AI आणि मी

लै भारी. विनोद म्हणुन नव्हे तर असा अनुभव मी बर्‍याच वेळेला घेतला आहे. काय खाउन AI अल्गोरीदम लिहीतात कुणास ठाउक

खरच ह्या ए.आय. आणि काय काय प्रकारांनी आजकाल जगणे हराम होत चालले आहे. गुगलवर काही सर्च केले चेपुवर लगेच त्याच्याच जाहिराती दिसणार्,तुनळी बघताना तेच मधे मधे येणार, गुगल मॅपवर कहि शोधले की अजुन आपली जाहिरात की आपण कुठे चाल्लोय.

हे कमी की काय म्हणुन आमेझॉन प्राईम घेतले तर हे फ्री, नेटफ्लिक्स घेतले तर ते फ्री, एअरटेल मोबाईल बरोबर एअरटेल टि.व्ही. घेतला तर ही ऑफर, आय सी आय सी आय कार्ड्ने पेमेंट केले तर ५% कॅशबॅक आयला आता हे सगळे लक्षात ठेवायला एक सेक्रेटरीच नेमावा म्हणतोय. फक्त महिन्याच्या शेवटी खिशाला पडणारे भोक मोठे होत चलले आहे या सगळ्यापायी.

विचार करण्या लायक आहे

या पेक्षा आमचा पानवाला कितीतरी हुशार आहे, मी समोरुन (एकटा) येताना दिसलो की लगेच चुना आणि पुडी हातात तयार ठेवतो आणि ही बरोबर असेल तेव्हा मसाला पान ना साहेब? असे विचारतो.
पैजारबुवा,

कृत्रिम बुद्धिमत्ता ही 'अनुभवावरून शिकणे' या तत्त्वावर बेतलेली असते. तिला जितकी अधिक माहिती पुरवाल तितकी ती अधिक तल्लख व नेमकी होत जाते. ही माहिती आपण आपल्या जालीय व संगणकीय वर्तनातून पुरवतो.

उदा. तुम्ही ओला-उबेरच्या जाहिरातींकडे दुर्लक्ष करत गेलात तर कृबु त्यातून धडा घेऊन तुम्हाला दाखवायच्या जाहिराती बदलेल.

तू म्हणतोस त्याप्रमाणे बथ्थड असतो हा प्रकार. आमच्याकडे नुकताच कुत्र्याचं आगमन झालं. त्याचा पट्टा वगैरे घेतला पहिल्या दिवसात. आता त्याचाच भडीमार चालू! अरे मी काय गुरूवारी एक, पौर्णिमा असली तर एक पेश्शल असे दहा-बारा घेणारे का? आता मी कुत्रा आणलाय कळलं ना तुम्हाला? मग त्याच्या खाण्याच्या, "बाहेरगावी गेलात तर कुत्र्याला आमच्याकडे सोपवा" छाप काहीतरी दाखवा ना. मुळात ई-मेल वाचताना, एखाद्या वेब साईटवर बातम्या वाचताना जो जाहिरातींचा सुळसुळाट चालू असतो त्याला बळी पडून किती लोकं रँडमली खरेदी करतात? छ्या......

माई म्हणतात तसं " एआयची लै हौस ना, मग भोगा त्याची फळं"

खि खि खि

हा हा हा ! मस्तच!
बर ह्या झुक्याला कोणी कपड्यांच्या​ जाहिराती दाखवा रे! :)

लय भारी

तुम्ही मिपाकर आहात हे माहित नव्हते! :)
तुमचा लेख तुमच्या नावासकट माझ्या धाग्यावर प्रतिसादात दिला आहे.

यांचा एआय जर असा मातीखाऊ असेल तर WhatsApp च्या पॉलिसी चेंजला घाबरावे का? :)))

अति तेथे माती हे सगळ्या गोष्टीप्रमाणे सोशल मिडियालाही लागु पडतेच. फायदा असेल तोवर आणि जपुन वापरा.
आता अमेझॉन,स्विगि,झोमॅटो ने लावलेल्या सवयी आणि फुकटात चेपु,तुनळी,कायप्पा किवा जी पे, पेटीएम ही अ‍ॅप वापरणे सोडायच्या म्हणजे जंगलातच जाउन रहावे लागेल.

आवडला.
सकाळी सोमी वर आधी वाचलं, मग इथे आला. :))

आता तुमच्या स्पेशल भाषेत परत एकदा येऊद्या. तोही आवडेल!

मस्त आणि खुसखुशीत!

- (डीप लर्नर) सोकाजी

मस्त.
साधारण पणे एआय येत आहे अशी भिती घातली जाते पण अशा बिनडोक एआय ला घाबरण्याची खरच काही गरज नाही.

मजा आली
असे अनुभव येतात. आता AI वाल्यांना सांगायला हवे अल्गो बदला. कुणी एकदा एक वस्तू परत घेतली तर तो ती महिनाभर तरी घेत नाही. त्यातही गंमत आहे कुणी जुलाबाची गोळी घेतली तर महिनाभरा नंतर त्याला जुलाबाची गोळी घ्यायची गरज असते असे नाही. ते चिडायचा. कॉमन सेन्स पासून AI खूप दूर आहे असेच म्हणावे लागेल.

In the United Kingdom, it is estimated that at any time there are over 300,000 radiographs waiting over 30 days for reporting.

an artificial intelligence system which could cut the time it takes to assess critical chest x-rays from 11 days to less than three.

https://www.digitalhealth.net/2019/01/artificial-intelligence-cuts-delay...

कृत्रिम बुद्धिमत्ता जर व्यवस्थित वापरली तर त्याचा किती उपयोग होऊ शकतो याचे एक उदाहरण.

अर्थात हीच गोष्ट नैसर्गिक बुद्धिमत्तेबद्दल सुद्धा सांगता येईल.

अक्कल वापरायचीच नाही असे ठरवलेल्या लोकांचे तुम्ही काहीही करू शकत नाही हेच खरे.

दवाखान्याच्या लँडलाईन वर फोन करून तुम्हीआत्ता दवाखान्यात आहात का असे विचारणारे लोक काही कमी नाहीत