शत्रु समोरून थेट वार करुन गेला -
मित्र मिठित पाठीवर वार करुन गेला !
मैफिलीत हास्यरंग उधळण्यास आला
सुतकी चेहऱ्यांस नमस्कार करुन गेला !
सुखाचाच शोध घेत रडत जन्म झाला -
तिरडीवर मात्र आज छान हसुन गेला !
पौर्णिमेस गोल चंद्र पाहण्या विसरला ,
अवसेला काजवाच चकित करुन गेला !
भ्रष्टांचा देवळात सुळसुळाट झाला
सचोटिचा देव तिथुन कधिच पळुन गेला !
प्रतिक्रिया
27 Mar 2011 - 12:37 pm | वेताळ
आवडली.
28 Mar 2011 - 7:22 am | स्पंदना
मला पण!
28 Mar 2011 - 11:02 am | कच्ची कैरी
>>
पौर्णिमेस गोल चंद्र पाहण्या विसरला ,
अवसेला काजवाच चकित करुन गेला>>व्वा काय कल्पना आहे !कविता मस्तच जमुन आलीये !
28 Mar 2011 - 2:11 pm | माझीही शॅम्पेन
चान चान !
28 Mar 2011 - 4:44 pm | गणेशा
छान
29 Mar 2011 - 7:17 am | मदनबाण
कविता आवडली...