मी पाहिलेला एक चांगला मराठी चित्रपट

इथे लिहित रहा

अतिनैज नटन

म्हणजे काय?

कोणत्या भाषेत?

नैसर्गीक अभिनय
सहज अभिनय

आणि मग इथे पोस्ट करा. हा मराठी शिकवणीचा वर्ग नव्हे.

मी कन्नड भाषिक असून मराठी लिहिणे शिकण्याचा प्रयत्न करीत आहे.

अतिशय आनंदाची गोष्ट आहे. अवश्य शिका आणि लिहीत रहा. मुख्य म्हणजे तुम्ही कानडी असल्यामुळे पुणेरी, खानदेशी, विदर्भी वगैरे मराठीपेक्षा एका वेगळ्या प्रकारच्या मराठीशी वाचकांचा परिचय होईल. कर्नाटकातील मराठी मंडळे, तिथली संस्कृती, निसर्ग, कानडी लेखकांचा परिचय वगैरेवर अवश्य लिहावे.

तुमचे मिशन भारी आहे. लिहीत राहा.
मराठी पुस्तके वाचा, उपयोग होईल.

लिहीत राहा!!

रोहीतभाऊ, तुम्ही कन्नड भाषिक असून मराठी लिहिणे शिकण्याचा प्रयत्न करीत आहात ही खूप चांगली गोष्ट आहे.
आपल्या देशात अधिकृत अशा २२ भाषा आहेत. आणि त्यांच्या बोली भाषांसहीत इतरही असंख्य भाषा आहेत. त्यांच्याबद्दल आदर, आपुलकी असणे ही मोठी गोष्ट आहे; जसे तुम्ही कन्नड भाषिक असूनही तुम्हाला मराठी लिहायला शिकायची आहे.

काही अडलं तर विचारा, लोक आत्मीयतेने सांगतील. तुम्ही काही कन्नडप्रचूर शब्द लिहीलात तर त्याचा अर्थ विचारतील; जसा विजूभाऊंनी "अतिनैज नटन" या शब्दाचा अर्थ विचारला.

मना लय भारी वाटला येक कन्नड मानुस मराटीत लिवायला शिकताय हा बगुन. लिवा तुमि. आमि वाचु*

* हे वाक्य संगमेश्वरी/बाणकोटी या बोलीभाषेतील आहे, जी भाषा रायगड जिल्ह्याचा दक्षिण भाग आणि रत्नागिरी जिल्ह्याचा उत्तर भाग यातल्या ग्रामिण भागात बोलली जाते.

तुमच्या लेखनात (खरे तर टंकनात) सुधारणा करण्याचा प्रयत्न करतो. माझ्याही लेखनात काही शुद्धलेखनाच्या आणि इतरही काही चूका असू शकतात. पण एक मराठी भाषीक व्यक्ती म्हणून मी तरी असेच लिहीन. जे माझ्याकडूनही चूकीचं लिहीलं आहे ते कदाचित मिपाकर सुधारतील.
=======================================================================================

नमस्कार मित्रानो.
>> नमस्कार मित्रांनो

डिस्क्लेमरः मी कन्नड भाषिक असून मराठी लिहिणे शिकण्याचा प्रयत्न करीत आहे. चूक झाला तर क्रुपया करेक्ट करा.
>> डिस्क्लेमरः मी कन्नड भाषिक असून मराठी लिहिणे शिकण्याचा प्रयत्न करीत आहे. चूक झाली तर क्रुपया सुधारणा करा.

मी जेव्हा ठाण्यात होता (म्हण्जे २००६ मध्ये) मी मराठी भाषेचा एक ऐतिहासिक चित्रपट पाहिलो. त्याचा नाव होता 'संत तुकाराम'. १९३६ मध्ये निर्माण झालेला चित्रपट.
>> मी जेव्हा ठाण्यात होतो (म्हण्जे २००६ मध्ये) मी मराठी भाषेतील एक ऐतिहासिक चित्रपट पाहीला. त्याचे नाव होते 'संत तुकाराम'. १९३६ मध्ये निर्माण झालेला चित्रपट.

हा चित्रपटात मला आवडलेला गोष्टि खाली लिस्ट करतो.
>> या चित्रपटात मला आवडलेल्या गोष्टी खाली लिहीतो.

१. हे ऐतिहासिक चित्रपट असूनही, ह्या चित्रपटात, अतिनैज नटन आहे.
>> हा चित्रपट ऐतिहासीक असूनही अतिशय साधा आहे

२. हा चित्रपट मला महाराष्ट्रीय संस्कृतिचा झांकी दिला.
>> या चित्रपटात मला मराठी संस्कृतीची झलक दिसली.

दिस इस आल अय आम एबल टु रैट इन मराठी नव. (आमचा एक मित्र हे असं इंग्रजी वाक्य देवनागरी लिपीत लिहीतो 😂)

धन्यवाद

मला वाटलं, तुम्हाला आवडलेल्या कोणत्या मराठी चित्रपटावर लिहिलंय की काय.
असो, येत राहा, लिहिते राहा. शुभेच्छा.

-दिलीप बिरुटे

तुमचा मराठी लेखन करण्याचा प्रयत्न पाहून मौज आणि कौतुक वाटलं.
लिहीत रहा, प्रत्येक वेळी अधिकाधिक सुधारणा करत रहा.

गृहपाठ: पु ले शु म्हणजे काय हे ओळखा!

तुम्ही जर सिमा भागातील असाल तर अथवा कोण मित्र जर असतील तर खुप लवकर मराठी लिहायला शिकाल.

एक प्रश्न होता, मि माझ्या किती तरी कन्नड मित्रांना विचारले होते, ते सांगत नाहीत. आरीयेरू म्हणजे नक्की काय?

रोहित रामचंद्रय्या,

तुमच्या प्रयत्नांचं कौतुक आहे. तुम्ही योग्य ठिकाणी आला आहात.

हल्ली मुंबई वगैरे मोठ्या नगरांत मराठी असणे केवळ नावापुरतं राहिलं आहे. बरेचसे 'मराठी' लोकं इंग्रजी भाषेतनं शिकलेले असल्याने मराठीच्या खुब्या त्यांना अवगत नसतात. किंवा त्यांच्याकडून तशी अपेक्षा तरी नसते. अर्थात, यांसही सन्माननीय अपवाद आहेत. पण इथे मिसळपाव वर तुम्हाला प्रत्यक्ष मराठीतून शाळा शिकलेले लोकं भेटतील. त्यामुळे मराठीतून व्यक्त कसं व्हावं यावर थेट उदाहरणं उपलब्ध होतील.

सुस्वागतम. :-)

आ.न.,
-गा.पै.

रोहित - तुमचे मिसळपाववर स्वागत आहे. एक नवी भाषा शिकताना मिसळपावसारख्या व्यासपीठावर लिहिण्याचा प्रयत्न कौतुकास्पद आहे. या मार्गावरच्या पुढील प्रवासासाठी तुम्हाला मनापासून शुभेच्छा!!

एक सूचना: मनोगत.कॉममनोगत.कॉमवर सदस्यत्व घेतल्यास त्यांचा शुद्धिचिकित्सक वापरता येतो.

संत तुकाराम चित्रपट तुम्ही कुठे पाहीलात ? चित्रपटगृहात ?

रोहित रामचंद्रय्या साहेब,

शुद्धलेखन शिकून घ्या आणि लिहीत जा.
मराठी लिखाणासाठी मनःपूर्वक अभिनंदन.

काही समाजकंटक सदस्य धाग्यावर येऊन दंगा घालतात, त्यांच्याकडे दुर्लक्ष करा.

शुद्धलेखन ठेवा खिशात अँड्रॉईड अॅप

पूर्वी ही अॅप paid होती.आता सर्व शब्द मोफत उपलब्ध आहेत.

https://play.google.com/store/apps/details?id=com.mitpl.shuddhalekhan.basic

मानवी मनाच्या कार्यप्रणालीचा, तरीही काय वाट्टेल ती फेकाफेक चालवली आहे

मार्ग २. त्या भाषेतील सर्व प्रकारची म्हणजे होकारार्थी, नकारार्थी, प्रश्नार्थक अशी बाराही काळातली वाक्ये बनवता येण्यासाठी आवश्यक इतपत व्याकरण चोखपणे शिकणे

ही बारा काळातली वाक्य शिकूनच आपल्या इंग्रजीचा बोर्‍या वाजला आहे.

प्रेझंट, प्रेझंट परफेक्ट, प्रेझंट कंटीन्यूअस आणि प्रेझंट पर्फेक्ट कंटीन्यूअस इतक्या भानगडी शिकल्यावर वाक्य नेमकं कसं बोलायचं हेच लक्षात येत नाही.

अशा प्रकारे तुम्ही भूत आणि भविष्याकाळाचा ही लसूण केला की मग काय चिवडा होईल ते विचारायलाच नको !

त्यात तिथे भविष्यकाळातली वाक्य साफ चुकीची केली आहेत :

मी सिनेमाला जाईल ?
मी शिक्षक बनेल ?
मी आंबा खात असेल ?
मी रोज व्यायाम करत जाईल ?

आणि अशी भाषा तुम्ही दुसर्‍यांना शिकवता ? याचा अर्थ तुमचंही मराठी धड नाही. कुठे फेडणार हे पाप ?

मिपा व्यवस्थापनाने आता फतवा काढावा की मिपावर फक्त सर्वच विषयातील सर्वच कळणारे आयडीच* फक्त लिहीतील. इतरांनी काही लिहील्यास त्यांच्यावर तुटून पडण्याचे अधिकार सर्वच विषयातील सर्वच कळणार्‍या आयडींना दिले आहेत.

बुरा ना मानो दिवाली है ;)

*सुज्ञांस हे सांगण्याची आवश्यकता नाही की जगात सर्वच विषयातील सर्वच कळणारे कुणीच नाही. मात्र स्वतःबद्दल असा भ्रम असणारे लोक मात्र अस्तित्वात आहेत.

तुमचा मराठीत लेख लिहिण्याचा प्रयत्न कौतुकास्पद आहे. लिहीते रहा. मी मिपावर ७ वर्षापासून वाचनमात्र आहे, पण अजुन लेख लिहिलेला नाही.
तुम्ही सरळ लेख लिहिण्यापेक्षा, लेख वाचा, लेखांवर प्रतिक्रिया लिहा. एक वाक्याची प्रतिक्रिया द्या, दोन वाक्याची, लेखा पेक्षा मोठी प्रतिक्रिया(ह. घ्या)....मग लेख लिहा.

लेख थोडा मोठा लिहा, प्रकाशित करण्यापूर्वी वाचून बघा, जमल्यास कोणाला तरी वाचायला द्या. तुमच्या प्रामाणिक प्रयत्नामुळे ( किंवा जुने मिपा आणि मिपाकर आता राहिले नाही) तुम्ही सुटलात, दुसरा कोणी असता तर मिपाकरांनी बाजार उठवला असता ( कृ. पहावे: मोकलया दाही दिशा, आणि इतर लेख) आणि धागा कर्त्याने इथे किंवा इतर कुठेही लिहिण्याचा नाद सोडला असता.