मोरा मोरा नाच रे (बडबडगीत)
मोरा मोरा नाच रे
अंकलिपी वाच रे
वाचता वाचता बोल रे
पृथ्वी कशी गोल रे
गोल चेंडू उडला
सुर्यावरती पडला
कान त्याचा कापला
म्हणून सुर्य तापला
ऊन, हवा आणि
गरम झाले पाणी
पाणी गरम झाले
वाफ़ होऊन आले
सोडूनिया धरती
वाफ़ गेली वरती
आभाळात मगं
तिचे झाले ढगं
ढग वाजे गडगड
वीज चमके कडकड
वारा सुटला सो-सो
पाऊस आला धो-धो
मोरा मोरा नाच रे
श्रावणाचा मास रे
नाचता नाचता सारा
फ़ुलवून दे पिसारा
गंगाधर मुटे
...................................
प्रतिक्रिया
16 Aug 2010 - 2:54 pm | इंटरनेटस्नेही
छान. अगदी संग्राह्य.
17 Aug 2010 - 9:10 pm | अश्विनीका
छान .
17 Aug 2010 - 10:28 pm | शिल्पा ब
आवडली कविता.. छान.
22 Aug 2010 - 8:59 pm | गंगाधर मुटे
सर्वांचे आभार.
22 Aug 2010 - 9:34 pm | मितान
छान !
उत्तम शैक्षणिक कविता ! :)