मार्बल केक: प्रकार २

स्वाती दिनेश's picture
स्वाती दिनेश in पाककृती
24 Jul 2014 - 4:05 pm

आमच्या त्सेंटा आजीची एक मैत्रिण आहे, बिर्गिटं तिचे नाव.. भयंकर उत्साही! सत्तरीच्या पुढची ही तरुणी, अजूनही कुठेकुठे पाककलास्पर्धां मध्ये भाग घेऊन जिंकत असते.. मागच्याच महिन्यात भेटली तेव्हा तिने शेअर केलेली ही केकृ-

.

साहित्य-
२५० ग्राम बटर/मार्गारिन
२०० ग्राम साखर
४ अंडी
२०० ग्राम मैदा + १०० ग्राम स्पाइझंस्टेर्क (कॉर्नस्टार्च)
३ टीस्पून बेकिंग पावडर
१.५ टीस्पून वॅनिला इसेन्स /१ पाकिट वॅनिलाशुगर
१ टीस्पून किसलेली लिंबाची साल
४ टेबलस्पून कोको पावडर (डार्क)
१ टीस्पून रम/रम इसेन्स (ऑप्शनल)
साधारण कपभर दूध
चिमूटभर मीठ

कृती-
बटर भरपूर फेटणे, साखर घालून फेटणे.
त्यात एक एक अंडे घालून फेटणे.
वॅनिला अर्क व लिंबाची किसलेली साल घालून फेटणे.
मैदा+ स्पाइझंस्टेर्क(कॉर्नस्टार्च) एकत्र करणे, त्यात बेकिंगपावडर व चिमूटभर मीठ घालणे.
मैदा+ स्पाइझंस्टेर्क(कॉर्नस्टार्च) २-३ टेबलस्पून व एखादा टीस्पून दूध असे वरील मिश्रणात घालत फेटत रहाणे.
सर्व मैदा नीट एकत्र झाला की परत एकदा चांगले फेटून घेणे.
अवन १८० अंश से. वर प्रिहिट करणे.
केक मोल्डला ग्रिझिंग करुन घेणे.
वरील केकच्या मिश्रणातील अर्ध्याहून थोडा जास्त भाग केक मोल्डमध्ये ओतणे व उरलेला भाग बाजूला ठेवणे.
२-३ टेबलस्पून दूध कोमट करणे ,त्यात कोको पावडर मिसळणे व मिश्रणाच्या उरलेल्या भागात हे ओतणे.
हवे असल्यास रम/रम इसेन्स घालणे. चांगले मिक्स करणे.
हा कोकोयुक्त भाग केकमोल्डमध्ये ओतणे.
एक काटा (फोर्क) घेऊन कोकोचे मिश्रण व वॅनिलाचे मिश्रण वरखाली करणे.
असे केल्याने मार्बल इफेक्ट येईल.
फोर्कने मिश्रण वरखाली करण्याची भीती वाटत असेल तर सरळ दोन्ही मिश्रणे २-३ चमचे अशी एकेक करुन केक मोल्डमध्ये घाला. नंतर मोल्ड हलवून मिश्रण एकसारखे करा. त्यानेही मार्बल इफेक्ट येईल.
१८० अंश से वर साधारण ५०-५५ मिनिटे बेक करणे.
नेहमीसारखेच केक झाला की नाही ते (त्याच्या) पोटात सुरी/ विणायची सुई खुपसून पाहणे.
केक झाला तरी ५-६ मिनिटे अवन मध्येच राहू देणे.
साधारण कोमट झाला की मोल्ड मधून जाळीवर काढणे, व गार झाला की कापणे.
कॉफीबरोबर आस्वाद घेणे. :)

.

मार्बल केक: प्रकार १ येथे पाहता येईल.

प्रतिक्रिया

पिलीयन रायडर's picture

24 Jul 2014 - 4:07 pm | पिलीयन रायडर

आहा!!!!!

निर्वाण पावल्या गेले आहे.

शिद's picture

24 Jul 2014 - 4:35 pm | शिद

लय भारी!!! *ok*

मार्बल इफेक्ट मस्त दिसतोय. चवही छान असणारच!

ऋषिकेश's picture

24 Jul 2014 - 5:25 pm | ऋषिकेश

एवढ्यासाठी जर्मनी आलो होतो हो! छ्या!
हे असे फटु टाकून काही बरं नाही करताहात तुम्ही ;)

बाकी, फटं टाका बरं का.. नैतर या प्रतिसादाचा हवाला देऊन बंद कराल नी मला मिपावर मिपाकर येऊ दुद्धा देणार नैत :)

मस्तच दिसतोय मार्बल केक. आत्ताच जेवण खालेय. काहितरी गोड खायचेच आहे, तर पाठवुन दे एक slice इथे.

प्यारे१'s picture

24 Jul 2014 - 6:03 pm | प्यारे१

छळछावणीतलं एक दिग्गज नाव.... केकवाली बाई.

मुक्त विहारि's picture

25 Jul 2014 - 9:48 pm | मुक्त विहारि

+१

आधी साधा केक शिकू द्या ना..मग अशा रेसेपी टाका हो..फोटो बघून त्रास होतो ना!कसला मस्त दिसतोय..

यशोधरा's picture

24 Jul 2014 - 6:53 pm | यशोधरा

केक के वास्ते *give_rose*

कवितानागेश's picture

24 Jul 2014 - 7:20 pm | कवितानागेश

आत्ताच्या आत्ता हवा ......... :(

मधुरा देशपांडे's picture

24 Jul 2014 - 7:23 pm | मधुरा देशपांडे

कालच हाफिसात खाल्ला. त्यामुळे जळजळ कमी झाली. मस्त फोटु.

डॉ सुहास म्हात्रे's picture

24 Jul 2014 - 8:50 pm | डॉ सुहास म्हात्रे

जबरा !!!

दिपक.कुवेत's picture

24 Jul 2014 - 9:14 pm | दिपक.कुवेत

त्यातुन मार्बल ईफेक्ट वाला???? कुठाय???? आपल्याला काय दिसला नाय बुवा.....चला तेवढच जळजळ व्हायचं प्रमाण कमी झालं.

सुहास झेले's picture

24 Jul 2014 - 9:43 pm | सुहास झेले

खपलो.... बाकी प्रतिक्रिया पुढील जन्मात ;-)

अजया's picture

24 Jul 2014 - 9:51 pm | अजया

लई भारी !!

पैसा's picture

24 Jul 2014 - 10:16 pm | पैसा

खूप छान!

तुमचा अभिषेक's picture

24 Jul 2014 - 11:09 pm | तुमचा अभिषेक

टेक्श्चर छानच आलेय :)
खास करून टॉपफेस तोंपासू

नंदन's picture

25 Jul 2014 - 3:11 am | नंदन

शेवटच्या फोटोत मार्बल इफेक्ट काय झकास जमून आलाय!
परवाच कोको पावडरीसोबतच किंचित कॉफी/एस्प्रेसो घालून केलेली अमेरिकन आवृत्ती हादडल्याने इनोची गरज अंमळ कमी भासली :)

सानिकास्वप्निल's picture

25 Jul 2014 - 3:37 am | सानिकास्वप्निल

मस्तं दिसतोय केक
मार्बल इफेक्ट झक्कासचं :)

कविता१९७८'s picture

25 Jul 2014 - 5:14 pm | कविता१९७८

मस्तं आहे.

मुक्त विहारि's picture

25 Jul 2014 - 9:47 pm | मुक्त विहारि

झक्कास..

मयुरा गुप्ते's picture

26 Jul 2014 - 1:23 am | मयुरा गुप्ते

अफाट!!!

--मयुरा.

प्रभाकर पेठकर's picture

26 Jul 2014 - 1:44 am | प्रभाकर पेठकर

सुंदर मार्बल परिणाम साधला आहे. चवीलाही अप्रतिम असणार ह्यात वाद नाही. थंडीत किंवा धुवांधार पाऊस पडत असताना, मस्त पैकी वाफाळणारा चहा आणि असा केक असेल तर, व्हरांड्यात किंवा गॅलरीत बसून चैन करता येईल.

यशोधरा's picture

26 Jul 2014 - 1:55 am | यशोधरा

*good* *preved*

रुमानी's picture

28 Jul 2014 - 5:10 pm | रुमानी

केक मस्तच...!
मार्बल इफेक्ट लै भारी.....! :)

स्पंदना's picture

29 Jul 2014 - 6:58 pm | स्पंदना

केकावली ऽऽऽ!