गण: आमच्या गणाला गणपती आले
आमच्या गणाला गणपती आले
वंदन करूनी मस्तक झुकले ||धृ||
रिद्धीसिद्धीचा स्वामी तू गणपती
शरण आलो आम्ही अल्पमती
कार्यारंभी दावूनी उपस्थीती
दयाबुद्धीने आम्हा पाहीले
आमच्या गणाला गणपती आले ||१||
कलाकारां होवोनी स्पुर्ती
जगावेगळी मिळण्या किर्ती
कला आगळी सादर करण्या
कलाकार सारे एकच झाले
आमच्या गणाला गणपती आले ||२||
सारी विघ्ने गेली सारूनी
संकटे सारी गेली हारूनी
पुढला अंक सुरू कराया
गणात नमन गणाला केले
आमच्या गणाला गणपती आले ||३||
०३/०९/२०१०
प्रतिक्रिया
3 Sep 2010 - 8:09 am | मदनबाण
गणपती बाप्पा मोरया !!! मंगल मूर्ती मोरया !!! :)
3 Sep 2010 - 10:37 am | विसोबा खेचर
छान रे...
3 Sep 2010 - 9:38 pm | बबु
प्रयत्न बरा. पारंपारिक चालीवर गुणगुणलो. मीटरमद्ये बसली नाही.
4 Sep 2010 - 2:18 am | आमोद शिंदे
छान कविता. शिर्षक वाचून अनेक घाणेरडी विडंबने काही विडंबकांच्या डोक्यात आली असतील. पण कृपया गौरी गणपती संपेपर्यंत त्यांनी थांबावे असे वाटते.