कुंद काळ्या रात्रीला, वेढून येशी साजणे
वीज या उमटे जिव्हारी झळकता ती पैंजणे !
उसळता बेभान वारा, क्शणिक सोडे तंडणे
प्राण कानी होत गोळा छनकता ती पैंजणे !
आज सजणा धुंद झाला, तू जुईचे लाजणे
थिरकला गात्री प्रणय हा विखुरता ती पैंजणे !
पुसुन नेले पावसाने, नाही..नाही.. सांगणे
एक श्वासी लक्श कंठी गात आता पैंजणे !
प्रतिक्रिया
26 Jun 2015 - 12:35 pm | एक एकटा एकटाच
मस्त
26 Jun 2015 - 7:19 pm | सटक
धन्यवाद !
27 Jun 2015 - 3:32 pm | पैसा
छान!
27 Jun 2015 - 10:07 pm | सटक
धन्यवाद !
27 Jun 2015 - 10:22 pm | अत्रुप्त आत्मा
दर प्रती सादा लागी नाही धन्यवाद म्हणणे!
दहा प्रतिसाद होता तोवरी थांबणे थांबणे!!!
27 Jun 2015 - 10:38 pm | सटक
धन्यवादा एक कारण, वरती धागा आणणे !
सूज्ञ तुम्ही येथले बहु, बाकी न लगे सांगणे !!
27 Jun 2015 - 11:09 pm | अत्रुप्त आत्मा
आवडते का तुम्हासहि, नवनीत चीप होणे
न व्हावे इतुकिच इच्छा, बाकी तुमचे तुम्ही जाणणे! ;-)
27 Jun 2015 - 11:41 pm | सटक
येथ आहे नवीन मी, अन अधिक ह्वे ते वाचणे !
चार गोष्टी अधिक कळता, होइल नूतन जाणणे !!
आपणासी अगर ठावे, मार्ग नूतन जोखणे !
सांगता मज निश्चयाने, त्याच पंथी चालणे !!
जे मी लिहितो आहे त्याचे बरे-वाईट परिक्शण व्हावे ही इच्छा!
28 Jun 2015 - 10:10 am | मदनबाण
छान...
मदनबाण.....
आजची स्वाक्षरी :- दिल पे मत ले यार... ;) :- Dil Pe Mat Le Yaar