भेट घ्यायची ओढ लागली
नकोच आता दुर जराही
भेट घ्यायची ओढ लागली ||१||
हिरव्या वाटा उंच तरूवर
प्रकाशाचे किरण त्यावर ||२||
ओळखीच्या त्या झाडे वेली
नेहमीची त्यांनी जादू केली ||३||
वायू परिचीत पानांस लागला
थरथर त्यांना देवूनी गेला ||४||
नजरेच्या टापूत आले समोर
शांत नितळ शितल सरोवर ||५||
हृदयाच्या कप्यात हुरहुर झाली
जुन्या स्मृतींची आठवण आली ||६||
विरह कसला असला नसता
नकोच ते दुर असणे आता ||७||
श्रम पुरले वेळही सरली
भेट घ्यायची ओढ लागली ||८||
- पाषाणभेद (दगडफोड्या)
२०/०४/२०११
प्रतिक्रिया
20 Apr 2011 - 2:40 am | निनाव
पाभे, तुम्ही जबर्दस्त वर्साटाईल कलाकार आहात. - जबर्या!
खूप शुभेच्छा!
-आ. निनाव.
20 Apr 2011 - 5:06 am | नरेशकुमार
वंटास !
विशेश आवडले.
20 Apr 2011 - 5:08 am | प्रकाश१११
पाषाणभेदा -छान जमलीय. उत्तम !!
20 Apr 2011 - 10:48 am | मिसळलेला काव्यप्रेमी
नि:शब्द!!
20 Apr 2011 - 8:19 pm | गणेशा
मस्तच