आठवणी सवाईग॑धच्या...

धन्यवाद रे रंगा, आता हा फोटू छान दिसतो आहे! :)

(नुसता फोटो डकवण्यापेक्षा, हा कोणत्या सवाई गंधर्वच्या वेळचा आहे? ह्या फोटोचा काही वेगळा इतिहास आहे का?

सांगतो, सांगतो....! :)

भाईकाकांच्या अमृतमहोत्सवी वर्षी सवाईगंधर्व महोत्सवात अण्णांच्या हस्ते भाईकाकांचा सत्कार झाला त्यावेळचा हा फोटू आहे. मला त्या कार्यक्रमाला उपस्थित रहायचं भाग्य लाभलं आहे!

भाईकाका हे सवाईगंधर्व महोत्सवाच्या अगदी सुरवातीपसूनचे साक्षिदार. अण्णांनी १९५२ साली जेव्हा हा महोत्सव सुरू केला तेव्हा त्यात भाईकाकांचा मोलाचा वाटा अन् पुढाकार होता.

सत्कारसमारंभाला उत्तर देतांनाच्या भाषणादरम्यान भाईकाकांनी सांगितलेली आठवण.. (त्यांचे शब्द आता अचूक आठवत नाहीत,)

भाईकाका म्हणाले होते,

"सवाईगंधर्व महोत्सव जेव्हा सुरू झाला तेव्हा त्यात जवळजवळ अर्धा डझन देशापांडे होते. वसंतराव देशपांडे, पु ल देशपांडे, दत्तोपंत देशपांडे इत्यादी! तेव्हा काही खवचट पुणेकर म्हणाले होते की या देशपांडे मंडळींनी स्वत:ला पुढे पुढे करायला मिळावं म्हणून केवळ हा उत्सव सुरू केला आहे झालं! दुसरं काही नाही!"

पण रसिकहो, आज हा महोत्सव इतका मोठा झाला आहे की आम्ही केवळ पुढे पुढे करण्याकरता ह्या महोत्सवाची सुरवात केली नव्हती हे आतातरी पुणेकरांनी लक्षात घ्यावं!" :)

भाईकाकांच्या सत्काराआधी तिथे नुकतंच अश्विनी भिडे-देशपांडेचं गाणं झालं होतं. तोच धागा पकडून भाईकाका पुढे म्हणाले,

आत्ताच आपण सर्वांनी अश्विनीचं गाणं ऐकलं. किती छान गायली अश्विनी! हे पुन्हा ती केवळ एक 'देशपांडे' आहे म्हणून मी म्हणत नाहीये बरं का! :)

असं म्हणून भाईकाकांनी आपल्या नेहमीच्या थाटात हशे-टाळ्या घेतल्या.. :)

आपला,
(सवाईगंधर्व महोत्सवाच्या खूप आठवणी बाळगून असणारा!) तात्या.

अशी दिग्गज व्यक्तीमत्वें एकाच व्यासपिठावर पहायचे दिवस गेले. फक्त आठवणींच रहातात.

खरं आहे....

अश्वीनी त्यावेळी बागेश्री गायली होती.

करेक्ट..!

अवांतर - अश्विनी तशी गुणी आहे. तयारी चांगली आहे, आवाज छान आहे, गाण्यात भाव आहेत. परंतु तरीही तिचं गाणं कॅल्क्युलेटेड वाटतं. तिनं थोडी क्रिसच्या पुढे येऊन बॅटिंग केली पाहिजे. अजून मजा येईल...

तात्या.