सायकलिंग ह्या स्पोर्टमध्ये भारतीयांनी मिळवलेला विजय,

नाशिक मधील डॉ महेन्द्र महाजन वय ३९ आणि डॉ हितेन्द्र महाजन वय ४४ यांनी जगातली एक अत्यंत कठिण सायकल रेस अमेरिकेतील RAAM आज पूर्ण केली. ही रेस त्यांनी team india:vision for tribals ह्या नावाने टीम रेस म्हणून पूर्ण केली. ३००० मैलाची ही रेस दोन जणांच्या ह्या टीमला नऊ दिवसात पूर्ण करायची होती. ती त्यांनी आठ दिवस चौदा तास आणी ५५ मिनिटांमध्ये पूर्ण केली. अमेरिकेच्या एका टोकापासून दुसर्‍या टोकापर्यंचे अंतर ह्यात पार करायचे होते. अनेक घाटांमधून जाणार्‍या रस्त्यावर ९००० फूट उंचीचा सर्वात मोठा पासदेखील होता. भारतातील अजून दहा सायक्लिस्ट त्यांच्या क्रूमध्ये होते.

ह्यापूर्वी महाजन भावांनी भारतात २००, ३००, ४००, ६००, १००० अशा ब्रेव्हे सायकल रेसेस पूर्ण केल्या आहेत. ह्याशिवाय भूतानच्या टूर ऑफ द ड्रॅगन नावाच्या २६८ किमी च्या रेसमध्येही भाग घेउन ती वेळेआधी पूर्ण केली आहे. ह्या रेसमध्ये हिमालयातले ४ पासेस कव्हर करावे लागतात. ह्या रेसला डेथ रेस असेही म्हणतात.

RAAM मध्ये भाग घेणारी ही पहिली भारतीय टीम. ह्यापूर्वी चार भारतीयांनी ह्या रेस मध्ये वैयक्तिक रित्या भाग घेतला होता.

ह्या टीमने RAAM मध्ये पूर्ण केलेल्या प्रत्येक शंभर किमी मागे प्रत्येक १०० किमी मागे ५ कॅटॅरॅक्ट आणि १ कॉर्नियल इम्प्लांट या प्रमाणाने आदिवासींच्या eye surgeries करण्याचा संकल्प नाशिकच्या कल्पतरू फाऊंडेशनने सोडला आहे.

महाजन भावांचे अभिनंदन आणि शुभेच्छा.

https://www.facebook.com/RAAM2015India?fref=ts (टीमचे फेबु पेज)