देवा, येऊ देत आता अजून एक विमान...!

तात्या.. भावना एकदम खर्‍या आहेत आणि खूप भिडल्या. पटल्याही..

आमेन ! :(

"जो भजे हरि को सदा....सो ही परम पद पावेगा..!!"

स्तब्ध.

:(

तात्या आपल्याला खुप वाटते पण तसे होत नसते.
शेवटी ते एक शापित गंधर्व आहेत.

त्यांची स्वतःची इच्छा काय आहे हे आपल्याला माहिती आहे का? परमेश्वराने माझी क्रूर थट्टा चालवली आहे...! ह्याचा अर्थ आपण आपल्या सोयी प्रमाणे लाऊन देवाकडे असे काव्यमय मागणे मागणे जरा अति होतंय. प्रेम, डोळस श्रद्धा, वैयक्तिक जवळीक इत्यादि सगळ्या गोष्टी ठीक आहेत. पण त्या दाखवण्याच्या नादात त्यांच्यासाठी विमान पाठवायला सांगणे ही पंडितजींची क्रूर थट्टा आहे. त्यांचं लेखकाशी जर काही बोलणं झालं असेल तर ते पूर्णत: वैयक्तिक आहे. एखाद्या हळव्या क्षणी ते असं म्हणून गेले असतीलही. पण ते बोलणं इथे चव्हाट्यावर कशाला मांडायचे?

आज पं. भिमसेन जोशी आज ८८ वर्षांचे आहेत. प्रकॄती नाजूक आहे. पण आम्हाला ते अजूनही हवे आहेत. अजून अनेक वर्ष त्यांचं नुसतं आमच्यात असणं आम्हाला हवं आहे.

त्यामुळे देवाकडे मागणं मागायचंच झालं तर त्यांच्यासाठी डायरेक्ट विमानच पाठवायला सांगण्यापेक्षा त्यांच्या प्रकॄतीला आराम पडू दे हेच मागणं देवाकडे मागेन.

(आणि त्यासाठी लेख तर नक्कीच लिहिणार नाही. ही भावना माझी खूप खाजगी बाब आहे, ती खाजगीच ठेवीन)

मनाच्या एका हळव्या क्षणी अशी इच्छा होणे अगदी स्वाभाविक आणि नैसर्गिक आहे. आपल्या अत्यंत जवळच्या माणसावर अशी वेळ येउ नये, आणि त्यातून त्यानी सुटावे असे वाटण्यात गैर काहीच नाही. हे भारतरत्न सर्वानाच जवळचे आहे, त्यासाठी त्यानी प्रत्यक्ष भेटल्यावरच काही भाष्य करावे याची आवश्यकता नाही . अशी भावना अदरवाइज पण येउ शकते. कदाचित आपणा सर्वांच्या मनात हा विचार चमकून गेला असेच तात्यांनी फक्त व्यक्त करण्याचे धाडस दाखवले.

तात्यांना भावना व्यक्त करण्याचा पूर्ण अधिकार आहे. अर्थातच ते म्हणतात ते गैर वाटले तर ते व्यक्त करण्याचा अधिकार इतराना पण आहेच की.

खरं म्हणजे प्रामाणिक मत व्यक्त करायला सभ्य पणाच्या मर्यादा येतात हे खरे, पण त्यानी व्यक्त केलेले भाष्य कुठेही असभ्य नाही हे ही तितकेच खरे. दुर्गा भागवतांचे काय झाले?

पराधीन आहे जगती पुत्र मानवाचा हेच खरे.

आता देवच काय योग्य ते करो. (देव खरेच योग्य तेच करतो का? शंकेला प्रचंड वाव आहे)

असा भीमसेन आता होणार नाही. मी आदीजोशीनशी सहमत आहे.आम्हाला ते आणखी खूप काळ हवे आहेत.

शब्द नाहीयेत.
देवा, जे काही करशील ते पंडीतजींच्या तब्बेतीला मानवेल आणि चांगले असेल तेच कर. इतकंच म्हणेन.

:(

पराधीन आहे जगती पुत्र मानवाचा!

च्या मायला...
२०११ काय नुस्त धक्के द्यायच काम करतय वाटत,,,
आधी रंगकर्मी गेले....आता पंडीत्जी अत्यवस्थ...
काय खर नाय बॉ....

>>'भारतरत्न..' या पदवीचा सन्मान झाला..!
१००% सहमत.

देवा, विश्वास ठेव, मला काय म्हणाले माहित्ये?

" परमेश्वराने माझी क्रूर थट्टा चालवली आहे...!"

देवा, थांबव आता ही क्रूर थट्टा..!

कोणी आपल्याला सांगितलेली अतिशय खाजगीतली गोष्ट अशाप्रकारे सर्वांना सांगणं.

पटत नाही !

तुमच्या प्रेमाचा, श्रद्धेचा आणि भावनांचा आदर ठेवूनही हेच मागेन की
"देवा, पंडीतजींना उदंड आणि निरोगी आरोग्य दे. ज्यांचे दैवी सुर एखाद्या अश्रद्ध, नास्तिक माणसाच्या मनातही भक्तिभाव जागृत करु शकतात, त्याला असं गलितगात्र, परावलंबी बनवणं तुलाच लाजिरवाणं आहे रे देवा.."