हत्तीदादा हत्तीदादा
कसला आहार घेतो रे ?
अगडबंब शरीर बघून
शत्रू गार होतो रे !
ससेभाऊ ससेभाऊ
कुठला साबण वापरतो ?
शुभ्र रेशमी अंगाला
डाग एकही ना पडतो !
अस्वलकाका अस्वलकाका
कोणते तेल लावतो रे
केस नेहमी दाट काळे
गुपित काय सांग बरे ?
हरणा हरणा - थोडं थांब
कसले बूट घालतो सांग ?
उड्या मारत चपळाईने
लांब लांब टाकतो ढांग !
माकड माकड - हूप हूप
कुठली फळे खातो खूप ?
फांदीवरच्या कसरतीने
आम्हाला तू करतो चूप !
सिंहराज सिंहराज -
कोणत्या चघळता गोळ्या ?
त त प प करतो आम्ही
ऐकून तुमच्या डरकाळ्या !
प्रतिक्रिया
12 Mar 2011 - 2:44 pm | निनाव
वाह. कित्ती सुंदर. खूपच छान..अगदी गोड लिहिले आहे.
हरणा हरणा - थोडं थांब
कसले बूट घालतो सांग ?
उड्या मारत चपळाईने
लांब लांब टाकतो ढांग !
लहान मुलांसाठी लिहिणे सर्वात कठिण आहे. आणि तुम्ही ते अगदी सहज केले आहे.
- पुलेशु.
12 Mar 2011 - 2:44 pm | निनाव
वाह. कित्ती सुंदर. खूपच छान..अगदी गोड लिहिले आहे.
हरणा हरणा - थोडं थांब
कसले बूट घालतो सांग ?
उड्या मारत चपळाईने
लांब लांब टाकतो ढांग !
लहान मुलांसाठी लिहिणे सर्वात कठिण आहे. आणि तुम्ही ते अगदी सहज केले आहे.
- पुलेशु.
12 Mar 2011 - 8:42 pm | डावखुरा
खुप छान निरागस...
14 Mar 2011 - 9:00 am | नरेशकुमार
आवडले !
14 Mar 2011 - 10:41 am | टारझन
विदेश हे आजपासुन बालकवी आहेत मिपा चे ... जियो !!
-(मिपा चे मालकवी) पु. सी. फडके