रागाने झिडकारशील
स्वतःपासून दूर करशील
पण एक काम करण्याची परवानगी दे फक्त
मी बांधलेल्या मंगळसूत्राची वाटी
तुझ्या नकळत गळ्यात होईल पलटी
ती सरळ करण्याची परवानगी दे फक्त
हे एक काम करण्याची परवानगी दे फक्त.
केसांच्या बटांची ती रेशीमडोर
लटक्याने येईल डोळ्यांसमोर
ती मागे सारण्याची परवानगी दे फक्त
हे एक काम करण्याची परवानगी दे फक्त.
घाईत कधी हळूवार
फसेल कुठेसा पदर
तो सोडवण्याची परवानगी दे फक्त
हे एक काम करण्याची परवानगी दे फक्त.
रात्री एकांती कधी चमकेल वीज
दचकून अचानक तुटेल नीज
कुशीत घेऊन थोपटण्याची परवानगी दे फक्त
हे एक काम करण्याची परवानगी दे फक्त.
तुजवीन सखे काय ठाव
कधी अर्ध्यावर मोडेल डाव
आठवणीत येण्याची परवानगी दे फक्त
हे एक काम करण्याची परवानगी दे फक्त
(भावानुवाद / प्रेरणा : गुलजार - मुझको_इतने_से_काम_पे_रख_लो)
प्रतिक्रिया
30 Jun 2015 - 2:25 pm | संदीप डांगे
सुंदर...!!!
30 Jun 2015 - 2:38 pm | टवाळ कार्टा
चायला परवानगी?? बायको स्वतःची अस्ताना? =))
30 Jun 2015 - 2:40 pm | कहर
तुमचे लग्न झालाय का ?
30 Jun 2015 - 2:42 pm | टवाळ कार्टा
खिक्क...कै संबंध
30 Jun 2015 - 2:54 pm | कहर
लग्न झाल्यावर कोणत्या कोणत्या परवानग्या घ्याव्या लागतात(स्वतःच्या बायकोच्या) ते सुज्ञ (आणि विवाहित ) मिपाकरांना विचारावे
हुकुमावरून
कहर ;) ;)
30 Jun 2015 - 3:04 pm | चिनार
टक्या लग्न कर..
30 Jun 2015 - 2:43 pm | उदय के'सागर
'विवाह' शिणेमातल्या 'मुझे हक है' ची आठवण झाली.... :P