इंडियन वाय.एम.सी.ए.

लंडनमध्ये जर तुमचं कोणीच नसेल तर अशांसाठी Indian Y.M.C.A. (Young Men Christian Association)ही सर्वोत्तम जागा आहे.अत्यंत मध्यवर्ती ठिकाण(Central London) हीथ्रो वरुन पाच पाउंडात सरळ वोरेन स्ट्रीट स्टेशनला यायचं,रस्ता ओलांडला की आलच आपलं ठिकाण.रिसेप्शनला "आपला" भारतीय माणूस बसलेला असतो,आणि गांधीजींचा मोठ्ठा फोटो या मुळे विलायतेत पोहोचलोय यावर विश्वास बसत नाही.रिसेप्शनला हिंदीत बोलाल तर जरा भाषेची अडचण होते.अहो इंग्रजी मुळे नाही तर तामिळ मुळे.सगळा स्टाफ एकतर तमिळ किंवा मल्याळी.मी डोर्मिटरीचं बुकिंग केलं होतं.रुममध्ये गेल्यावर माझ्यासारखाच एक परिक्षार्थी भेटला,इतर तिघेसुद्धा भारतीय डाक्टर होते.चला,आयतेच मित्र मिळाले.जेवायला निघालो.वेळ ७ ते ८.३० फक्त.अनलिनिटेड जेवण,आपली चावी दाखवायची व्हेज/नोन.व्हेज डिश उचलायची,आणि सर्वात आनंदाची गोष्ट म्हणजे पाहीजे तेवढा वरण भात!!!माणसाला लंडनमध्ये यापेक्षा अजून काय पाहीजे!पोटभरल्यावर आणि वातावरणाला जरा सरावल्यावर इकडे तिकडे बघू लागलो.सगळ्या आपल्या लोक्स मध्ये एखादा बिचारा गोरा /गोरी दिसायचे.थोडा कानोसा घेतल्यावर चक्क मराठी एकू यायला लागली.मुंबइचे काहीजण होते,एक पुण्याचा होता.लंडनच्या मधोमध एक भारतच वसवलाय.तिथला ७ दिवसांचा मुक्काम कधी संपला ते कळलंच नाही.बाहेर सोफ्यावर एक काका वाचत बसले होते,मला ते जरा मराठी वाटले.विचारलं तर ते एम.पी.चे निघाले.स्वतःचे होटेलचे बुकिंग क्यान्सल करून YMCAला आले होते.म्हणाले,I cannot compare the charm of this place to anything else.I had to come and stay here.तर मित्रांनो,लंडनला जाल तर या ठिकाणाला अवश्य भेट द्या.A home away from home.