छायाचित्रणकला स्पर्धा क्र.१२ : पाऊस: निकाल

ह्या ह्या ह्या. प्यारे काका कालपासुन सुटलेत जोरात :P!!

उत्तेजनार्थ

भन्नाटच कोटी, प्यारे.. कालपासून 'रिवायटल' घ्यायला लागलास का काय, भावा? ;-)

आमची हीच स्मायली पण डोळे हिरवे नाहीत असे समजावे. ते नारायण धारपांच्या कथेतील वाटतात. आमचे मन हिरवे आहे ! मी काढलेला फोटो त्यावेळी कॅमेरा वापरणे अशक्य होते अशा वेळी काढला. रपरप पाउस व दरीतून येणारे भन्नाट वारे असे चित्र होते. विजेत्यांचे अभिनंदन !

मी कप्तानाच्या श्ब्दाबाहेर ( आणि जहाजाबाहेरही) नाही !!!!!

एक छायाचित्रकार म्हणून या प्रतिसादातील मुद्द्याबद्दल मत देतो. तंत्राबरोबर उपकरणाने बराच फरक पडतो हे मान्य. पण तंत्रच नसेल तर उपकरण काही कामाचे नसते. डीएसएलआर सोडा, अगदी हासेलब्लाड बाळगणारेदेखील काहीही छायाचित्रे काढत बसतात हे पाहिले आहे. आणि अगदी मोबाइलच्या व्हीजीए कॅमेर्‍यानेसुद्धा उपलब्ध परिस्थितीचा पुरेपूर वापर करून नेत्रसुखद छायाचित्रण करू शकणारेही पाहिले आहेत.

तंत्र विरुद्ध उपकरण असे जर पहावयाचे झाले तर तंत्र म्हणजेच कौशल्य हे केव्हाही सरस ठरेल. त्यामुळे जसे एखाद्या निष्णात शेफला आपण त्याच्या महागड्या कुकर, चमचे, कढया यासारख्या वस्तूंवरून भाव न देता त्याच्या स्वयंपाकाच्या कौशल्यालाच फक्त आदर देतो तसेच छायाचित्रकारालासुद्धा तुम्ही कोणता कॅमेरा वापरला, कुठली लेन्स वापरली असे प्रश्न तशीच तांत्रिक गरज नसताना विचारून त्याच्या/तिच्या कौशल्याचा अपमान करू नये. मला माझ्याकडे असणार्‍या गिअर (उपकरणांचा संच) बद्दल कुणी विचारल्यास मी अजिबात उत्तर देत नाही. कारण कॅमेर्‍यामागील माझा डोळा हा कॅमेरा व लेन्सपेक्षा जास्त महत्त्वाचा असतो. माझा कॅमेरा दुसर्‍याला देऊन त्याला माझ्यासारखी छायाचित्रे घेता येणे तेव्हाच शक्य होईल जेव्हा त्या व्यक्तीकडेही तसेच कौशल्य आणि तीच कलासक्त नजर असेल.

याच कारणामुळे महागडी उपकरणे घेण्याची स्वप्ने पाहणार्‍या उतावीळ लोकांना मी आधी त्यांच्याकडे असणार्‍या उपकरणांच्या क्षमतेला 'आउटग्रो' करण्याचा सल्ला देतो.

राहता राहिला प्रश्न उपकरणांच्या वर्गवारीनुसार स्पर्धेचे विभाग करण्याचा, तर ही स्वागतार्ह सूचना आहे. हल्ली 'बेटर फोटोग्राफी' सारखी मासिकेही केवळ मोबाइलने घेतलेल्या छायाचित्रांची स्पर्धा घेऊ लागलेली आहेत, तसाच प्रयोग मिपावरही करण्यास हरकत नाही. एखादी स्पर्धा फक्त मोबाइल छायाचित्रणाची घ्यावी. पण सारांश - उपकरणांचे अवडंबर माजवू नये.

स्वॅप्सचा प्रतिसाद महत्त्वाचा. आवडला.

मोबाईलवर काढलेल्या फोटोंसाठी स्वतंत्र स्पर्धा घ्यायचा विचार जरूर आहे. सध्या सणासुदीचे विषय आणि विशेष परीक्षकांकडून एक स्पर्धा झाल्यानंतर हा प्रकार प्राधान्याने घेऊ.