रव्याचे थालिपिठ...

मी हे थालीपीठ करतो तेव्हा रवा/तांदळाची पिठी/धणे-जिरेपूड मिसळल्यावर तेलावर खमंग भाजून घेतो. त्यामुळे थालीपीठ आणखी हलके होते. बाकी कृती साधारण तुम्ही दिल्यासारखीच.

पीठ मिश्रणात उडदाचे पीठ आणि/किंवा चण्याचे पीठ (भाजून) घातल्यास चव छान येते, आणि थालीपीठ अधिक पौष्टिकही होते. तोही प्रयोग करून तुम्हाला कसा वाटतो ते सांगा (कुठल्याही डाळीचे पीठ, धान्याच्या[=गव्हा-तांदळाच्या पिठाच्या] अर्ध्याच प्रमाणात असावे, त्याहून अधिक प्रमाण घेतल्यास तितके चांगले होत नाही...)

अमेरिकेचे विमान पकडून लवकरच तुझ्या घरी येतो आहे, थलिपीठ तयार ठेव.. :)

धन्याशेठ, तुला देखील हाच निरोप! :)

आपला,
(हावरट) तात्या.

प्राजु मस्त क्रुती आहे.
मुलांना नक्की आवडेल.

मी त्यात गाजर, बटाटा किसून घालून आणि धिरडे करत होते आता अशीही करून पाहीन.

मी हे थालीपीठ जरा वेगळे करतो..
दह्यामधे १ वाटी रवा, १वाटी ओले खोबर, १इच आले खिसलेले, दोन टेबल चम्चे लोणी, हिरव्या मिरच्या(झेपेल तेव्हड्या), कोथिंबीर, मीठ, जीरे पुड चवीला आणि बेकिंग सोडा एकत्र मिसळून १ तास ठेवतो. मग तव्याला लोणी लावून त्यावर थालीपीठ लावतो, त्याच्या वर झकण ठेवून तवा गॅसवर ठेवतो.. ५-७ मिनिटात एकदम खमंग खूसखुशीत थलीपीठ तयार..
भाजी, पोळी करायचा कंटाळा आला की हमखास हे किंवा भाजणीचे थालीपीठ बनवतो( आठवड्यातून २-३ दा तरी कंटाळा येतोच)
(सुगरण्)केशवसुमार

मी अशीच रव्याची धिरडी करते..पण रवा ३-४ तास भिजवून ठेवते दह्यात्...मग लसूण मिरची मीठ घालून टाकते धिरडं..पटकन होतं. हे थालीपीठ मस्त वाट्टंय करुन पाहेन...

हा पदार्थ मी एकदाच खाल्ला आहे. (आम्हाला कृती जमत नाही. दाद द्यायला जमते. पण दाद देणारा कोणी नसला, सगळेच 'कृती' करायला लागले, तर करायचं कोणासाठी? त्यामुळे आमचंही महत्त्व आहेच...). खूप छान लागतं हे थालिपीठ.

ह्यावरून मला वर्तमानपत्र/साप्ताहिकांमध्ये येणारी 'हे करून पहा, ते करून पहा' सारखी सदरं आठवली. काय वाट्टेल ते करतात लोक! काय तर म्हणे पेरूचा उपमा! मुळ्याचे अनारसे! चिक्कूची चटणी! कलिंगडाचे सांडगे! अरे किती अत्याचार कराल त्या बिचार्‍या मुळा-फळांवर!!! नुसती फळं काय वाईट होती?

ते असो. तुझा हा पदार्थ चांगला आहे. कधितरी करून बघीन म्हणतो.

-पुष्कर

डोसा करताना जनरली आपण लसूण मिरची नाही घालत त्यामुळे धिरडं थोडं वेगळं आणि चमचमीत लागतं...

प्यानकेक मिक्स मधे कांदा मिरची घालून असं थालीपीठ करायचं?

आता तोंडाला पाणी सुटले. आमची सौ. तांदळाच्या रव्याचे थालीपीठ बनवते. ही कारवारची स्पेशालिटी. तसेच मक्याच्या पिठाचे, ज्वारीच्या पिठाचे, बाजरीच्या पिठाचे देखील. कांदा, कोथिंबीर, मिरची, मसाल्याचे प्रमाण थोड्याफार फरकाने तसेच.

उपासासाठी साबुदाण्याचे. माझ्यासाठी कांदा लसूण घालून व उपासवाल्यांसाठी वजा करून.