नाती-गोची २

"एन्हॅन्स्ड सेन्सिबिलिटीज म्हणजे काय रे"?
कुठे ऐकलास हा शब्द?
(पल्याडचे लेख वाचायला लागली की काय?)
"आंघोळीला गेला होतास. फोन सारखा वाजत होता म्हणुन उचलला. मी हॅलो म्हणायच्या आधीच त्या बै ३ मिनीटे बोलत होत्या".
हा शब्द वापरणार्‍या ना बै नाही म्हणायच. मॅम म्हणायच.
"मॅडम मधला ड चे काय"?
ते मॉडर्न आहे तुला नाय समजायच.
"नाही तर नाही. मला अर्थ सांग".
जाणीवांच्या विस्तारलेल्या कक्षा.
"अगो बाई. विस्तारलेल्या कक्षा मधे अक्षरे खातात की काय? तो फोन कर. त्या मॅम काय म्हणत होत्या त्यातले मला फारसे काही कळले नाही"
हा फोन "टीचींग बीयाँड क्लासरुम वॉल्स" हे ब्रिदवाक्य असलेल्या शाळेतल्या मॅम चा होता.
___________________________________________________
बोला मॅम, प्रभु बोलतोय.
"हेलो सर, गुड मॉर्निंग सर. प्रिंसीपल मॅम नी तुम्हाला कॉम्प्लीमेंट द्यायला सांगितल्या आहेत".
कशासाठी?
"अहो सर तुमचे पोस्ट वाचले मिपावर. खुप आवडले ते त्यांना. सर्व टीचर्स ना वाचायला कंपलसरी केले".
ओ.के.(इथे मी शिस्टीम प्रमाणे थँक यू म्हणायला पाहीजे होते. पण ..)
"यू आर अ मिनिमॅलिस्ट"
आता हे काय असते बॉ?
"काय सर चेष्टा करताय. अहो काहीही न म्हणता बरेच काही सांगता तुम्ही"
अहो मॅडम मी काहीही प्लान करत नाही हो. आणि तसे काहीही होत असेल तो निव्वळ योगायोग किंवा अपघात समजा.
"तुमच्या आर्टीकल नंतर प्रिंसिपल मॅडम नी हा विषय प्रेंरेंट मिट मधे इन्क्लुड करायला सांगितले आहे. जरा आमच्या काउंसेलरला लँग्वेज द्याल का? काल जवळ जवळ असाच मिशप झाला. तो पण सांगायचाय"
सांगा
___________________________________________________
सिनियर के.जी. ची पालक सभा.
जिथे आई वडील येउ शकत नाही तिथे आजोबा आजी.
१००० फुटाचा ए.सी. हॉल. बसण्याची फाइव स्टार व्यवस्था. स्क्रीन, म्युझीक सिस्टीम वगैरे वगैरे.
आई बाबा च्या समोर मुले स्वःत ला एक्स्प्रेस करतात.
अशीच एक एक्स्प्रेस मुलगी.
हातात माईक आल्यावर बोलायला लागली.
"माझ्याकडे ना जादूची रुम आहे. तुम्हाला सांगु का ह्या रुम ची जादू. ही जादू फक्त शनीवारी रात्री होते. मी की नै बेडवर झोपलेली असते. आई एका बाजूला, बाबा एका बाजूला. मी मधे. ही जादू कधी होते ते मला माहीत नाही. बाबा मॅच बघायला अगदी सकाळी टीवी लावतात. आणि मी जागी होते. बघतो तर काय मी मधे नसते. कधी ह्या बाजुला, तर कधी त्या बाजूला असते"
___________________________________________________
"सर, कालचा तुमचा लेख वाचला होता. आणि म्युझिक सिस्टीम चा रिमोट माझ्याच हातात होता म्हणुन वाचले. आता सांगा
आजकालच्या पालकांना त्यांच्या मुलांच्या एन्हॅन्स्ङ सेन्सिबिल्टी़ज बरोबर कसे डील करायचे हे कोण शिकवणार"?