(ही पाल तुरुतुरु, चढी भिंतीवरती हळु )
मराठीतील एक प्रसिध्द गाणे
ही चाल तुरुतुरु उडती केस भुरुभुरु डाव्या डोळ्यावर बट सरली
या चालीवर खालील रचना
---------------------------------
ही पाल तुरुतुरु, चढी भिंतीवरती हळु
वरच्या खिडकीतुन आत सरली !
की उंचावरच्या कप्प्यात, अडगळीच्या जागेत पालीण सळसळली !!
कोळ्यांशी मैत्री जमव ना !
जाळिशी फिल्डिंग लाव ना !
शेपुट वळ वळ कर ना!
डासांवरती झडप घाल ना !
मनी खालुन जाता वरं वळुन पाहाता,
पाल संकटात सापडली !!
उगाच झाडू हाणून !
फवारा हिटचा मारुन !
शेपुट चाचपुन काठीन !
तोंड जरा दाबुन चपलेन !
हा त्रास जिवघेणा , सारा माणसांचा बहाणा,
आता माझी इथली ह्द्द संपली !!
-------------------------------------
मुळ गाणे -
ही चाल तुरुतुरु उडती केस भुरुभुरु
डाव्या डोळ्यावर बट ढळली
की मावळत्या उन्हात केवड्याच्या बनात
नागीण सळसळली !
इथं कुणी आसपास ना !
डोळ्याच्या कोनात हास ना ?
तू जरा माझ्याशी बोल ना ?
ओठांची मोहोर खोल ना ?
तू लगबग जाता मागं वळून पाहाता
वाट पावलांत अडखळली
उगाच भुवई ताणून
फुकाचा रुसवा आणून
पदर चाचपून हातानं
ओठ जरा दाबीशी दातानं
हा राग जीवघेणा खोटा खोटाच तो बहाणा
आता माझी मला खूण कळली
प्रतिक्रिया
12 Jul 2008 - 12:26 pm | विसोबा खेचर
केळकरराव,
धन्य आहे तुमची! :)
आपला,
(पालप्रेमी) तात्या.
12 Jul 2008 - 5:52 pm | भडकमकर मास्तर
गबाळ्या दिसायला असाच होता काय?
______________________________
ही आमची अनुदिनी ... http://bhadkamkar.blogspot.com/
12 Jul 2008 - 3:12 pm | बेसनलाडू
नमस्कार = विडंबन 'हाइट' आहे
(साष्टांग)बेसनलाडू
12 Jul 2008 - 5:14 pm | प्रियाली
पाल हा अनेकांच्या आवडीचा विषय दिसतो आहे. ;) पाल आणि विडंबन दोन्ही मस्त!
12 Jul 2008 - 5:51 pm | भडकमकर मास्तर
आज मिपावरती पाल जोरात आहे...
______________________________
ही आमची अनुदिनी ... http://bhadkamkar.blogspot.com/
12 Jul 2008 - 6:59 pm | केशवसुमार
केळकरशेठ,
एकदम झकास विडंबन, मजा आली..
(पालीला घाबरणारा)केशवसुमार
12 Jul 2008 - 9:37 pm | चतुरंग
एकदम झकास, चालीत म्हणता येतंय!
(अवांतर - सकाळपासून स्वयंपाक घराच्या आसपास हे विडंबन गुणगुणून मी सौं ना हैराण करण्यात यशस्वी झालोय! ;)
(स्वगत - रंगा, खातोयस आता बोलणी, तुला लेका खाजच फार!)
चतुरंग
12 Jul 2008 - 9:56 pm | अभिज्ञ
विडंबन झकासच झालेय.
मजा आली.
अन तात्यांनी लावलेला पालीचा फोटू तर लै भारी आलाय.
आयला ,पाल पण एवढी सुंदर व निरागस दिसते ह्याची कल्पना नव्हती.
मला तर या पालीत कारुण्याची छटा आढळतेय.
अभिज्ञ.
13 Jul 2008 - 12:26 am | विसोबा खेचर
आयला ,पाल पण एवढी सुंदर व निरागस दिसते ह्याची कल्पना नव्हती.
मला तर या पालीत कारुण्याची छटा आढळतेय.
लाख बोललात अभिज्ञराव!
अहो किळसवाणा दिसतो म्हणून तुम्हीआम्ही लोकांनी उगाचंच त्या गरीब बिचार्या प्राण्याचा आजपर्यंत तिटकारा केला आहे/करत आलेलो आहोत!
पण प्रत्यक्षात हा प्राणी अतिशय स्वच्छ असतो. स्वभावाने अत्यंत घाबरट आणि अत्यंत गरीब! पाल बिचारी दिवसरात्र कुठे काही पोटाची खळगी भरायला मिळेल का या चिंतेत असते!
मला पाल हा प्राणी अतिशय आवडतो. सळसळ पळण्यात मोठी वाकबगार असते. तरीही मी केव्हातरी तिला जिवंत पकडण्यात यशस्वी होतो. हातात पकडून दोन मिनिटं तिचं निरिक्षण करावं, आपल्या चिमटीत अगदी शांत बसून असते. कधी हाती लागलीच तर मी नेहमी तिच्याशी सुखदु:खाच्या दोन गप्पा मारतो अन् देतो सोडून बापडीला. जाते पुन्हा सरसर निघून आपल्या वाटेने! :)
तात्या.
13 Jul 2008 - 7:24 pm | प्राजु
त्या पालीचं फारच निरिक्षण केललेलं दिसतं तुम्ही...!
सह्हीये एकदम.
- (सर्वव्यापी)प्राजु
http://praaju.blogspot.com/