प्रश्न एवढाच आहे की, तुम्हाला कोणत्या प्रकारची व्यक्ती व्हायचं आहे?

मी श्री समर्थांना म्हणालो,
“बरेच वेळा माणसं एखाद्या व्यक्तीबद्दल पूर्ण माहिती नसताना
एकदम निर्णयाला येतात.मग तो
त्यांचा निर्णय सकारात्मक असेल
किंवा नकारात्मक असू शकतो.
मी तुम्हाला हे असं का विचारतो
ह्याचं एक कारण झालं आहे.
परवा मला एका अनोळखी व्यक्तीचा
फोन आला होता.मी फक्त त्याला त्याने केलेल्या मुद्यावर हं हं एव्हढंच
म्हणालो होतो.काल मी एका दुसऱ्या
व्यक्तीशी बोलत असताना योगायोगाने, त्या दिवशी माझ्या
फोनवर बोललेल्या व्यक्तीशी आणि
ह्याच्याशी सलगी आहे असं कळल्यावर, विषय निघाल्यावर
मला ह्याने सांगितलं की,ती फोनवरची व्यक्ती मला मी उद्धट,
अहंकारी आहे असं म्हणाली.
ऐकून मला वाईट वाटलं “
असं मी समर्थांना म्हणालो.
तुमचा याबद्दल काय अनुभव
आहे?असं ही त्यांना विचारलं

त्यावर श्री समर्थ मला म्हणाले,
“एखादा माणूस लाजाळू स्वभावाचा
असला आणि स्वाभाविकपणे तो
तुमचं ऐकून तुम्हाला उत्तर देत नसला
तर त्याला, कंटाळवाणा किंवा उद्धट किंवा अहंकारी असल्याचं मनात धरलं जातं.गृहीत धरलं जातं.

आपण ज्या पद्धतीने पाहतो, वागतो आणि बोलतो त्यावर आधारित - लोक न्याय करतात.
त्यांना ते जाणवलं असलं किंवा नसलं तरी ही.

म्हणून जेव्हा तुम्ही एखाद्याशी बोलता आणि फक्त होकार देऊन त्याचं
म्हणणं मान्य करता तेव्हा तुम्ही त्या छोट्याश्या हावभावाचा एकापेक्षा जास्त मार्गांनी अर्थ लावायला बांधील
होता.

लोकांना हे समजत नाही की,
त्या क्षुल्लक कृतींचा अर्थ उद्धटपणासाठी नसतो.अपमानजनक
नसतो.ओळख नसल्यामुळे सहसा शब्दांनी उत्तर न देण्याचा प्रयत्न होतो. कारण एखादं वेळी काहीतरी अयोग्य बोललं गेल्याचा आरोप होवू
शकतो.
जेव्हा खरोखर सांगण्यासारखं दुसरं काही नसतं, तेव्हा विनोदबुद्धीचा अवलंब केला जातो.
गोष्टी ज्या प्रकारे अभिप्रेत असतात
तशा कधीच उलगडल्या जात नसतात.
एखाद्याचा असा चूप रहाण्याचा स्वभाव नसतो.
अजिबात ओळखत नसलेल्या व्यक्तीशी बोलण्यात एखाद्याला
संकोच वाटेल असं ही नाही.

पण मला आठवतं की माझ्या आयुष्यात मी बोलण्याचा पुरेसा आत्मविश्वास ठेवून संवाद साधू शकलो.
पण काही वेळा लोकांनी गैरसमजाने
नकळत मला खाली पाडलं आहे.

माझ्या बोलण्यावर ते हसले आहेत.
माझा विनोद त्यांना कळला नसेल.
पण माझ्या मनात पुन्हा पुन्हा
एक निर्णयात्मक दृष्टी ठेवून मी इतरांसमोर स्वतःला कसं सादर करावं यावर प्रभावीत झालो होतो.

आपण आपल्या जीवनात आलेल्या लोकांमध्ये किती बदल करतो हे आपल्याला कधीच कळत नाही. इतर लोक ज्या पद्धतीने वागतात त्यावरून तुम्ही त्यांचा न्याय करता, तरीही ते ज्या प्रकारे वागतात त्या कारणाचा तुम्ही ही एक भाग असता.

तुम्हाला आश्चर्य वाटत असेल की लोक लाजाळू, अतिउत्साही किंवा बिनधास्त का होतात. तुम्हाला आश्चर्य वाटत असेल की लोक स्वत:ला अपमानास्पद का बनवतात.

कारण त्यांच्या आयुष्यात आलेल्या लोकांनी त्यांना काही गोष्टी सांगितल्या (मग ते खरं असेल किंवा नसले) ज्यामुळे त्यांचा स्वतःकडे पाहण्याचा दृष्टीकोन बदलला. आणि अशा प्रकारे त्यांच्या वागण्याचा मार्ग बदलला. आणि त्यांच्या जीवनाकडे पाहण्याचा दृष्टिकोन बदलला.

मी असं म्हणू शकत नाही की मी कधीही कुणावर रागावलो नाही.
मी एवढेच सांगतो की जागरूक रहावं. मला विश्वास आहे की तुमच्यामध्ये लोकांना बदलण्याची आणि त्या बदल्यात स्वतःला बदलण्याची शक्ती असते.”

हे सर्व समर्थकांकडून ऐकून मी
त्यांना म्हणालो,
“ प्रश्न एवढाच आहे की, तुम्हाला कोणत्या प्रकारची व्यक्ती व्हायचं आहे? हे तुम्हाला ठरवावं लागेल.”