शिवरुद्र ढोल ताशा पथकाचे शीर्षक गीत

ब्लॉग दुवा
शिवरुद्र ढोल ताशा पथक फेसबुक पान

ढोल-ताशे हा विषय जरी मिपावर ज्वलंत मानला गेला असला तरी काव्य, संगीत या विषयांचं तसं नाही :) या भावनेतून हा धागाप्रपंच.

आपल्या शब्दांनी सुरांचा अंगरखा आणि स्वरांचा मुकुट घातलेला बघून अतिशय आनंद होतो. शिवरुद्र ढोल ताशा पथकाचे योगेश जाधव, राहुल राऊत, संतोष शिगवण यांनी या गीतासाठी माझ्यावर विश्वास दाखवला त्याबद्दल त्यांचे अनेक आभार.

सुधारित लिंक - आता फाईल ओपन व्हायला हवी

शिवरुद्र ढोल ताशा पथकाचे शीर्षक गीत
गीत : अपूर्व जयंत ओक
गायक : नंदेश विट्ठल उमप
संगीत : राहुल रमेश राऊत आणि योगेश जाधव

रुद्राचा अवतार हा शिवरुद्राचा अवतार
ढोलाचा डंका करारी ताशाची झंकार

गणरायाच्या कृपेने होते सारे साकार
शिवशंभूची शक्ती करते ह्रदयांवर संस्कार
ऐका ही ललकार ही तरुणाईची ललकार
ढोलाचा डंका करारी ताशाची झंकार

नाही जोश वरवरचा हा खेळ नसे फक्त
या धमन्यांतून वाहते शिवभक्ताचे रक्त
गर्जा जयजयकार करतो गर्जा जयजयकार
ढोलाचा डंका करारी ताशाची झंकार

आमची निष्ठा आमची श्रद्धा आमचे शिवरुद्र
तुमचे कौतुक तुमच्या टाळ्या तुमचे शिवरुद्र
तालाची ही भाषा बोलणारे शिवरुद्र
मानाची ओळख आम्हा देणारे शिवरुद्र
महाराष्ट्राच्या संस्कृतीचे आम्ही वारसदार
ढोलाचा डंका करारी ताशाची झंकार

याच प्रकल्पासाठी एक आणखी काव्य लिहिलं होतं जे आता सार्वजनिक करायला हरकत नाही. अधोरेखित अक्षरांवर ठेका धरावा