिल्यांदाच नवीन वर्षाशी हितगुज असे मस्त वाचले..
3 Jan 2021 - 2:37 pm | प्राची अश्विनी
छान. कल्पना कविता दोन्हीही.
4 Jan 2021 - 8:46 am | ज्ञानोबाचे पैजार
बर्‍याच दिवसांनी सोपे शब्द निवडून लिहिलेली कविता आवडली
(जनुक जिन्याच्या सर्पिल वळणांचा पंखा)पैजारबुवा,
7 Jan 2021 - 10:48 am | अनन्त्_यात्री
सर्व कविताप्रेमींना धन्यवाद.
7 Jan 2021 - 12:06 pm | राघव
छान आहे. :-)