काळोख भयाण किरकिर रानात
रंगला आगळा खेळ
चंद्राला शोधून चांदण्या थकल्या
आलीया आवसेची वेळ
सळसळ दाटली झाडांच्या पानांत
वाराही बेभान झाला
घुमघुमं घुमघुमं कडेकपारीत
गारवा भरून गेला
चुरचुरं पाऊल रानांत चाहूल
रातीचा नूर हा न्यारा
भिरभिरं पाकोळी होऊन गोंधळी
काळोख जागवी सारा
चमचमं चमचमं चुकार काजवा
क्षणिक ठिगळ लावी
लखलख प्रकाश रेखूनी उगाच
रातीला भय तो दावी
फ़ुंकूनी तांबडं क्षितिज रंगलं
पहाट मंगल झाली
दिसेल चांदवा आजच्या रातीला
अवनी निवांत झाली
- प्राजु
प्रतिक्रिया
11 Oct 2009 - 8:07 pm | विमुक्त
खूप सुंदर...
11 Oct 2009 - 8:47 pm | मीनल
चक्क अमावस्येवर कविता?
अजून पर्यंत पौर्णिमेच्याच वाचल्या ऐकल्या होत्या.
ही मस्त आहे.
मीनल.
11 Oct 2009 - 9:51 pm | क्रान्ति
अगदी प्राजुच्या खास लयकारीतली सुरेख कविता! नाव अवसेचं, पण पुनवेच्या चंद्रासारखी लोभस कविता!:)
क्रान्ति
अग्निसखा
12 Oct 2009 - 5:43 am | अरुण मनोहर
सोपी सुंदर कविता.
12 Oct 2009 - 6:36 am | अवलिया
मस्त ! आवडली कविता !!
--अवलिया
============
यॉर्कर भल्याभल्यांची दांडी उडवतो... म्हणुन पक्षपाती पंच त्याला नोबॉल ठरवतात.
12 Oct 2009 - 7:00 am | प्रा.डॉ.दिलीप बिरुटे
आवडली कविता.
(स्वगतः आमावश्याच्या रात्री चकवा झाल्याने भटकत राहिलो तर त्या रात्री काय काय दिसेल, त्याचा अनुभव घेतला :) )
-दिलीप बिरुटे
(आमावश्याला घर जवळ करणारा)
12 Oct 2009 - 7:18 am | सहज
अश्या कल्पनाशक्तीचे फार फार कौतुक वाटते.
:-)
12 Oct 2009 - 10:26 am | फ्रॅक्चर बंड्या
फारच छान
12 Oct 2009 - 5:02 pm | प्राजु
धन्यवाद..!
सर्वांचे मनापासून आभार. :)
- प्राजक्ता पटवर्धन
http://praaju.blogspot.com/
12 Oct 2009 - 5:11 pm | विशाल कुलकर्णी
आवडली :-)
सस्नेह
विशाल
*************************************************************
आम्ही इथेही पडीक असतो "ऐसी अक्षरे मेळविन!"
12 Oct 2009 - 5:19 pm | स्वाती२
मस्त कविता प्राजु. अमावास्येवर इतकी छान कविता. कसली कल्पनाशक्ती आहे तुझी!
30 Oct 2009 - 3:14 pm | प्रमोद देव
अमावस्येची ’चाल’ ऐका. ;)
Get this widget | Track details | eSnips Social DNA
कुणी निंदा,कुणी वंदा!
आम्ही जोपासतो
चाली लावण्याच्या छंदा!!
30 Oct 2009 - 5:08 pm | नंदन
फक्त अमावस्येला 'चार चाँद' लागले अशी दाद देता येणार नाही :)
नंदनमराठी साहित्यविषयक अनुदिनी
30 Oct 2009 - 6:34 pm | प्रमोद देव
फक्त अमावस्येला 'चार चाँद' लागले अशी दाद देता येणार नाही
त्याऐवजी 'चार चाँद' लपले(लोपले) असं म्हणू या. ;)
कुणी निंदा,कुणी वंदा!
आम्ही जोपासतो
चाली लावण्याच्या छंदा!!
30 Oct 2009 - 3:47 pm | गणपा
मस्त ग प्राजुतै. आत्ताच वाचनात आली ही कविता.
30 Oct 2009 - 5:22 pm | सन्दीप
शीSSSSSS किती सुन्दर.... भनाट कल्पनाशक्ति.
कवीता आवडली.
31 Oct 2009 - 1:52 am | निमीत्त मात्र
शी????? आणि सुंदर? तुमची कल्पणा(शक्ति) मात्र अंमळ मणाला भिडली
-हगवण
30 Oct 2009 - 6:49 pm | घाटावरचे भट
मस्त लयबद्ध कविता!
'हिरव्या पानांत, हिरव्या पानांत
चावंळ चावंळ चालती' ची आठण झाली. तशीच खेळकर लय आहे.
30 Oct 2009 - 8:22 pm | संदीप चित्रे
घुमघुमं वाचताना एकद संदीपचा बुंबुंबा आठवला.
तुझ्या कवितेची लयही छान आहे.
लिहिती रहा !
31 Oct 2009 - 1:48 am | प्राजु
धन्यवाद देव काका! चाल आवडली.
सर्व प्रतिसाद कर्त्यांचे मनापासून आभार. :)
- प्राजक्ता
http://praaju.blogspot.com/
31 Oct 2009 - 1:56 am | भास्कर केन्डे
वा, प्राजूतै!
मस्त कविता. विषय खूपच सुंदर हाताळला आहे.
31 Oct 2009 - 11:40 am | नंदू
सुंदर कविता. क भयकविता म्हणू
31 Oct 2009 - 4:05 pm | विनायक प्रभू
कविता
1 Nov 2009 - 8:54 pm | सुधीर काळे
प्राजूताई,
मी गद्य माणूस पद्यांच्या/कवितांच्या मागे कधी फारसा जात नाहीं. आताही मी आमावस्या उघडली ती तो एक 'लेख' असेल या कल्पनेनं आणि उघडली तर ती कविता निघाली आणि मग मी ती वाचलीही!
पण माझ्यासारख्या गद्य माणसालाही ही 'वृत्ता'त चोख असलेली कविता खूप आवडली. त्यातल्या त्यात "चमचमं चमचमं चुकार काजवा क्षणिक ठिगळ लावी, लखलख प्रकाश रेखूनी उगाच रातीला भय तो दावी" या ओळी खूपच आवडल्या.
थोडक्यात काय कीं ही कविता मी वाचणे हा एक 'गोड अपघात'च म्हटलं पाहिजे!
सुधीर काळे
------------------------
कटी रात सारी मेरी मयकदेमें, खुदा याद आया सवेरे सवेरे! (मयकदा=दारूचा गुत्ता)
2 Nov 2009 - 11:50 am | सुबक ठेंगणी
भन्नाट कल्पना आहे.
अंधा-या रात्रीला चमचमतं ठिगळ लावणारा काजवा मस्तच!
:)