नावडतीचे मीठ अळणी!

ओकसाहेब,

एखाद्या गोष्टीचा अनुभव न घेता त्यावर टीका करणे योग्य नाही असेच माझे मत आहे. तुमच्या लेखमाला मी वाचल्या आहेत. त्यावरील टीका व टिंगलही वाचली आहे. आयुष्यात मला असे काही अनुभव आले आहेत की ते विज्ञानाच्या आधारे समजणे कठीण आहे. त्यामुळे माणसाच्या आकलनापलिकडेही ह्या जगात बर्‍याच गोष्टी आहेत हे मला मान्य आहे. आता त्याचा अनुभव घ्यायचा की नाही हा ज्याचा त्याचा प्रश्न आहे.
म्हणून म्हणतो की आपल्या कार्यशाळेला मनापासून शुभेच्छा.

तर मग तिचा अनुभव पिऊन घ्यायला का लाजता.

कढी फुकट आहे का? आम्ही दारु, सिगारेट आणि कढी फुकट मिळत असेल तरच पितो ;)

तूम्हाला कोण जिंकलेल आवडेल रा-वन ? कि जि-वन ?

मूळात चित्रपटात रा-वन ला व्हिलन का म्हणायच हेच मला कळलं नाही ? त्याच कामच आहे फाइट करणं आणी समोर येणार्‍याला मारणं, जि-वनच कामही तेच आहे फाइट करण आणी समोरच्याला मारणं मग तो अचानक लूसीफरला वाचवायचा निर्णय का घेतो हेच कळत नाही. रोबोटमधे मात्र दे-मार साय-फाय अ‍ॅक्शन आहेच, पण तो रावणासारखा का बनतो ते ही व्यवस्थीत दाखवल आहे.

कार्यशाळा मोफत असेल तर अवश्य उपस्थीती लावल्या जाइल. चेतन साहेबही येतील.

<< आपण नाडीवरचा शो चेतनना दाखवलात काय़ >>

इथे आपल्या प्रतिसादात मला खेचण्याचं प्रयोजन काही कळलं नाही. एक तर आपल्या या धाग्यावर प्रतिसाद देऊन गोंधळ वाढविण्यापेक्षा मी थेट आपल्यासोबतच दूरध्वनीवर संभाषण केले होते. त्यातून मला जी माहिती मिळाली ती निश्चितच आशादायी नव्हती, त्यामुळे माझ्यापुरता तरी मी हा विषय संपवून टाकला होता. शिवाय आपल्यात झालेल्या संभाषणाचा इथे उल्लेख करायचेही टाळले होते. तरीही आता आपण माझा उल्लेख केलाच आहे तर मी आपल्या संभाषणाचा तपशील इतर सदस्यांकरिता इथे मांडतो म्हणजे पुन्हा गैरसमज नको.

मी आपल्याला विचारले होते की आपण स्वत: नाडी भविष्य बघता का? आपण नकारार्थी उत्तर दिले. त्यावर मी आपणांस पुण्यात निगडीच्या आसपास असे भविष्य कोण बघतात हे विचारले तसेच त्याबाबतचे शुल्क ही विचारले? त्यावर आपण सरळ उत्तर न देता ही माहिती मिळविण्याकरिता आपले या विषयावरील पुस्तक विकत घेऊन वाचण्यास सांगितले, जे की जास्तकरुन अप्पा बळवंत चौकात मिळण्याची शक्यता आहे.

थोडक्यात जो व्यवसाय आपण करीत नाही त्याची केवळ जनहितार्थ माहिती आपण देता (ज्याला जाहिरात म्हणणे आपल्याला मान्य नाही). बरे जी माहिती देता ती अपूर्ण असते. अधिक तपशीलाची विचारणा केल्यास त्याकरिता आपण स्वत:च लिहीलेले पन्नास रूपयांचे पुस्तक विकत घेण्यास सूचविता जे की मला पंचवीस किमी लांबवर मिळेल. हा प्रकार माझ्या तरी पचनी पडला नाही. आपण इथे इतके धागे काढता, त्या धाग्यांवर होणार्‍या गंभीर, चिडखोर, हास्यास्पद अशा सर्व प्रकारच्या टीकाकारांना उत्तरे देत बसता. त्यात बरीच ऊर्जा खर्च होत असणारच. त्यापेक्षा इतकीच ऊर्जा खर्च करून आपण नाडी भविष्य कथन पुण्यात अमूक अमूक ठिकाणी केले जाते, त्याचे अमूक इतके शुल्क आहे. वाचकांनी स्वत: जाऊन अनुभव घेण्यास हरकत नाही इतक्या साध्या सोप्या पद्धतीत लिहू शकत नाही का?

असो. मला जे योग्य वाटले ते आपणांस सूचविले. बाकी आपली मर्जी...