नियतीने कोरले जे असे
चेहऱ्यावरती तसे ते ठसे
नित्य मुखवटे तेच खुपावे
बंध किती हे सहन करावे?
नाव जसे मिळविले कर्माने
निष्कलंक नी अबाध्य जपणे
जपती सगळे प्राणपणाने
झुकतो आत्मा ह्या ताणाने
मुक्त श्वास घेण्या तापातून
उपाय असती फ़ार पुरातन
नाट्य, तमाशा, किंवा लेखन
प्रदान करीती अलगच दर्शन
कोणी जाती हास्यगृहांतरी
टिंगू अथवा लंबू दिसे जरी
हसूनी स्वत:ला खरे पोटभरी
मुखवट्याची बोच नष्ट करी
जाल जादुई बघा उभरले
चेहरा पुस्तक तेथ उमटले
ब्लॉग विविध आयडींने केले
समाज दर्पण जणू उभरले
महाजाल बघ विणले घट्ट
का करिशी स्वत्वाचा हट्ट?
धरी आयडी नाना कळा
घेई श्वास बेबंद मोकळा
संस्थळींचे जादुई दर्पण
तणाव-नाशक मुक्त वर्तन
दिसुही शके ना स्वत: जसे
रूप दर्पणी भिन्न दिसावे
प्रतिक्रिया
13 Mar 2011 - 2:04 pm | निनाव
छान आहे.
13 Mar 2011 - 5:51 pm | निवेदिता-ताई
मस्त....................खुप आवडले!!!!
13 Mar 2011 - 5:58 pm | निनाद मुक्काम प...
झकास आणि सकस /सरस
13 Mar 2011 - 6:04 pm | पैसा
तुमचे डु. आयडी. किती? ;)
13 Mar 2011 - 7:13 pm | प्रकाश घाटपांडे
खर्‍या आयडी बी विविध अंतर्प्रतिमेने वादित्/संवादित असतात
आपलाच वाद आपणाशी
13 Mar 2011 - 9:35 pm | बिपिन कार्यकर्ते
+१
13 Mar 2011 - 8:13 pm | प्रीत-मोहर
मस्त ......आवडली कविता
13 Mar 2011 - 8:19 pm | टारझन
तुमचा दुसरा आयडी नक्की पाषाणभेद किंवा प्रकाश१११ किंवा गंगाधर मुटे आहे .. बरोबर की नाही ? ;)
13 Mar 2011 - 8:26 pm | अरुण मनोहर
आय एम ऑनर्ड!
13 Mar 2011 - 8:27 pm | अरुण मनोहर
प्रकाटाआ.
14 Mar 2011 - 2:35 am | प्राजु
वावा!! आवडले. :)
14 Mar 2011 - 7:48 am | प्रकाश१११
अरुण मनोहर - छान .आवडली कविता
नाव जसे मिळविले कर्माने
निष्कलंक नी अबाध्य जपणे
जपती सगळे प्राणपणाने
झुकतो आत्मा ह्या ताणाने
खूप शुभेच्छा ..!!
14 Mar 2011 - 7:59 am | नगरीनिरंजन
छान कविता!
डु-आयडी थेरपी घेऊन बघावी असं वाटतंय.
14 Mar 2011 - 8:05 am | स्पंदना
अच्छा ! ही पुर्ण कविता आहे तर.
सुन्दरच!!
14 Mar 2011 - 12:06 pm | नरेशकुमार
डु-आयडी मंजे काय ?
डु-आयडी कसा काढतात ?
आपली तर बुवा जेवढे काय आयडी आहेत ति सर्व अस्सल/वरिजनल आहेत.