अहमदाबाद मध्ये पुणे

क्लिंटन साहेबांनी विचारलेल्या माहितीच्या अनुषंगाने --
अहमदाबाद मध्ये दोन भोजनालये खास आहेत.
१. विशाला
खेड्यातील जुन्या पद्धतीचे पाट, पत्रावळ आणि फक्त कन्दिलाच्चा उजेड व शेकोटी, अशा वातावरणा मधील सुग्रास ग्रामीण घरगुती जेवण अनुभव घेण्यासारखे आहे. इंदिरा गांधी तेथे जेवावयास गेल्या होत्या असे सांगतात. तेथेच जुन्यावेळी पाकक्रियेत वापरल्या जाणाऱ्या भांड्यांचे संग्रहालय आहे.
२. अगाशिये ( गच्चीवर )
सेठ मंगलदास यांच्या हवेलीच्या अगाशी(गच्ची) वर पारंपारिक शहरी संस्कृतीचे प्रतिक म्हणता येईल असे हे भोजनालय मध्य वस्तीत आहे. येथ कासाच्या ताटात जेवण वाढले जाते. ताटात एक मोठेसे झाडाचे पान ठेवलेले असते . आपण आपल्या पसंतीचे लोणचे त्यावर वाढून घ्यायचे, म्हणजे लोणच्यामधील आम्ल्त्वाचा ताटावर असर होत नाही.
दोन्ही ठिकाणे शाकाहारी आहेत आणि आंतरजालावर त्यांच्या विषयी माहिती उपलब्ध आहे.

गवि साहेबांनी विचारलेल्या शंकेच्या समाधानासाठी ---
अहमदाबाद मध्ये उन्हाळ्यात गरमी प्रचंड असते. दुकानात शिरणारा प्रत्येक माणूस आधी गार पाण्याची अपेक्षा करत असतो. त्यानंतर लस्सी वगैरे .

तिरशिंगराव माणूसघाणे यांनी सुचवल्याप्रमाणे खालील पुस्तकाची माहिती करून देत आहे. ह्या पुस्तकात अहमदाबाद मधील दोनशेहून अधिक हॉटेलांची माहिती दिली आहे. त्यात प्रत्येक ठिकाणाची खासियत , दोन माणसांचे अंदाजे होणारे बिल , पत्ता, फोन व प्रतवारी दिली आहे. या पुस्तकाची नवी आवृत्ती दर वर्षी प्रकाशित होते. पुस्तकाचा संदर्भ :
Times फूड गाईड
www.timescity .com /ahmedabaad
या धाग्यावर अहमदाबाद शिवाय इतर सर्व मोठ्या शहरातील खाण्या पिण्याच्या जागांची माहिती सुद्धा मिळते.
.crosswords या दुकानात हे पुस्तक मिळते.
-------------
????
आपण सर्वजण पाट्यांचा विषय सोडून पाटावर येउन बसलो- हे कसे झाले ?

आदुबाळ यांचा प्रश्न :
'मला एक प्रश्न पडला आहे - आपण ज्याला "भाकरी" म्हणतो त्याला गुजरातीत काही वेगळं म्हणतात का? कारण गुजराती "भाकरी" आपल्या भाकरीपेक्षा पूर्ण वेगळी असते'
-------------------------------------------------
आपण ज्याला ( बाजरी किंवा ज्वारीची) भाकरी म्हणतो त्याला गुजरातीत रोटलो असे म्हणतात.
गुजरातमध्ये ज्वारीचा वापर फार कमी. म्हणजे रोटलो म्हटले कि बाजरीची भाकरी असेच समजायचे