कुंजविहारी हसे का मनी -
निद्राधीन ती राधा बघुनी
नयनी उतरे शाममुरारी
हळूच नकळत स्वप्न होऊनी
स्वप्नामधली राधा बावरी
गेली सगळे सत्य समजुनी
हसे खुदुखुदू झोपेमधुनी
खट्याळ कृष्णाची मोहिनी
देशी रे किती त्रास तू मजला
वदते राधा जात मोहुनी
मोरपीस मग अलगद गाली
कान्हा हसतो लबाड फिरवुनी
खोड्या वाढता म्हणते राधा
जा तू आता निघून येथुनी
स्वर राधेला गोड ऐकवी
मुरलीधर हळु पावा काढुनी
नयने उघडी राधा अपुली
मधुर सूर ते पडता कानी
आत्ता होता कुठे कन्हैया
शोधत हसते घरभर फिरुनी
लबाड आणि खट्याळ लीला
आठवे राधा स्वप्नी रंगुनी ..
.
http://mee-videsh.blogspot.in/
प्रतिक्रिया
27 Mar 2016 - 5:45 am | विद्यार्थी
:-)
राधा आणि कृष्ण हा विषय कवी आणि वाचकांसाठी कधीच जुना होणार नाही. मस्त कविता, एकदम आवडली.
27 Mar 2016 - 7:15 am | रातराणी
सुरेख!
27 Mar 2016 - 8:14 am | कवितानागेश
गोड लिहिलंय.
27 Mar 2016 - 8:27 am | प्राची अश्विनी
छान!
27 Mar 2016 - 8:49 am | पाषाणभेद
छान
27 Mar 2016 - 11:15 am | अभ्या..
मस्त. आवडली
27 Mar 2016 - 11:25 am | अत्रुप्त आत्मा
अत्तिशय सुंदर.
27 Mar 2016 - 2:27 pm | विदेश
विद्यार्थी, रातराणी, लीमाउजेट, प्राची अश्विनी, पाषाणभेद, अभ्या, आत्मबंध ---
प्रतिसादाबद्दल सर्वांचे मनापासून आभार !
27 Mar 2016 - 2:29 pm | एस
वा! कवी जयदेवांच्या काव्याची आठवण झाली.
28 Mar 2016 - 2:51 pm | उल्का
खुपच छान लिहिली आहे.
28 Mar 2016 - 8:31 pm | विदेश
एस, उल्का -
प्रतिसादासाठी धन्यवाद !