उत्तम मिसळ मिळणारी ५1 ठिकाणे

ह्या धाग्याचे प्रयोजन काय आहे
कळ्ले नाही ;)

http://www.misalpav.com/node/9386#

नउ ठिकाणे जास्त आहेत यात.8) 8-) :cool:

साहेब थोडा शोध घेतला असतात तर या इ-मेलचा उगम आपल्या या मिपावरच झालाय हे आपल्याला कळल असत. :)

उत्तम मिसळी मिळणारी ५६ ठिकाणे

उत्तम मिसळ मिळणारी ६० ठिकाणे

बाकी तुमची घटलेली यादी पाहुन काही ठिकाणांनी आपली क्रेडेबीलीटी घालवली की काय अशी शंका आली. ;)

जाता जाता : ते शिर्षकातल ५1 म्ह्णजे A1 सारख काही असेल अश्या आशेने धागा उघडला होता.

यापैकी अनेक ठिकाणी खाल्ली आहे. पण मनशक्ती के॑द्र, लोणावळा. या ठिकाणी खाल्ली तो एक वेगळाच अनुभव. साधी मिसळ खायची तर त्यापूर्वी मला एक फॉर्म दिला गेला (मी कोणत्याही शिबिराला गेलेलो नव्हतो. फक्त एक खाण्याचे ठिकाण म्हणून रस्त्यात थांबलो होतो). त्या फॉर्मवर आपल्याला खाताना येणार्‍या अनुभवांचे आणि भावभावनांचे तपशील भरुन द्यायचे होते. हे पाहून मी भारावलो, अशा अर्थाने की काहीतरी खास अनुभव देणारे अन्न / नाश्ता असणार. मग मिसळ मागवली. हे राम.. असली तिखटजाळ की अनुभव लिहिण्याच्या फॉर्मने नाक पुसायची वेळ आली.

तिखटातही प्रकार असतात. झणझणीत हवासा स्वाद
आणि नुसताच तोंडाची आग आग करणारा आणि पाण्याने पोट भरणारा एक प्रकार.

बाकी मामलेदार तर आमच्या गावातच.. गोखलेही.

स्पावड्या, ब्लू कोरल नक्कीच या यादीत येऊ शकेल नाही का?

बर्याच ठिकाणी मिसळ खाल्ली आहे या यादीमधील.
मागे अशीच ठिकआणे ताकली होती त्याची यादी करायची राहुन गेली आहे.. या निमित्ताने आठवण झाली...

या यादीत नसणारे पण जेव्हडे अनुभव आहेत त्यावरुन ..
सिन्नर (नाशिक जवळ) मधील मिसळ ला तोड अजुन तरी मला मिळालेली नाही..

आणि पिंपरी वाघेरीतील जनता,निसर्ग अथीती मिसळ ही खुप छान आहेत.

गगनबावडा एसटी स्टँडवरची मिसळ. कळकट्ट उपहारगृहातली एकदम टेस्टी मिसळ. कोल्हापूरातील समस्त मिसळींपेक्षा मला ही मिसळ आवडली. कटवडा तर क ह र.

कोल्हापुरात मटणाचा तांबडा रस्सा असलेली मिसळ मिळते. ती कोणी खाल्ली आहे काय?

माझ्यामते चांगल्या मिसळीची लक्षणे:

-जास्त रस्सा, कमी कडधान्य,

-वाटाणे शक्यतो नको. असल्यास जास्त नको.

-रश्श्यावर तर्री असणे मस्ट.

-फरसाण कुरकुरीत हवं. (नंतर भिजत असलं तरी)

-मिसळ "लावलेली" हवी. म्हणजे फरसाण, शंकरपाळी, उरलेल्या ब्.वड्यांचा चुरा वगैरे जिनसा एकावर एक लावून मग वरुन कट / तर्री / सँपल घालणे आवश्यक. कँटीनमधे सोयीसाठी रस्सा भरलेली ताटली आणि त्यात बचकभर फरसाण वरुन टाकतात ती मिसळच नव्हे.

-पावापेक्षा "स्लाईस" जास्त चांगला वाटतो.

-ब. वड्याचा / भज्यांचा चुरा, शंकरपाळी, पोहे, अशा अ‍ॅड ऑन्सनी खुमारी अधिक वाढते.

-कांदा लिंबू नसेल तर मिसळ कॅन्सल करावी.

-दही मिसळ नेहमीच चांगली लागेल असं नाही. काहीवेळा तर दह्याने मिसळीची वाट लागते.

बाकी काही मत असेल तशी भर घालावी.

फुल्ल छाप्या माणुस आहे.....
अक्षरशः क्रम सुद्धा नाही बदललेला मिसळींचा......

सं.मं ला विनंती हा धागा तात्काळ काढुन टाकावा...

फेसबुकवर ही यादी फिरत आहे!!!
फिरत फिरत इकडे प्रदर्शीत झालेली दिसते... ;)
जरा मिसळपाव संकेतस्थळाचे धोरण वाचावे.

http://www.misalpav.com/node/13199
मुद्दा २

ह्या ५१ ठिकाणांना धागा कर्त्याने भेट देऊन सर्व ठिकाणांची मिसळ खाल्ली आहे का? तसे पाहिले तर, एकूण किती ठिकाणच्या मिसळींची चव घेऊन ह्या ५१ ठिकाणांना 'उत्तम' हे प्रशस्तीपत्र दिलं आहे? त्या इतर ठिकाणांच्या आणि ह्या ५१ ठिकाणातल्या मिसळीत असा काय फरक जाणवला ह्यावर काही टिपण्णी का नाही?

बेडेकर मिसळ, पुणे आणि काटाकिर्र, ;पुणे ह्या दोन मिसळींच्या चवीतच जमिन-अस्मानाचा फरक आहे. तरीही दोन्ही 'उत्तम' कशा?

'मिसळ मिळण्याची, मला माहित असलेली, ५१ ठिकाणे' असे शीर्षक देता येईल.

फारातफार, '५१ जणांनी नावजलेली उत्तम मिसळ मिळण्याची ५१ वेगवेगळी ठिकाणे' असे म्हणता येईल.

टाईमपास धागा.

आमच्या कुरुंदवाडची एकाटे यांची मिसळ. महावीर मिसळ भुवन, बाजारपेठ कुरुंदवाड

काय चोप्य पस्ते यादी आहे!
तीन वेळा चव बदललेल्या बेडेकरांचं नाव पहिलं आणि काटाकिर्रचं नाव नाही...?

मंगला टॉकिज बाहेर तेलंग काकाकडची खा तर येक डाव? खरि करंट देणारि तर्री मंजे काय ते कळेल! पार केस उभी रहातात... डोक्याची ;-)
अवांतर:-काटा किर्र भंगार आहे...मिसळही आणी सर्व्हिसही...

ही ठिकाणे वेगवेगळ्या गावी आहेत. पुण्यातच असतानाही मिसळ खायला म्हणून अगदी पिंपरी चिंचवडलाही जाणे जमत नाही. शिवाय एक जण म्हणतो की काटा किर्रची मिसळ बेष्ट तर दुसरा तिकडं फिरकूही नका असे सांगतोय. प्रत्येकाची आवड वेगवेगळी आणि मिसळीच्या बाबतीत तर तिखट झेपणे/न झेपणे असा प्रकार असतो.
एके ठिकाणी (म्हणजे एकांच्या घरी) त्यांनी हौसेनं मिसळ हा प्रकार केला होता. त्यात साबुदाण्याची खिचडी, फोडणीचे पोहे, शेव आणि रस्सा हे एकत्र केले होते. पहिल्यांदाच खाल्ला तो प्रकार हा होता. त्यावर दही! अन्नाला नावे ठेवल्याबद्दल नंतर आईची बोलणी खावी लागली ती वेगळीच! तेंव्हापासून मिसळ हा प्रकार मला झेपेल अश्या चवीचा घरी करून खाते, अन्यथा नाही.

कोणी रत्नागिरीला " गांध्यांची मिसळ खाल्ली आहे का? " मस्त असते.

शिळी भाकरी चांगली लागते हे सत्य बर्‍याच जणांना माहीत असेल.
त्याचप्रमाणे हॉटेलातल्या उसळीत (ती असते का हा संशोधनाचा मुद्दा आहे) जेवढे शिळे मटेरिअल जास्त (जेवढे हा शब्द शिळ्या मटेरिअल्स चे नग व क्वांटीटि या दोहोंसाठी लागू आहे.) तेवढी मिसळ चविष्ट.

बाकी प्रत्येकाच्या चवीची आवडनिवड बदलती असते. त्यामुळे हि मिसळ चांगली ती वाईट असा काही प्रकार नसतो. त्याचप्रमाणे तुम्हाला भुक किती लागलेली आहे त्यावरही पदार्थाची चव अवलंबून असते.

मला तर पाव हे वेगळ्या डिश मध्ये आलेली मिसळ आवडते. एकाच डिशमध्ये मिसळ अन पाव एकत्र असतांना निट खातादेखील येत नाही.

या लिष्टेत दिवे आगरच्या आवळस्करांची मिसळ अ‍ॅड करुन टाका बरे.

आणि या मिसळी कश्या नाहीत?

१. आबा पवारः रास्ता पेठ
२. कर्वे रोडवर कासट समोरच्या गल्लीतली टपरी
३. महेश भुवनः मार्केटयार्ड, पुणे
४. दे धक्का: पुणे

बेडेकर आणि आवळस्करांपाठोपाठ मामलेदार आणि गोखले (दोन्ही ठाणे) यांचाच नंबर लागावा. नंतर वरचे चार. हे नंबर खालील लिष्टेतुन. बाकी मी खाल्लेल्या नाहीतः

१) अण्णा बेडेकर, पुणे

२) मामलेदार, ठाणे

३) रामनाथ-साहित्य परिषदे जवळ ,टिळक रोड

४) श्री- शनिपारा जवळ

५) नेवाळे- चिंचवड

६) कुंजविहारी, ठाणे स्टेशन

७) गोखले उपहार गृह, ठाणे

८) फडतरे मिसळ कोल्हापुर

९) गरवारे कॉलेज समोर काटाकिर्र, पुणे

१०) श्रीकृष्ण - तुळशीबाग, पुणे

११) खासबागचीमिसळ कोल्हापुर

१२). बावड्याची मिसळ कोल्हापुर

सहस्त्र बुद्धेंची र्टिळक रोड.....बादशाही मिसळ..
एकदम मस्त..
मिसळ्+लोणी पाव स्लाईस्+चहा...
दिवस कारणी लागतो..

मिसळ तिखट जाळ व्हावि म्हणुन चुन्याची निवळी घालतात असे ऐकुन्/वाचुन आहे..
दर्दी मार्ग दर्शन करतिल का?