फ्युएल, सिग्नेचर आणि नरकासुराचा वध

Primary tabs

लाल गेंडा's picture
लाल गेंडा in जनातलं, मनातलं
8 Nov 2019 - 1:18 pm

(सत्य घटनेवर आधारित)

तारीख : 2 नोव्हेंबर
माणसं : एकूण आठ
अवस्था : प्रचंड दमलेली
व्यवस्था : एक क्वार्टर फ्युएल, दोन बाटल्या सिग्नेचर
तयारी : वेफर्स, शेंगदाणे, थोडसं चिकन, थोडे मासे, (गरीब शाकाहारी माणसांसाठी) थोडंस पनीर, चार ग्लास, कोल्ड्रिंक्स
वेळ : रात्रीचे अकरा वाजून तीस मिनिटे

अंक 1 : सुरुवात

एका ओळीत ठेवलेले चार ग्लास
एकात 10 मिली आणि दुसर्यात 30 मिली फ्युएल
तिसर्यात आणि चौथ्यात 30 मिली सिग्नेचर प्रत्येकी
कोल्ड्रिंक्स स्वादानुसार

"" चांगभलं ""

चर्चा : दमलेल्या आई बापाची कहाणी

अंक 2 : दुसरं वळण ( सेकंड राउंड)

20 मिली फ्युएल बाकी आणि सिग्नेचर अर्धा खंबा डाऊन

चर्चा पुढे चालू .......

अंक 3: गुगली

गहन चर्चेत आमच्या कन्यारत्नाची उडी
" आई मला आत्ताच्या आत्ता नरकासुराचा वध ही गोष्ट सांग "
आई, मावश्या, काका आणि बाबा तोंडावर पहिल्या बॉलवर पाचही जण आउट झाल्याचे भाव घेऊन..

" आई मला आत्ताच ऐकायची आहे, सांग " फर्मान पुढे ..

गडबडलेली आई ..

" बरं सांगते, पण शांतपणे ऐकायचं,मध्ये बोलायचं नाही "
(स्वतःला विचार करू द्यायला सबब)

" एक नरकासुर होता "
" त्याच नाव होतं का ते? "
" नाही, तो नरकात गेला म्हणून त्याच नाव नरकासुर पडलं "
" मग आधी काय नाव होतं त्याच? " शंकासुराचा प्रश्न

आई लेग बाय विकेट ..

शक्य असेल तर भयाण आणि इच्छूक शांतता, सगळ्यांचे लक्ष आईकडे ( डोळे नाहीत, काय हिंमत अश्या खिंडीत गाठलेल्या वाघिणीला डीवचायची कुणाची) ..

" मला आठवत नाही पण पुढे ऐक "
कन्यकेच्या चेहर्यावर नाराजीचे भाव, पण पुढे ऐकायला तयार ..
" कृष्णबाप्पा लहान असताना एक असुर ...... म्हणजे राक्षस "
कन्यकेच्या चेहर्यावर प्रश्नार्थक भाव उमटल्यावर आईचे उत्तर ..

" कृष्णबाप्पा लहान असताना एक असुर त्यांना खूप त्रास द्यायचा. तो असुर खूप घाण राहायचा.
तो आंघोळ नाही करायचा.
दात नाही घासायचा.
बाहेरून आल्यावर पाय नाही धुवायचा.
डोक्याला तेल नाही लावायचा. "

(पोरगी जे जे करायला त्रास देते, ते सगळं घुसडवायचा आईचा प्रयत्न)

(पोरीच्या चेहर्यावर ढिम्म)

" मग काय केलं कृष्णबाप्पाने "
बाळबोध चेहर्याने मी आधीच काही ऐकलचं नाही अश्या अविर्भावात पुढचा प्रश्न

" मग त्याने त्या असुराला शाप दिला "
" आई, शाप म्हणजे? "
( दारू म्हणजे काय रे भौ, या धर्तीवरच निरागस प्रश्न)

" म्हणजे त्यांनी असुराला शिक्षा दिली नरकात ढकलून. म्हणून तो नरकासुर "
"आई, नरक म्हणजे? आणि ते कुठे असतं? "
पुढची गुगली ..

" ती जागा खूप धाण धाण असते. आंघोळ न करणारी, दात न घासणारी मुलं तिकडे पाठवली जातात "

(आईचा पॉवर प्ले करायचा प्रयत्न)

" म्हणून आपण दिवाळीच्या पाहिल्या दिवशी लौकर उठतो, अभ्यंगस्नान करतो आणि देवबाप्पाला भेटायला मंदिरात जातो "
कन्या विचारमग्न ..

परत इच्छूक, भयाण शांतता ..

कन्या आईकडे बघते, मान डोलवते आणि काकांकडे वेफर्स मागते

निशब्द आणि निर्ध्वनी सुस्कार ( सगळ्यांकडून)

चतुर बाबा विषय बदलतो ...

समाप्त !

कथालेख

प्रतिक्रिया

कंजूस's picture

8 Nov 2019 - 1:42 pm | कंजूस

चक्रासुर.

mrcoolguynice's picture

8 Nov 2019 - 3:28 pm | mrcoolguynice

नाईस...

संजय पाटिल's picture

8 Nov 2019 - 5:26 pm | संजय पाटिल

हे चांगलच आहे.......
पण ते मावळ्यांच्या पुढचा भाग आणा कि.....

दुर्गविहारी's picture

11 Nov 2019 - 6:11 pm | दुर्गविहारी

मस्त लिहलंय !

साबु's picture

11 Nov 2019 - 6:17 pm | साबु

आईचा पॉवर प्ले करायचा प्रयत्न-> +१

प्रशांत's picture

15 Nov 2019 - 2:26 pm | प्रशांत

मस्त लिहलंय !